Публикации воспитателей детских садов
О проекте

Тақырыптық сабақ Лунтик пен бірге саяхат.

Муктарова Гулзира Мараткызы Муктарова Гулзира Мараткызы
DOCX
102
0
Предпросмотр

Сабақтың тақырыбы: «Лунтикпен бірге саяхат»
Сабақтың мақсаты:
1. Балаларды жолда жүру ережесімен және бағдаршамның қызметі,жайлы білетін білімдерін бекіту. Жолда жүру ережесімен таныстыра отырып, бағдаршамның сигналдарын меңгерту.
2. Жол белгілерін айыра білу дағдысын қалыптастыру, көше жағдайындағы кеңістікті бағдарлай білу дағдыларын, көшедегі мінез – құлығын, өзін – өзі ұстауын, жол ережесіне байланысты сана – сезімін дамыту.
3. Балаларды мейірімділікке, зейінді болуға, өзін – өзі қорғай білуге тәрбиелеу.
Сабақтың көрнекілігі: жол белгілері, бағдаршам үлгісі, жаяу жүргіншлер жолы, ойыншық машиналар.
Сабақтың барысы:
Шаттық шеңбер.
Арайлап таң атты,
Алтын сәуле таратты.
Жарқырайды қаламыз
Жайнай түсті даламыз,
Жол тәртібін білетін
Біз білімді баламыз,
Қайырлы күн қонақтар!
Қайырлы күн достарым!
1. Кіріспе.
- Балалар біздің ата-аналарымыз базарға, қалаға, ауылға барғанда олар немен жүреді?
- Көлікпен.
- Қандай көлік түрлерн білесіңдер?
- Жер үсті, ауа, суда жүретін көліктер.
- Жер үстінде қандай көліктер жүреді?
- Жеңіл көлік, ауыр көлік, велосипед, поезд, трамвай, троллейбус, автобус. т.б
- Жолда жүргенде жол жүру ережелерін сақтайсыңдар ма?
- Иә.
- Олай болса мен сендерге жұмбақ жасырайын.
Үш көзді батыр, Жолды аңдып жатыр /бағдаршам/
- Балалар, бағдаршам бізге не үшін керек? /балалардың жауабы тыңдалып, тәрбиеші толықтырады/
-
2. Тосын сәт
Топқа Лунтик кіреді.
- Сәлеметсіңдерме балалар?
Мен жаңа ғана айдан түстім.
Қала ішін аралап,өзімі жаңа достар тапқым келеді.
Бірақ айналам толған көлік,
Бәрі сигнал беріп,жол бермей есімді шығарды.
Сол себеппен сендерге келіп тұрмын.
Көмектесесіндерме маған достар?
Балалар: - Қош келдіңіз әрине көмектесеміз.
Тәрбиеші: - Лунтик көшеде бағдаршам бар емес пе? Бағдаршаммен неге өтпедің. Үлгілі, тәртіпті бала жол ережесін бұзбайды.
Лунтик: Мен жол ережесі, көше тәртібі дегенді білмеймін, бағдаршам деген не?
Тәрбиеші: Олай болса жол ережесі, бағдаршам дегенді бізбен бірге үйренесің. Қазір мен сендерге жол ережесі туралы түсінік берейін.
3.
Сурет арқылы түсінік беру.
- Бағдаршам – жол ережесін реттеуші, ол жол қиылысынан өтуге көмектеседі. Жаяу жүргіншілерді жол апатынан сақтайды. Біз жол ережесін сақтай білуіміз керек. Көлік жүретін үлкен жолдың қапталында, арнайы адамдар жүретін тратуарлар болады. Жүргізушілер мен жаяу адамдар өздерінің жолда не күтіп тұрғандарын білуі тиіс. Бұл туралы оларға жол белгілері хабарлайды. Ол белгілер қарапайым сурет түрінде жасалған. Мысалы: қызыл шеңберде велосипед болса, велосипедпен жүруге болмайды. Егер велосипед көгілдір түсті белгіде болса, онда бұл велосипедпен жүруге болатын жол.жаяуларға арналған белгілердің барлығы көгілдір түсті болады, жаяу адам көшеден тек сондай белгі бар жерден өтуі тиіс.
Лунтик: Ал енді маған мынаны айтыңызшы, бағдаршам жоқ көшелерден қалай өтеміз?
Тәрбиеші: Егер өтетін жерде бағдаршам болмаса, жүргіншілерге арналған ақ жолақтар болады. Ақ жолақтар болмаса көшеден өте бере әуелі сол жаққа қараймыз, көшенің орта тұсына жеткенде оң жағымызға көз саламыз. Егер ол жақтан машина келе жатса, өтіп кеткенше сол орында күте тұрамыз. Ендеше, мына жолдармен бағдаршамсыз және бағдаршам барда қалай жүретінімізді Лунтикке көрсетейік. Балалар қалай өтетінін көрсетеді.
4.
Дұрыс – бұрыс ойыны.
Ойынның шарты, балалар дұрыс жауапқа қолдарын шапалақтайды, бұрыс жауапқа шапалақтамайды. Мысалы:
- Көшеде өткенде бірінші оңға қараймын;
- Көшенің ортасында доп ойнаймын;
- Жол ережесін сақтаймын.
- Бағдаршамның қызыл көзі жанғанда жүремін; т.б.

Сергіту сәті.
Орнымыздан тұрайық,
Біздер жолға шығайық.
Ұзын, қысқа жолдарды,
Біліп біздер алайық.
Оң аяқ, сол аяқ,
Жолдан өту оңай – ақ.
Бағдаршам құрастыру /Топтық жұмыс/.
Қиылған әртүрлі қағаз бөліктерінен бағдаршамның көздерін құрастыру.
Қорытынды.
Айналайын абайла,
Жан - жағыңа қарайла.
Жолда жүру ережесін,
Есте сақта қалайда.
Міне балалар, біз сендермен жолда қалай жүру керек екенін білдік. Жол ережесін әрқашан есте сақтау керек. Жол ережесін жақсы білсек, өзімізді жол апатынан сақтаймыз.
Ал енді ережелерді әрқашан орындап, аман болайық