Алтын бала: тәрбиенің негіздері
Документте балалар үшін маңызды «Алтын бала» тақырыбы қарастырылады. Негізгі мақсат - балаларды отбасындағы, достарының ортасында жауапкершілікпен әрекет етуге тәрбиелеу. Оқу іс-әрекетінің барысында балаларға үлкендерді сыйлап, кішіге қамқорлық жасауды үйрету көзделеді. Мұндай тәрбиелік мәні бар іс-шаралар балалардың адамгершілік қасиеттерін дамытуда маңызды рөл атқарады.
Сабақтарда сұрақ-жауап және түсіндіру әдістерін қолдана отырып, педагог балалармен интерактивті байланыс орнатады. Балалар өздерінің әрекеттерін бағалай отырып, қоғамдағы өз орнын түсінеді. Оқу іс-әрекетінің көрнекіліктері - ана мен бала арасындағы қарым-қатынасты бейнелейтін суреттер балалардың жетекшісі ретінде дами түседі.
Алғашқы кезеңде балалар шеңберге жиналып, өздерінің жақсы балалар екенін мойындайды. Әрбір бала өз ойын, қиындықтарын айтып, шешу жолдарын іздеп таныстырады. «Дәптермен жұмыс» кезеңінде балаларға С. Тұрдалиевтың «Алтын бала» әңгімесі оқылып, оның негізгі ойы талқыланады. Оқиға барысында балалар ата-ананың рөлін, олар арқылы орнатылған жауапкершіліктің маңыздылығын түсінеді.
Сергіту сәтінде балалар денелерін қозғап, ынтымақтастық пен достықты нығайтады. «Сөйлемді жалғастыр» ойыны шығармашылық қабілеттерін дамыта отырып, интерактивті оқытуды қуаттайды. Соның нәтижесінде, тапсырмаларды жауапкершілікпен орындау арқылы балалар «алтын бала» болудың маңыздылығын сабақтары арқылы меңгереді.
Оқу іс-әрекетінің тақырыбы: Алтын бала.
Оқу іс-әрекетінің мақсаты:
Балаларды өзіне тапсырылған істі тиянақты орындауға, отбасында, достарының ортасында жауапкершілікті болуға, үлкенді сыйлауға, кішіге қамқор болуға тәрбиелеу.
Әдіс-тәсілдер: Сұрақ-жауап, түсіндіру, әңгімелеу.
Сөздік жұмысы: алтын.
Оқу іс-әрекетінің көрнекіліктері: Ананың суреті, баланың ата мен әжеге көмектескен суреті.
Оқу іс-әрекетінің барысы:
Ұйымдастыру кезеңі. Балалар шеңберге жиналады.
Өзім жақсы баламын,
Ана тілін аламын.
Мейлі қайда жұмсасын,
Бәріне де барамын.
- Аналарың сендерді нан әкелуге жұмсаса, барасыңдар ма?
- Аналарыңа үй жұмыстарына көмектесесіңдер ме?
Дәптермен жұмыс:
Педагог С. Тұрдалиевтың «Алтын бала» әңгімесін балаларға оқып таныстырады.
- Анасы Зәукенді қайда жұмсады?
- Зәукен кімді кездестірді?
- Атайдың қандай затын жөндеп берді?
- Анасы қайда келді?
- Әжей Зәукен туралы не айтты?
- Анасы неге қуанды?
- Баласы анасына нені берді?
Сергіту сәті: Орнымыздан тұрамыз,
Қолды белге қоямыз,
Бұрыламыз оңға бір,
Бұрыламыз солға бір,
Біз бақытты баламыз,
Гүл-гүл жайнап жанамыз,
Жаттығулар жасасақ,
Жақсы сергіп қаламыз.
(Қимылмен көрсетеді).
Дидактикалық ойын: «Сөйлемді жалғастыр».
Ойын шарты: Бастаушы берілген суреттерге қарап, сөйлемді бастайды, келесі бала аяқтайды.
- Мен анама ... (көмектесемін).
- Мен ініме ... (қамқор боламын).
Дәптермен жұмыс: Ребусты шеш. Балалар ребусты шешіп, жауабын айтады.
Қорытынды:
- Балалар, күнделікті біз ата-анамыздың тапсырмасын жауапкершілікпен, тиянақты орындап отыруымыз керек. Сонда ғана тәртіпті, алтын бала боламыз.
