Уеннар һәм диалогик сөйләм: Алсуда кунакта
Документ «Алсуда кунакта» темасын яктыртучы материал булып тора, ул балаларга кунакка бару процессында әдәплелек һәм ихтирамлылык тәрбияләүне максат итеп куя. Уенча диалоглар һәм актив эшчәнлекләр ярдәмендә, балалар үзләренең социаль һәм коммуникацион күнекмәләрен үстерергә мөмкин. Уен моменты аша, балаларның игътибарын җәлеп итеп, кунакта гигант шатлык белән үткәрелгән вакытның ничек кулай һәм күңелле булуын күрсәтәбез.
Курчаклар һәм рәвешле уенчыклар кулланып, балаларга кунакка баруның әһәмиятен аңлатабыз. Безнең төп максатыбыз – укучыларны транспортны дөрес итеп сайларга, кунакта үз-үзләрен тыйнак тотырга өйрәтә алуыбызда. Кунакка барганда, балаларны сыйфатлы һәм ихтирамлы итеп сөйләшергә, уеннарда актив катнашырга өйрәтәбез. Мондый күнегүләр балаларның иҗади фикерләү сәләтен үстерүгә, аларның рухи дөньясын баетуга ярдәм итә.
Эшчәнлек барышында, балалар актив рәвештә катнаша, сораулар бирә һәм җаваплар таба. Методик алымнар: ситуацион уеннар, сорау-җавап, дидактик уеннар, бөтенесе дә балаларның күңелен күтәрерлек итеп корылган. Уеннар барышында мөһим булып, балаларга кунакка ничек вакыт үткәрергә, ничек көтелергә һәм кунакларны ничек каршы алырга кирәклеген шәхси һәм иҗади рәвештә аңлатабыз.
Тема: “Алсуда кунакта”.
Максат: Күрсәтү алымнарын кулланышка кертү, диологик сөйләмне үстерүне дәвам итү, уеннан ләззәт алу,гаилә әгъзаларының атамаларын ягымлы итеп әйтү, әдәплелек ,кешеләргә карата ихтирамлылык тәрбияләү.
Җиһазлар: Курчак, уенчыклар тутырылган капчык.
Сүзлек өстендә эш: кунак килгән, кунакка барабыз ,поезд, самолет ,шәһәр.
Балалар белән алдан эшләнгән эш: әңгәмә үткәрү.
Шәхси эш: авыр үзләштерүче балаларны эшчәнлеккә тарту ,әңгәмә барышында активлаштыру.
Методик алымнар: ситуация, сорау- җавап, уен.
Төзелеше: 1. Уен моменты.
2. Әңгәмә ,кабатлау ,танышу.
3. Нәфис сүз.
4. Дидактик уен.
Эшчәнлек барышы:
Балалар күрмәгәндә ,бүлмәнең икенче бер җиренә Алсуның кунак бүлмәсен ясап куям. Үзем кулыма пакет белән бүләк һәм күчтәнәчләр алып керәм.Балалар карагыз әле минем кулымда нәрсә бар ? Әйе бик күп әйберләр тутырылган пакет-сумка. Ә сезнең анда ниләр булганын, нәрсәләр салынганын күрәсегез киләме соң ? Сумкадан берәмләп- берәмләп әйберләрне ала барам, аның нәрсә икәнлеген балалардан сорый барам.
Менә балалар ,сумкам бушап та калды. Ә мондый күп күчтәнәчләр ,бүләкләр белән без кая барабыз икән соң балалар ?
Балалар: кунакка баралар .
Әйе ,балалар кунакка баралар. Без сезнең белән бергәләп бүген еракка-еракка кунакка барырбыз.
Ягез балалар ,әйтегез әле миңа , кунакка нәрсәләр белән ,нинди транспортлар белән барырга мөмкин икән ?
Балалар: җәяүләп, машина, поезд, самолет.
Бик дөрес әйттегез балалар . Ә без бүген сезнең белән шул транспорт чараларының кайсылары белән барабыз икән ? Әйдәгез бергәләп киңәшик. Юлның яртысын поезд ,калган яртысын самолет белән барырбыз.
Балалар ягез әле ,кунакка барырга кузгалып киткәнче , кунакта үз-үзеңне ничек тотарга кирәклеген кабатлап үтик әле. Балалар белән бергәләп: каты итеп тавышланып сөйләшергә ярамый, хуҗа дәшмичә өстәл янына килеп утырырга ярамый, бәхәсләшергә, бер-берләрегез белән талашырга ярамый. һ.б.
Ә беләсезме балалар татар халкында менә мондый мәкаль бар : “Кунак булсаң, тыйнак бул”. Кунакка барсаң акыллы, тәртипле ,тыйнак булырга кирәклеген аңлаткан мәкаль бу. Сез бу мәкальне беркайчан да онытмаска тиеш .Берничә баладан мәкальне кабатлатып сорау. Асылына төшенергә ярдәм итү.
Әйдәгез инде хәзер балалар, юлга кузгалыйк ! Бүлмә буйлап бер-берләренә тотынып поезда баралар, аннан кулларны як- якка җәеп самолетта очкан хәрәкәтләр ясап баралар.
Менә без сезнең белән Алсуларга кунакка килеп тә җиттек. Балалар Алсу белән исәнләшәләр ,аңа үзләренең күчтәнәчләрен , бүләкләрен бирәләр. Һәрберсе үзенең исемен әйтеп таныштыра баралар .
Балалар әйдәгез әле, табын янына утырганчы Алсу белән бер уен уйнап алыйк. Дидактик уен “Серле капчык “ уйнала.
Соңыннан алдан әзерләп куелган ризыклар белән чәй эчертеп алына .Инде кайтыр юлыбызның ерак булуын, кайтыр юлга кузгалырга кирәклеген балаларга әйтәм. Бер куплет шигырь сөйләнә.
Җыелып дуслар белән ,
Без кунакка килдек.
Поезд ,самолетлар белән
Бар дөньяны күрдек.
Кайтып җиткәч ,балаларга үз-үзләрен ничек тотулары ,кунакта күңелле булганмы икәнлеген турында сораулар бирәм .Эшчәнлекне шуның белән тәмамлыйм.
