Менің қалам- менің тарихым
«Менің қалам- менің тарихым» – бұл балаларға өз туған жерін танып-білу, үлгі ету және сүйіспеншілікпен қарау мақсатындағы оқу материалы. Мұнда балалардың эмоциялық көңіл-күйін көтеру, оларды адамның жерге, Отанға және мәдениетке деген сүйіспеншілігін нығайту туралы айтылған. Сабақта балалардың адамгершілік қасиеттерін, әдептілік дағдыларын және эстетикалық тәрбиесін дамыту, сондай-ақ жазба сөздермен шығармашылық қарым-қатынас жасауға үйрету көзделген.
Сабақтың барысында Ақсу кентінің тарихы, тамаша табиғаты, мәдениеті мен өнері жайында деректер ұсынылып, балаларды туған жерінің байлығын таныстыру мақсат етіледі. Мысалы, «Қазақалтын» зауыты туралы ақпарат беріліп, алтын өндіру мен оны өңдеу үрдісіне көз жүгіртіледі. Осы сабақ арқылы балалардың ой-өрісі дамиды, дүниетанымы кеңейеді, сондай-ақ олар өнер мен сұлулықты қалай сезінуге болатынын үйренеді.
Сонымен қатар, сабақ барысында шығармашылық жұмыстар жүргізіліп, балалардың суреттері мен шығармалары арқылы олардың өзінің туған жері жайындағы қызығушылықтары мен сезімдері көрсетіледі. Ақсу кентінің бас байлығы алтын екендігі, оның түрлі әшекейлер мен бұйымдар түрінде қолданылатыны туралы қызықты мәліметтермен бөлісіп, балаларды осы өнерді бағалауға тәрбиелеу актуалды болмақ. Әр бала өз еңбегінің маңыздылығын сезініп, туған өлкесіне деген жауапкершілік сезімін нығайтады.
«Менің қалам- менің тарихым».
Мақсаты: Балалардың туған жерін сүюге тәрбиелеу. Қоршаған ортаға және отанға деген сүйіспеншіліктерін арттыру. Балалардың эмоциялық көңіл - күйін көтеру. Адамгершілікке, әдепті болуға тәрбиелеу, үлкендер еңбегін бағалай білуге үйрету. Эстетикалық тәрбие беру арқылы сұлулықты сезіне білуге баулу, олардың әдеби сөздік қорын молайтумен қатар дүние танымдарын кеңейту. Балалардың ой өрістерін дамыту.
Керекті құралдар: Ақсу кенті, «Қазақалтын» зауыты туралы суреттер, балалардың суреттері, алтын тас, бұйымдар.
Сабақ барысы:
Тәрбиеші:
Армысың шапағатты күн ана
Армысың шапағатты аспан ана
Құт дарытқан елімізге жерімізге
Армысың мейірімді жер ана
Осы шапағатты күн анамен, мейірімді жер анадан бойымызға дарытқан мейірімді жүрегіміздің жылуын бір -бірімізге, сыйламақшымыз.
-Біз доспыз, татумыз.
-Ал, балалар енді орнымызға отырайық. Бүгінгі біздің сабағымыз: «Менің қалам-менің тарихым »
(Осы кезде Дымбілмес кіреді).
Тәрбиеші:
- Сәлеметсің бе,Дымбілмес, сен қандай жұмыспен келдің?
- Сәлеметсіз бе, мен қаладан келіп едім. Сіздердің Ақсу кентіңіз маған ұнады. Өте әдемі екен.
Тәрбиеші:
- Ал Дымбілмес сен білесің бе, біздің жеріміз немен бай екенін?
- Жоқ, білмейді екенмін.
Тәрбиеші:
- Ендеше сен отырып тыңда, мен біздің кентіміз туралы мәлімет айтып берейін.
-Біздің кентімізге 1997 жылы 11 науырызда Ақсу кенті атауы берілді. Ақсудың жері өте кең, бізде көптеген көшелер бар.
Ол көшелер біздің жазушы аталарымыздың аттарымен аталады.
- Балалар, сендер қай көшеде тұрасындар?(жеке- жеке сұрау).
МенӘуезов көшесінде тұрамын.
Ал,мен Алтынсарин көшесінде тұрамын
- Ал, енді, мен сендерге біздің кентіміздің бас байлығы туралы айтып өтейін. Ертеден келе жатқан зауыттардың бірі «Қазақалтын», ол 1932 жылдан бастап қазіргі уақытқа дейін жұмысын жалғастыруда.
-Балалар, біздің басты байлығымыз ол- алтын. 
Осы суретке қарасақ алтынды қалай шығаратының көреміз.
Ал осы алтыннан не жасауға болады білесіңдер ме? Осы алтыннан көптеген алтын бұйымдар жасалады, міне мына суретке қараңдаршы.
- Не көріп тұрсыңдар?
- Иә, дұрыс.
- Ал мына бұйымдардың түсі қандай?
Балалар: -сары.
- Демек, алтын сары түсті.
-Дымбілмес, енді сен біздің жеріміз туралы көп мәлімет алдың.
- Дымбілмес: -Иә, балалар, рахмет , сендердің суреттеріне қарап, Ақсудың қандай сұлу, көркем екеніне көз жеткіздім. Мен кетейін, сау болыңдар!
- Ал балалар, Дымбілмеспен қоштасайық.
- Сау болыңыз. Балалар қоштасады.
- Балалар, осымен біздің сабағымыз аяқталды. 
«Менің қалам- менің тарихым».
Дайындаған: Абуова Д.М.
«Балауса» шағын- орталығы 2016 жыл
