Тәуелсіздікке 25 жыл: Білім беру қызметі балалар үшін
Бұл материалда «Тәуелсіздікке 25 жыл» тақырыбында ұйымдастырылған оқу қызметінің мазмұны мен әдістері қарастырылған. Балалардың туған Отанына деген патриоттық сезімдерін дамыту, тіл байлығын арттыру және білім алуға деген қызығушылықтарын ояту — басты мақсат. Оқу қызметі барысында балаларға Қазақстан Республикасының рәміздері, тәуелсіздік тарихы, және Отанымыздың ерліктері туралы ақпарат беріліп, таныстырылады. Тәрбиешілердің әдіс-тәсілдері: көрмелер, дәріс, сұрақ-жауап, топтық жұмыстар арқылы балалардың танымдық және шығармашылық қабілеттерін дамытуға бағытталған.
Жалпы балалар үшін оқу қызметінің мәні өте зор. Оқушылар тақырыпқа қатысы бар мақал-мәтелдер мен тақпақтар арқылы өз ойларын білдіріп, өзара пікір алмасады. Әсіресе, тәуелсіздік күні мерекесіне дайындық барысында, балалардың өз елдеріне деген мақтаныш сезімдері оянады. Тәрбиеші Қадырбаева Балхия балалардың эмоциялық жағдайын, өзара қарым-қатынастарын, және шығармашылық әлеуетін қолдап, әрбір баланың белсенді қатысуын қамтамасыз етеді.
Сабақ барысында балалар назарларын рәміздер мен ел тарихына, сондай-ақ тәуелсіздікті қорғаған батырларымыздың есімдеріне аударады. Шаттық шеңбері, тақпақ оқу, сұрақ-жауап сессиялары арқылы, балалар өздерін еліміздің патриоттары ретінде сезінеді. «Тәуелсіздікке 25 жыл» деген тақырып тек мереке ғана емес, сонымен қатар жастарды тәрбиелеудің, білім берудің, және батырлық рухты насихаттаудың өзіндік платформасы. Қазақстанның тәуелсіздігі шарапаты – соның айқын көрінісі.
Жаңаөзен қаласы.№21 «Назерке» балабақшасы
Тәрбиеші:Қадырбаева Балхия
Білім беру саласы: Коммуникация
Ұйымдастырылған оқу қызметі: Көркем әдебиет
Тақырыбы: «Тәуелсіздікке 25 жыл»
Мақсаты:
Білімділік: Балаларға Қазақстан Республикасының тәуелсіздік күні мерекесі туралы түсінік беру
Дамытушылық: Балаларға Отан туралы мақал-мәтелдер, тақпақтар айтқызып,тіл байлығын, ойлау қабілетін, ой-өрісін дамыту.
Тәрбиелік: Балалардың халқына, ұлтына деген сүйіспеншілік, мақтаныш сезімін арттыру.
Әдіс-тәсілдер: Көрсету. түсіндіру, сұрақ-жауап, мақтау, мадақтау, қорытындылау.
Көрнекілік: Желтоқсан көтерілісінің қаһарман батырларының суреттері,слайд.
-Балалар бүгін бізге көптеген қонақтар келген екен, қане амандасайықшы.
-Ал енді балалар көтеріңкі көңіл-күймен шаттық шеңберін құрайық.
Балалар топқа кіріп:
Біздердің алдымызда
Көп таныс пен қонақтар
Үлкенге де сіз, кішіге де сіз
Бар адамды ардақтап
Бас иеміз біз
-Сәлеметсіз бе,- деп келген қонақтармен амадасады.
Шаттық шеңбері:
Армысың қайырымды Аспан ата!
Армысың мейірімді жер – Ана!
Армысың шұғылалы алтын күнім!
Армысың балабақша, дос, жарандарым!
Армысың еңселі елім менің!
Армысың бақ-дәулетті жерім менің!
Армысың асқар тауым, көлім менің!
-Балалар мен сендерге бір өлең жолдарын оқып берейін, сендер мұқият тыңдаңыздар.
