Отбасылар сайысы: «Әкем, анам және мен біз бақытты отбасы»
Сайыс «Әкем, анам және мен біз бақытты отбасы» - бұл балабақша мен отбасы арасындағы нығайтуға бағытталған іс-шара. Мұнда балалар мен ата-аналар бірге бәсекелесіп, спорттық жарыстарда күш сынасады. Осындай іс-шаралар арқылы балалардың дене шынықтыру қабілеттері дамып, салауатты өмір салты туралы түсініктері артады.
Жарыс бағдарламасында әр түрлі кезеңдер мен ойындар ұсынылған, олар балалардың жылдамдық, ептілік және командалық жұмысты дамытуға бағытталған. Ойындардың кезінде отбасы мүшелері бірге жұмыс істеп, бір-біріне қолдау көрсетеді. Мұндай ортада туындайтын достық байланыстар мен ұйымшылдық сезімдері балалардың бойында қалыптасып, оларды біріктіреді.
Әр кезеңнің өзіндік шарттары бар, оларды орындау барысында қатысушылар үлкен қуаныш пен әсер алатын болады. Бұл іс-шараның мақсаты - балаларды физикалық белсенділікке тарту ғана емес, сонымен қатар ата-аналар мен балалар арасындағы байланыс пен өзара түсіністікті дамыту болып табылады.
Сайыс соңында әділқазылар алқасы жеңімпаздарды анықтап, оларға марапаттар табыстайды. Бұл сәтте бәрі де қуаныш пен мақтаныш сезімін бастан кешіреді. Нәтижесінде, қатысушылар өздерінің жетістіктерімен ғана емес, сондай-ақ жаңа таныстықтарымен, жарқын эмоцияларымен үйлесімді естелік жасайды.
Бұған қоса, мұндай жарыстарда жастардың салауатты өмір салтын ұстану мен спортқа деген қызығушылығын арттыру мақсаты қойылуда. Отбасылар сайысын ұйымдастыру арқылы білім беру мекемесі балалар мен ата-аналар үшін жаңа мүмкіндіктер ашады, оларға спорттың рақатын сезінуге мүмкіндік береді.
Тақырыбы: «Әкем , анам және мен біз бақытты отбасы» отбасылар сайысы
Мақсаты: Балабақша мен отбасы арасындағы жақсы қарым қатынасты нығайту, дене шынықтырумен жиі айналасуға жағдай жасау. Балаларға салауатты өмір салтын насихаттау, жарыс арқылы қимыл-қозғалыс қабілеттерін дамыту, дене бітімінің дұрыс қалыптасуын жетілдіру. Достыққа, ұйымшыл болуға тәрбиелеу.
Түрі: Эстафеталық ойын
Көрнекілігі: түрлі жемістер, карзина, жұмсақ ойыншық, түрлі-түсті шарлар, доптар, , ысқырық, уақыт өлшеуіш.
Барысы:
1-жүргізуші: Шынықсаң шымыр боласың,
Сауығып айдай толасың.
Спортты серік ете біл,
Жақсы азамат боласың.
Жеңімпаз болу оңай ма,
Арман болған талайға?
Болмасаң да ұқсап бақ,
Жарысқа түсіп қалайда.
2-жүргізуші: Құрметті тәрбиешілер және ата-аналар, тәрбиеленуші балалар бүгінгі
«Әкем , анам және мен біз бақытты отбасы» отбасылар сайысына қош келдіңіздер!
Көңілді жарысқа «Ақбота» ІІ сәбилер тобының балалары мен ата-аналары қатысады.
1 жүргізуші: Жарысқа қатысатындарды шақырамыз
Әр таңды бақытпенен аттырамыз
Өнерді ой көгінде бақылаңыз,
Сайысқа қатысуға енді ортаға
отбасыларын шақырамыз.
(әр отбасы орындарына келіп тұрады)
2-жүргізуші:
Ал,құрметті халайық!
Жарысты енді көріңдер
Әділ қазы алқасы
Әділ баға беріңдер!
Сайысты бастамас бұрын,сайысымызға әділ баға беретін әділқазылар алқасымен таныстырайық.
1. ---------------------------------------- (-------------------)
2. ---------------------------------------- (-------------------)
3.----------------------------------------- (-------------------)
Спорттық сайысымыз 5 баллдық жүйемен бағаланады.
1-жүргізуші: Ендеше спорттық сайысымызды бастайық. Сайысымыз 6 кезеңнен тұрады. Әр кезең сайын әділқазы алқалары өз бағаларын беретін болады.
Ікезең. «Сәлемдесу»
ІІ кезең. «Кедергілердің арасынан өту»
Шарты: Әр отбасы он қадамдай қашықтықта түрған жалаушылардың арасынан бір-бірден айналып келу.
ІІІ кезең. «Жеміс жидек жинау»
Шарты: 2-3 метр шеңбер сызылады соның ішіне жемістер шашылады. Қолдарына шелек беріп соның ішіндегі жемістерді жылдамдықпен жинау керек
ІVкезең. «Пингвин» ойыны
Шарты: Допты аяққа қысып алып, жерге құлатпай пингвиндер жүрісімен жүріп, мәре
сызығына келгенде инструкторлардың алақанынан ұрып, қайтар жолда жүгіріп кетеді. Алдымен балалар бастайды. Сонан соң ата-аналары қайталайды.
Vкезең. Ойын: «Ерке балақай»
Шарты: Әр ата-ана өзінің баласын көтеріп, кедергілер арасынан өтіп, мәреге дейін барып , кәрзенкеден жұмсақ ойыншықтарды алу керек.
VІкезең .Ойын: «Допты жеткіз»
Шарты: Сайысты әкелер бастайды,олар допты мәреге дейін аяқпен теуіп барып,айналып келу керек,сайысты аналар жалғастырады,допты бір қолмен жерге ұрып,айналып келу, ең соңынан балалар допты қолдарына ұстап,айналып жүгіріп келеді.
2-жүргізуші:
Жарыс заңы ежелден
Жеңімпазды анықтау
Жеңімпаз болу шарты сол
Еңбектену , жалықпау.
Біреу озса сайыста,
Біреу артта қалады.
Бұл сайыстан ренжімей
Тараса бізге жарады -
демекші сайысымыздың шарттары бойынша қорытынды шығарып жеңімпазды анықтап, марапаттау үшін сөз әділқазы алқаларына беріледі.
1-жүргізуші: Денсаулық-басты байлық өмірдегі,
Нәр беретін асыл ғой көңілдегі.
Салауатты өмір салтын насихаттап,
Атанайық жақсы азамат өңірдегі.
2-жүргізуші: Құрметті қонақтар бүгінгі сайыска алтын уақыттарыңызды бөліп келгендеріңізге көп-көп рахмет.Бүгінгі жеңістеріңізбен құттықтаймын. Баршаларыңызға зор денсаулық тілеймін.Осымен сайысымыз аяқталды. Келесі кездескеше сау болыңыздар!
