Тәрбиешінің маңызды рөлі: Бала бағудағы жауапкершілік
Тәрбиеші – қоғамның рухани негізі болып табылатын, келешек ұрпақты тәрбиелеуде, қалыптастыруда шешуші рөл атқаратын маман. Балапан бөбекжай бақшасының тәрбиешісі Калмагамбетова Толғанай да өзінің еңбек жолында осы жауапкершілікті терең сезініп, балалар мен ата-аналар арасында тығыз ынтымақтастық орнату мақсатында еңбек етуде. Оның айтуынша, тәрбиеші мамандығы – ең қадірлі де қасиетті кәсіп, өйткені әр бала – болашақ еліміздің азаматтары.
Кішкентай балалармен жұмыс істегенде, олардың бойында жылы шырай мен қамқорлық көрсету, солармен бірге уақыт өткізу – оны қуантады. Тәрбиеші ретінде Толғанай балалардың мерекелерін ұйымдастырып, сондай-ақ, білім беру және тәрбие жұмыстарында кітап оқу, шығармашылық сабақтар өткізу арқылы олардың болашағына зор үлес қосуда. Кішкентай бүлдіршіндерде қызығушылықты ояту, олардың білімін арттыру мақсатында әр жылы түрлі шаралар өткізу дәстүрге айналған.
Ата-аналармен қарым-қатынас – тәрбиеші қызметінде ерекше маңызды. Ол үнемі ата-аналармен бірлесе жұмыс жасауды, олардың мәселелеріне бейжай қарамай, ізденіс пен шығармашылықпен жақындауды ұсынады. Ата-аналармен өткізілетін жиналыстар, семинарлар – мектепке дейінгі білім беру мен тәрбиеге қатысты өзара байланыс орнатуға мүмкіндік береді. Осылайша, тәрбиеші мен ата-ана арасындағы қарым-қатынасты нығайтады, тәрбиені ортақ іс ретінде қарастырады.
Тәрбиеші полотнодағы суретшідей, балаларды тәрбиелеудегі, олардың тұлғалық қасиеттерін қалыптастыруда, ұлттық құндылықтарды бойларына сіңіруде, әлемді тануда жеке шығармашылық қабілетін аша білуі керек. Дара тұлға ретінде алға тартқан мақсаттарына жету үшін, оларды марафондар мен жарыстарға қатыстыру, мектепке дейінгі балалар арасындағы әлеуметтік іс-шараларды ұйымдастыру – тәрбиешінің күнделікті міндеттері. Осы орайда, еңбек жолында келе жатқан балалардың әрбір жетістігі – тәрбиешінің үміті мен қуанышы.
«Егер де сүйе білмесең,
тәрбиелеуге құқын жоқ».
Г.Песталоцци
Тәрбиеші тәлімі!
Мен үшін де осынау өмірімдегі ең қастерлі,әрі қасиетті мамандық ол – тәрбиеші деп білемін. Кішкентай сәби баланың былдыр дауысы мен сыңғырлаған дыбыстарын балалық шағымнан жақсы көріп,бала тілін ұғына білетінмін. Балаларды ұйымдастырып,олармен уақыт өткізген қатты ұнайтын. Өз бойымдағы балаларға деген жылы шырайы,адал ниетімді,қызығушылығымды болашақ мамандығыма айналдырып, Қостанай педагогикалық колледжінің тәрбиеші мамандығына оқуға түстім. «Жол таңдауда жалтаңдауға болмайды» дегендей, әу баста ұлтымыздың, тәуелсіз еліміздің ертеңі боларлық бүлдіршіндерді тәрбиелеу жолын таңдағаныма еш өкінбеймін. Керісінше, ауыртпалығы мен жауаптылығы қырық атанға жүк боларлық осы кәсіпті таңдау арқылы қоғамдық дамуға өлшеусіз үлес қосып келе жатқанымды мақтан етемін. Адам баласының өмірінде болуға тиіс бақыттың бірі не десек, ол – өз қалауыңмен таңдаған кәсіп-мамандығыңа деген салиқалы ынтызарлық әрі ыстық ықылас дер едім. Өз еңбегіне жан-тәнімен берілген жан ғана өмірдің мән-мағынасын, қоғамдық ортадағы жауапкершілікті, тұтастай ұлттың ертеңіне қоса алар өзіндік үлесін тереңнен салмақтай білу керек. Бір сөзбен айтқанда, өмірдің мәні адал әрі мағыналы, жемісті әрі нәтижелі еңбекте жатқандығын түбегейлі түйсіне алған әр адам биікке бастар жолдың қадірін салмақтай біледі. Өзімнің еңбек жолымды Қараменді селосынның «Балапан» бөбекжай бақшасында жалғастырудамын. «Кәсібің – нәсібің» дейді қазақ даналығы. Шын жүрекпен қалаған кәсіп арқылы ғана және жемісті еңбек арқылы өмірлік несібеңді, абырой-беделіңді, қоғам алдыңдағы құрметіңді еселей аласың.Менде өзіме деген сеніммен «өз маманымның шебері» болуға бел будым. Сол мезеттен бері тыңбай еңбек етудемін.Балалармен бірге мерекелерге «Күз ханшайымы», «Тәуелсіздік тұғыры», «Қош 
келдің,жана жыл!», «Ал,қанекей,Әжелер!» т.б атты ертеңгіліктер өткіздім. Ашық есік апталығында, «Үш саны мен сан белгісін белгілеу» тақырыбында ашық сабақ өткізіп балалардың білімін жетілдіре білдім. «Балапан» бөбекжай бақшасының ата-аналары өз балаларының ертеңгі болашағына алаңдап күнделікті тәртіп,білімдерін қадағалап 
отырады.Тәрбиші мен ата-ана арасындағы сабақтастықты арттыру мақсатында «Бала тәртібісі ортақ іс», «Бала бақша мен отбасы арасындағы ынтымақтастық» т,б атты жиналыс кеңестерін өткіздім.Тәрбиешінің әр күні ізденіспен, ертеңгі азаматты қалыптастыру жауапкершілігімен ұштасып жатады. Тәуелсіз елдің жас ұрпағын лайықты түрде тәрбиелеу – біздерге артылған аса жоғары міндет. Осы міндетті орындау үшін әрбір тәрбиеші жанын салады. Менің де өз тәрбиленушімнің бойынан жылт еткен жақсылықты, талап пен талантты тауып, бұлақтың көзін ашу, биікке жетелеу,тілдерін дамыту,сөйлеу мәдениеті арқылы бала бойына ұлттық құндылықтарды, дәстүр мен салтты, ұлтымызға тән ізгіліктерді, жалпы адамзатқа ортақ өркениеттік ұстанымдарды бойларына сіңіру мақсатында өз бүлдіршіндерімді түрлі марафондар мен жарыстарға қатыстырудамын. Айта кетсем бүлдіршіндерім мектепке дейінгі 
балалар арасындағы «Табиғат және қоғам» марафоны мен «Үркер» жарыстарына белсене қатысып мақтау қағаздарымен марапатталды.
Көрнекті тұлға Ахмет Байтұрсынұлы: «Балам дейтін ел болмаса, елім дейтін бала қайдан болсын» деген екен. Балабақша тәрбиешілері қай кезеңде болсын ертеңгі елім деп еңірейтін ұрпақты тәрбиелеуге тер төгуде. Бұл жолда үлкен ізденіс, парасат қажет , олардың әрқайсысының еңбегі қашанда құрметке лайық деп білемін!
Балапан бөбекжай бақшасының тәрбиешісі:Калмагамбетова Толганай
