Сабақ: Ш ш дыбысы және әрпі
Сабақтың тақырыбы «Ш ш дыбысы және әрпі» балалардың тілдік дағдыларын дамыту мақсатында ұйымдастырылған. Бұл сабақтың негізгі мақсаты - балаларды «Ш» дыбысымен таныстыра отырып, олардың сөздерге дыбыстық талдау жасап, сөйлеу дағдыларын жетілдіру. Жаңа білім меңгеру барысында балалардың логикалық ойлау қабілеттерін арттыруға бағытталған түрлі ойындар мен тапсырмалар енгізілген.
Сабақ барысында балалар «Ш» дыбысымен басталатын сөздерді тыңдап, олардың айтылу ерекшеліктерін салыстырады. Әріптермен жұмыс істеу арқылы, балалар дыбыстың сөздің басында, ортасында және соңында орналасуын анықтайды. Бұдан басқа, интерактивті тақтаны пайдалану арқылы, сабақтың мазмұнын қызықты әрі тартымды ету мақсатында жұмбақтар шешіледі. Бұл балаларға сабаққа белсенді қатысуға мүмкіндік береді.
Тәрбиелік аспектілер де сабақтың маңызды бөлігі болып табылады. Балалардың адамгершілік қасиеттерін дамыту, бірігудің, достықтың, сыйластықтың маңыздылығын түсіну үшін, әңгімелесулер мен мінез-құлықты бақылау арқылы жүзеге асырылады. Сабақтың соңында балаларды мадақтап, оларға «Ш» дыбысы туралы жаңа білімдерін бекіту ұсынылады.
Сабақтың тақырыбы: Ш ш дыбысы және әрпі
Сабақтың мақсаты:
1. Ш дыбысымен таныстыру,сөздерге дыбыстық талдау жасай білуге үйрету.
2. Ойын,тапсырмаларды орындау арқылы балалардың есте сақтау,ойлау қабілеттерін дамыту.
3.Адамгершілікке,имандылыққа тәрбиелеу
Сабақтың көрнекілігі: Суреттер,кеспе әріптер,интербелсенді тақта
Сабақтың әдісі:Ойын,сұрақ-жауап түсіндіру.
Сабақтың барысы:
I Ұйымдастыру кезеңі Амандасу,түгендеу.
Зейіндерін сабаққа аудару.
Шаттық шеңберін құрып, балалар өлең жолдарын айтады.
Біз қандаймыз,қандаймыз
Шұғылалы таңдаймыз
Жарқыраған күндейміз
Ренжісуді білмейміз.
II Өткенді қайталау
"Шалқан" ертегісі арқылы өткенді қайталау.
-Дыбыс дегеніміз не?
-Әріп деген не?
-Дауысты дыбыстар қалай айтылады?
-Дауыссыз дыбыстар қалай айтылады?
-Дыбыстар нешеге бөлінеді?
-Сөйлем неден құралады?
III Жаңа сабақ
Слайд арқылы жұмбақтар шешіп, жаңа сабақты хабарлау.
Жұмбақтар:
Күнде-күнде шаң қабар,
Темір айдаһар (шаңсорғыш)
Ағаштардың көркемі
Мәңгі жасыл бұтағы
(Шырша)
Ызыңдап ән салып,
Жұп жұқа қанаты
Тәттіге тамсанып
Қоқысқа қонады
(Шыбын)
Шуға бөлеп жағаны
Қанаттарын қағады
Айдын судың түлегі
Шабақ іліп жүреді
(шағала)
Өскен шашты жаратпайтын
Қайшысы бар жалақтайтын
(шаштараз)
Аяғы үшкір
Басы доғал.
Ұрсаң шөгеді
Ұрмасан обал.
(Шеге)
Ерте тұрдым,екі айр жолға түстім (шалбар)
-Балалар осы сөздердің барлығы қандай дыбыстан басталып тұр?
-Олай болса бүгінгі сабағымыздың тақырыбы "Ш дыбысы мен әрпі"
-"Ш" дыбысын дыбыстау.
-"Ш" дыбысы балалар дауыссыз дыбыс екен,өйткені өкпеден шыққан ауа кедергіге ұшырайды. Ш дыбысын көк текшемен белгілейміз.
-"Ш" дыбысының айтылуы.(артикуляция)
-"Ш" дыбысы сөздің басында,ортасында,соңында кездесе береді.
-"Ш" дыбысы бар сөздерді айтып буынға бөлу.
Дәптермен жұмыс
Ауада Ш әрпінің баспа түрін жазу.Ш әрпі төрт элеменнтен тұрады. Ш әрпін бастырып жазу.
Сергіту сәті
Интербелсенді тақта арқылы жасалады.
Дидактикалық ойын:"Тапқыр"
Балалар тақтаға шығып текшелермен мұғалімнің айтқан сөздерін жазады.
ШЕЛЕК, НАН, ГҮЛ, ҚОЛ, ТАРАҚ, ҚАЛАМ, АНА.
Дұрыс балалар өте жақсы
Қорытынды:
Біз бүгін қандай дыбыспен таныстық ?
"ш" дыбысы қандай дыбыс екен?
Балаларды мадақтау.