Ақ киімді денелі, ақ сақалды,
Соқыр, мылқау танымас тірі жанды
Үсті,басы ақ қырау, түсі суық
Басқан жері сықырлап келіп қалды.
-Балалар бұл кімнің өлеңі?
-Балалар қазір жылдың қай мезгілі?
-Қыс мезгілінде неше ай бар?
-Қыс мезгілінің ай аттарын атайықшы?
-Қазір қыс мезгілінің қай айы?
-Қыс мезгілінде ауа-райының ерекшеліктері қандай болады?
-Балалар сендерге қыс мезгілі ұнайма?
-Олай болса,кім қыс мезгілі туралы тақпақ айтып береді?
Балалар енді мен сендерге сұрақтар қоямын,сендер мені мұқият тыңдап жауап беріңдер?
-Біз қай Республикада тұрамыз?
-Біздің елбасымыз кім?
-Біздің елордамыз қай қала?
-Біздер қай тілде сөйлесеміз,неліктен?
-Біз қай қалада тұрамыз?
-Біз қай ауылда тұрамыз?
-Өте жақсы.балалар бүгін бізде Көркем әдебиет оқу қызметі,бүгінгі өтетін тақырыбымыз «Тәуелсіздікке-25 жыл» .
Балалар биыл тәуелсіздігіміздің 25 жылдық мерекесі барлық жерде, қалада,ауылда, ауданда тойланып жатыр. Егемен еліміздің Тәуелсіздік алған 25 жыл ішінде көптеген өзгерістер болды. Ешкімге тәуелсіз, бақытты еліміздің өз жалауы, өз елтаңбасы,өз әнұраны бар. Осы тәуелсіз Қазақстанымыздың елтаңбасы мен жалауы туралы кім тақпақ айтып береді?
Ән: «Елтаңбасы елімнің»
-1986 жылғы желтоқсан көтерілісі ХХ ғасырдағы айтулы оқиға ретінде халықтың жүрегінде мәңгі сақталады. Желтоқсан көтерлісінде Ләззат Асанова, Қайрат Рысқұлбеков,Ербол Спатаев сияқты жастарымыз ерлік көрсетті.Осы тәуелсіз күн үшін құрман болып кеткен аға-апаларымыз
дың ерлігі шексіз.
-Ендеше балалар аға-апаларымызды бір минут үнсіздікпен еске алайық.
Балалар енді желтоқсан оқиғасының қаһарман батыры Қайрат Рысқұлбековтың туралы . Көрініс: «Желтоқсан күндері»
-Балалар осы жастардың ерлігі туралы кім тақпақ біледі?
Жарайсындар балалар осындай жастардың ерлігі арқасында егеменді ел болдық . Бұл жастардың ерлігі ешқашан ұмытылмайды, олардың ерлігін мәңгі есімізде сақтаймыз.
Тәуелсіздік алғаннан кейін Ақмола қаласы Қазақстан Республикасының астанасы «Астана» деп аталды.Елбасы әсем қала Астанада тұрады. Елбасының арқасында бейбіт өмір сүріп жатырмыз.
Астананың әдемі қала,жас қала,бас қала екенін жақсы білеміз.
Ақорда, «Бәйтерек» монументі, «Думан» ойын-сауық орталығы, Бейбітшілік және келісім сарайы, «Нұр –Астана» мешіті бар. Балалар сендер елбасымыз, Астана туралы тақпақтар білесіңдерма?
-Өте жақсы балалар, ал сендер өз елдеріңді мақтан етіп , Отан туралы мақал-мәтелдер, тақпақтар айта аласыңдарма?
Толтырған гүлге даланы
Жайнатқан ауыл-қаланы
Ардақты ата-мекенім
Отаным Қазақстаным деп кезекті
Ән «Қазақстаным менің»
-Абай атамыздың « Қыс» деген өлеңі.
-Қыс мезгілі.
-Үш ай бар.
-Желтоқсан, Қаңтар, Ақпан.
-Желтоқсан айы.
-Қыс мезгілінде қалың қар жауады,күн суық, аяз, боран болады.
