Математикадан мектепалды даярлық оқу іс-әрекеті
Бұл материал Алматы облысы, Панфилов ауданы Жаркент қаласында орналасқан «Ш.Уалиханов атындағы орта мектеп» КММ мектепалды даярлық сыныбына арналған. Оқу іс-әрекетінің технологиялық картасында балаларға 1-ден 5-ке дейін санау, логикалық есептермен жұмыс істеу, жұмбақтар шешу, санамақтар айту сияқты әрекеттер ұсынылады.
Мақсаты: балаларға қойылған тапсырмалар арқылы тура және кері санауды үйрету, есте сақтау қабілеттерін арттыру, ой өрісін дамыту. Жұмбақтар мен мақал-мәтелдер көмегімен балалардың зейінін аударып, оларды іске асыру арқылы ұйымшылдыққа тәрбиелеу. Әдіс-тәсілдер: сұрақ-жауап, сергіту жаттығулары, логикалық есептермен таныстыру.
Оқу іс-әрекеті барысында ұйымдастыру бөлімі ерекше маңызды. Балалар бірге қол ұстасып, шаттық шеңберін құрып, бір-біріне ақ тілектерін жолдайды. Содан кейін жылдың қай мезгілі екенін анықтап, күз мезгілінің ерекшеліктерін талқылайды. Тәрбиеші балалармен Түлкі мен Арыстанның оқиғасы арқылы логикалық сұрақтар қойып, тапсырмалар дайындайды.
Балалар үшін жасалған тапсырмалар қызықты әрі танымды. 1-ден 5-ке дейінгі сандарды санау, төмен және жоғары сұрақтар, мақал-мәтелдермен танысу, геометриялық пішіндермен зымыран құрастыру сынды әртүрлі іс-әрекеттер балалардың математикалық білімдерін арттыруы тиіс. Ұшақ пен зымыранды елестету, мектепке оралу сәттері балаларды шабыттандырады.
Осылайша, жоспарланған оқу іс-әрекеттері сабақтың нәтижелерімен бірге түйінделеді. Күтілетін нәтиже: балалар реттік сандармен жұмыс істей алады, логикалық сұрақтарға жауап бере біледі, пішіндерді ажырата алады. Осының бәрі жас ұрпақтың санасына білім беруге үлкен үлесін қосады.
Алматы облысы Панфилов ауданы Жаркент қаласы
«Ш.Уалиханов атындағы орта мектеп» КММ
Айтбаева Майра Несипбековна мектепалды дайындық
Мектепалды даярлық сыныбының ұйымдастырылған №14оқу іс- әрекетінің технологиялық картасы
Ұйымдастырылған оқу іс- әрекеті: Қарапайым математика
Тақырыбы: : 1 - ден 5ке – дейінгі сандар
Мақсаты: 1 - ден 5ке - дейін тура және кері санау. Жұмбақ, мақал, логикалық есептер бере отырып, есте сақтау қабілеттерін арттыру, ой өрісін дамыту. Ұйымшылдыққа тәрбиелеу.
Көрнекілік: геометриялық пішіндер, суреттер.
Әдіс - тәсіл: сұрақ - жауап, жұмбақ логикалық есеп, сергіту жаттығу.
Ұйымдастыру бөлімі:
Шаттық шеңбер Дөңгелекке тұрамыз,
Шеңберді біз құрамыз
Қол ұстасып бәріміз.
Ақ тілекті жолдайық
Әлемде нұр тыныштық,
Әрбір үйде күн ыстық.
Қайырлы таң мектеп
Қайырлы таң достарым.
Достарымды көргенде,
Қуана қарсы аламыз
Салем, салем, салем
Жарайсыңдар балалар!
Ал енді жыл мезгіліне тоқтайық.
Қазір жылдың қай мезгілі ( қыс мезгілі )
Күз мезгілінде, неше ай бар ( 3 ай бар )
Қазір күз мезгілінің қай айы ( қараша айы )
Ал енді күз туралы тақпақ айтып беріңдерші.
Тосын сәт: Түлкі кіріп келеді. Балалармен амандасады.
Апай аң патшасы арыстан орман мектебін ашпақшы.
Кімде кім менің берген тапсырмаларымды орындай алса,
мектепке қабылдаймын депті. Бірақ мен мына тапсырмаларды
орындай алмай сіздерден көмек сұрап келіп тұрмын.
Тәрбиеші; Балалар түлкіге көмектесеміз бе?
Балалар: Ия көмектесеміз
Тәрбиеші: Қане қандай тапсырмалар
1 - тапсырма: 1 - ден 5 - ке дейін тура ж/е кері санау, санамақ айту.
2 - Тапсырма: Логикалық есептеу:
Табақта 5 алма
Алды біреуін Алима
Алды біреуін Салима
Табақта қалды неше алма?[3]
Екі қоянның неше құлағы бар?[4]
Неше құйрығы бар?[2]
Қорада тұр 2 балапан
Далада жүр 3 балапан
Барлығы неше балапан?[5]
3 - тапсырма: Сандарға байланысты мақал - мәтел айту.
1 тал кессең 10 тал ек.
Ер кезегі 3 - ке дейін
7 - рет өлшеп 1 - рет ки
4 - тапсырма: Сандарға байланысты жұмбақтар айту.
1) Кезікті бір жануар
Үстінде 2 тауы бар
2) Оң жағында 5 сарбаз
Сол жағында 5 сарбаз
Болады барлығы неше сарбаз? (10)
5 - тапсырма: Геометриялық пішіндермен зымыран құрастырыңдар.
Осы зымыран мен таңғажайып табиғат планетасына ұшып барайық.
Көзімізді жұмып 1 - 5 ке дейін тура ж/е кері санайық.
Жарайсыңдар балалар.
Ал енді көзімізді жұмып зымыранға мініп мектебімізге қайтайық.
Сергітуімізді аяқтайық.
1, 2, 3 ал қанекей ұш.
4, 5, 6, 7 анау ауыл шеті
8, 9, 10 ал қанекей қон.
Міне түлкі сенің тапсырмаларды толық орындап болдық. Аң патшасы Арыстан сені мектепке қабылдайды. Оң жол тілейміз.
Түлкі: Рахмет балалар. Сіздерден көп нәрсе үйрендім.
Сау болыңдар балалар. шығып кетті.
Қорытындылау: Логикалық сұрақтар: Үш бұрыштың неше бұрышы бар? Дөңгелекте бұрыш болама? Түлкінің құлағы қысқа, ал қоянның құлағы.... Күшік жүгіреді, ал қарлығаш.... Тасбақа жүреді, ал балық....
Күтілетін нәтиже:
Білу: Балалар реттік сандарды ауызша санау арқылы салыстырады пішіндерді ажырата білді, логикалық сұраққа жауап береді.
Игеру: Неше деген сұраққа толық жауап беруді, сандарды ретімен қоюды үйренді.
Меңгеру: Өз бетімен іс - әрекет жасап, математикалық есептерді шығара алады.
