Технологиялық карта «Балдырған» ортаңғы тобының оқу іс-әрекеті
Бұл құжатта «Балдырған» ортаңғы тобының оқу іс-әрекетіне арналған технологиялық карта таныстырылған. Картаның негізгі мақсаты – балалардың 4 цифрымен танысуын қамтамасыз ету, «үлкен», «кіші», «кішкентай» сынды сапалық ұғымдарды меңгеру арқылы олардың зейінін дамыту.
Оқу іс-әрекеті балалардың логикалық ойлау қабілеттерін, есте сақтау және моторикасын жақсартуға бағытталған. Тәрбиешінің іс-әрекеті балалармен жұмбақтар арқылы қызығушылығын ояту, сергітетін сәттер енгізу, ойын элементтерін қолдану секілді тәсілдермен толықтырылады. Балалар, өз кезегінде, реттілік пен жинақылыққа үйренеді.
Технологиялық картада бірнеше бөлімдер қамтылған, соның ішінде сөздік жұмыс, әдіс-тәсілдер, көрнекі құралдар, ұйымдастыру-іздестіру кезеңдері. Мысалы, балалар 4 цифрын өзге цифрлар арасынан табуды үйренеді, сонымен қатар заттардың көлемін салыстыруды, біріктіруді тағайындап, денсаулығын қалыптастыру үшін сергіту сәттері ұйымдастырылады.
Осы оқу іс-әрекеті барысында балалар түрлі тапсырмаларды орындау арқылы белсенді қатысады. Тәрбиеші әр тапсырманы қызықты етіп, балаларды ынталандырып отырады. Зерттеу және орналасу арқылы логикалық есептерге жауап беріп, балалар өз бетінше ойлап, шешімдер шығарады.
Осылайша, «Балдырған» ортаңғы тобының оқу іс-әрекетінің технологиялық картасы, балаларды таныстыру тек білімділік емес, сонымен қатар дамытушылық және тәрбиелік мақсаттарды да көздейді, яғни оларды ұқыптылыққа, реттілікке және жинақылыққа тәрбиелейді.
«Балдырған» ортаңғы тобының
оқу іс-әрекетінің технологиялық картасы
Білім беру саласы:Таным
Бөлімі:ҚМТҚ
Тақырыбы:4 цифрымен танысу. Үлкен, кіші, кішкентай. Баланың зейінін дамыту.
Мақсаты:
Білімділік: 4 цифрының сандық қатардағы орнын анықтау. 4 цифрын өзге цифрлар арасынан табу. «Үлкен, кіші, кішкентай» сөздерін пайдалана отырып, заттарды көлеміне қарай салыстыру.
Дамытушылық: балалардың зейінін, саусақ моторикасын, ойлау, есте сақтау қабілеттерін дамыту.
Тәрбиелік: балаларды ұқыптылыққа, реттілікке, жинақылыққа тәрбиелеу.
Сөздік жұмыс:үлкен, кіші, кішкентай.
Әдіс -тәсілдер:түсіндіру, сұрақ-жауап, М.Монтессори әдісінің элементі.
Көрнекі құралдар:үлестірмелі материалдар, қысқыштар, күннің көзі, геометриялық пішіндер.
Тәрбиешінің
іс-әрекеті
Балалардың
іс-әрекеті
Мотивациялық-қозғаушылық
Шаттық шеңбері
Біз Балдырған баламыз,
Айтқан тілді аламыз.
Үлкендерді көргенде
Амандасып қаламыз.
Жұмбақ жасыру:
Аспанда бір айна бар,
Әлемді көріп айналар.
-Ендеше балалар, біздің тобымыз жарық, әдемі, көңілді болуы үшін өз қолымызбен күннің көзін жасап қояйық.
Балалар дауыстап қайталайды.
Жұмбақтың шешуін табады
-Күннің көзі.
Балалар қысқыштардың көмегімен күннің көзін дайындайды.
Ұйымдастыру-іздестіру
-Балалар, жыл мезгілдерін есімізге түсірейік.
-Бір жылда неше мезгіл бар?
-Күз айларын білесіңдер ме?
-Қазір мен сендерге тағы да бір жұмбақ жасырамын, мұқият тыңдайық:
Есікке біз қарайық,
Бұрыштарын санайық.
Кәне, айтайық балалар
Нешеу екен бұрыштар?
-Балалар, біздің топта 4 қыры бар қандай заттар бар?
-Дұрыс, ендеше бүгін біз сендермен 4 санымен танысамыз
(тақтаға 4 санын ілу)
Суретпен жұмыс
-Тақтадағы суреттерге қарайық, қандай пішіндерді көріп тұрсыңдар?
-Үшбұрыштардың саны қанша?
-Неше шеңбер бар екен?
-Ал төртбұрыш қанша?
-Олардың көлемі бірдей ме?
Үшбұрыш, төртбұрыштардың қырларын санату.
-Балалар, сендердің алдарыңда карточкалар жатыр. Сол карточкаларға үшбұрыш пен төртбұрышты орналастырайық.
-Бірінші қатарға 3 үшбұрыш қойыңдар.
-Екінші қатарға 4 төртбұрыш қоямыз.
-Қайсысы көп?
-Ал үшбұрыштардың саны төртке тең болу үшін не істеуге болады?
Сергіту сәті
Қарлығаштай ұшайық,
Кәне, қанат жазайық.
Бір отырып, бір тұрып
Орнымызды табайық.
Логикалық есептер:
1)Табақта 3 алма,
Қолымда бір алма.
Қосқанда барлығы,
Болады неше алма?
2)Бір алма апама,
Бір алма атама.
Қалған екеуі
Мамам мен папама.
Қолымда қалды қанша алма?
Д/о «Ойлан, тап»
Шарты: балалар көздерін жұмады, тәрбиеші музыкалық аспап арқылы дыбыс береді. Дыбыс қанша рет естілсе, балалар санды көрсетеді.
«Адасқан сандар» д/о.
Шарты: адасқан сандарды ретімен қою. Тура және кері санау.
-Бір жылда 4 мезгіл бар.
-Қыркүйек, қазан, қараша.
Жұмбақты мұқият тыңдап, шешуін табады.
Балалар ойланып жауап береді.
-3 үшбұрыш
-1 шеңбер
-4 төртбұрыш
-Көлемдері әртүрлі.
Тапсырманы орындайды.
-төртбұрыш көп.
-Бірінші қатарға тағы 1 үшбұрыш қоямыз.
Сергіту сәтін қимылмен көрсетеді.
Балалар ойланып шешуін табуға тырысады.
Балалар ойын кезінде қызығушылық танытады.
Ойынның шартын орындайды.
Рефлексивті – түзетушілік
-Балалар, бүгін біз қандай санмен таныстық?
-Сиырдың неше аяғы бар?
-Машинаның неше доңғалағы бар?
Сабаққа белсенді қатысқан балаларды атап шығу.
Балалар өз ойларын білдіреді.
Күтілетін нәтиже: ______________________________________________________________
Нені білу керек:4 цифрының сандық қатардағы орнын;
Нені игереді: заттарды көлеміне қарай салыстыруды;
Нені біледі: 4 цифрын өзге цифрлар арасынан таба алуды.
«Болашақ» бөбекжай-бақшасы
«4 саны» ҚМТҚ
(ашық оқу іс-әрекеті)
Өткізген: Ж.М.Утепова
2015-2016 оқу жылы