-иә,ұнайды.
Айзере:
Қандай суық қыс деген?
Қалтырайды құс деген,
Құлақшынды кимесең,
Құлағыңды тістеген
Қандай қызық қыс деген?
Бәрін шебер істеген,
Бақша-бауды, тауды да,
Бояған ақ түспенен.
Қазақстан Республикасында тұрамыз.
-Нұрсұлтан Әбішұлы Назарбаев
-Астана қаласы.
-Қазақ тілінде,өйткені ұлтымыз қазақ.
-Жанаөзен қаласында тұрамыз.
-Теңге ауылында тұрамыз .
Жазира:
Елтаңбасы елімнің
Неткен әйбат,әдемі
Тұнығындай көлімнің
Ортада аспан әлемі.
Айнура:
Көк аспандай көкпеңбек,
Қазақстан жалауы
Көк емес ол тектен-тек
Елдің ашық қабағы.
Балалар батыр аға апаларды бір минут үнсіздікпен еске алды.
Балалар көріністі сахналады.
Ақмерей:
Елінің ертеңі үшін уайым жеп. Халқымды өз көсемі басқарсын деп
Жастарымыз қайсарлық туын алды.
Жүректерін үрей, ашу,ыза кернеп
Ибраһим:
Қазағым о бастан-ақ асыл текті,
Көп көрді қиыншылық қасыретті.
Сан мың жыл арман болған еркіндікті.
Жастардын арқасында қолы жетті.
Алтынбек:
Егемен ел болдық
Ұлттық намыс оянып
Гүлденсін мәнгі жайқалып
Тәуелсіз қазақ еліміз
Айкөркем:
Біз біргеміз-
Қазақ,Орыс;Түркпен Тәжік
Қол ұстасып байтақ елде . Келеміз бірге өмір сүріп.
Берекет:
Ақордам менің Астанам
Жаңарған жасыл жас қалам
Қазағымды кең әлемге танытқан
Дара тұлға елбасыммен мақтанам.
Мөлдір:
Елбасы елді қорғайды.
Халық қамын ойлайды
Осындай жақсы адамнан
Жақсылығы торлайды
Гүлімай:
Астана арман қала
Бағы бір жанған қала
Тұрады ол жап-жас болып
Мен үлкен болғанда да.
Арай:
Отан –менің ата-анам
Отан-досым ,бауырым
Отан –өлкем ,астанам
Отан-туған ауылым.
Хасан:
Отан қадіріне жетпеген
Өз қадіріне жетпес
Рамазан:
Отан оттан да ыстық.
Құлнияз:
Жері байдың-елі бай
Жазира:
Абай туған,Сәкен туған
Құрметте досым қазақтың жерін
Қамбаға жылда алтын дән құйған
Қазақстан Республикам менің
Балалар бүгін бізде қандай оқу қызметі болды?
Балалар қазір қалада,ауылда қандай мерекені
тойлап жатырмыз?
Желтоқсан көтерілісінде ерлік көрсеткен батырларымыз кім?
Бүгінгі оқу қызметі сендерге ұнады ма?
Жарайсыңдар балалар,сендер бүгінгі тақырыпты
жақсы меңгерген екенсіңдер.Отан туралы тақпақ,мақал-мәтелдер біледі екенсіңдер.
Сендер елімізді сүйіп,Отанымызды мақтан тұтуыңыз керек,өйткені кең байтақ Қазақстанымызд сендердің болашақтарың
жарқын болмақ.Бүгінгі оқу қызметіне барлығыңыз өте жақсы қатыстыңыз.
Көркем әдебиет оқу қызметі болды.
Қазақстан Тәуелсіздігінің 25 жылдық мерейтойын.
Ләззат Асанова,Қайрат Рысқұлбеков.Ербол Спатаев.
-иә.ұнады.
Күтілетін нәтиже:
Білуі керек:Балалар Қазақстан Республикасының рәміздерін білді.
Игерді:Балалар Қазақстан Республикасының тәуелсіздік күні мерекесі туралы түсінік алды.
