Тренинг: «Сезім мен сенім»
Бұл құжатта балаларға арналған «Сезім мен сенім» тренингі туралы толық ақпарат берілген. Тренингтің мақсаты - балалардың сезімдерін дамыту, олардың бір-бірімен қарым-қатынасын нығайту. Мұндай тренингтер балалардың эмоционалды интеллектілерін қалыптастыруда үлкен рөл атқарады. Тренинг барысында ойындар мен жаттығулар арқылы балалардың өзара түсіністіктері мен достық байланыстарын нығайту көзделеді.
Мұндай жаттығулар балаларды тек көңіл-күйлерін көтеріп қана қоймай, оларды мейірімділік пен қамқорлыққа, бір-біріне сыйластық танытуға үйретеді. Тренинг шеңберінде өткізілетін ойындар қуаныш пен шаттықты арттырып, балалардың бойында жағымды сезімдерді қалыптастырады. Бұл жаттығулар әлсіздер мен әлсіздер арасында ғана емес, сондай-ақ көмек көрсете алатын балалар арасында да байланыс орнатуға көмектеседі.
«Мейірім шуағы» ойыны балалардың сұрақтарға жауап беріп, өздерін пысықтап, жеке тәжірибелерін бөлісуіне мүмкіндік береді. Бұл оларға өздерін тануға, өз сезімдерін білдіруге, бір-бірінің қолдауын сезінуге көмектеседі. «Мен қандаймын» жаттығуы әр балаға өздерінің ерекшеліктерін, көңіл-күйлерін білуге, бағалауға мүмкіндік береді.
Тренингтің соңында балалар жылы жүректеріне жақсы тілектер айтып, өзара жақсылық жасауға, мейірімділік танытуға шақырылады. Тренингтер балалардың әлеуметтік дағдыларын дамытуға қызмет етіп, бір-бірімен түсіністік пен қамқорлықпен қарауға бағыттайды. Тренинг барысында даму мен ойын элементтері арқылы балалардың жүректеріне жылу мен мейірімділік дәнекер болады.
Мақсаты: Сезім туралы түсінік беру, ойын – жаттығулар арқылы сүйіспеншілігін сезімдерін ояту.
Көрнекіліктер: жіп, айна, жүрек суреті
Түрі: топтық тренинг.
Балалар, бүгін сендермен әсем, жарық, кең, таза бөлмеде кездескеніме өте қуаныштымын.
Қане, балалар, шаттық шеңберін құрамыз. Шеңберге тұрудың өзінің үлкен ерекшелігі бар. Шеңберде бір-біріміздің жүзімізді анық, еркін көреміз, қуанамыз, шаттанамыз.
Шеңбер неге ұқсайды? Допқа, күнге, апельсинге, алмаға, қарбызға. Доппен ойнасақ көңіліміз көтеріледі, күн жарық, жылу сыйлайды, апельсин, алма, қарбыз тәтті.
Мейірімді жүрекпен,
Ақпейілді тілекпен
Амандасып алайық,
Бір жадырап қалайық!
Сезім туралы түсінік
Сезімдер адамдардың бір –бірімен қарым-қатынас жасау арқылы туындайтын процес. Мысалы, біз күлеміз, ашуланамыз, жылаймыз , бір –бірімізді ренжитіп алатын кезімізде болады . Сол кезде біз кешірім сұраймыз. Ата -,анаға деген сүйіспеншілік сезіміміз , туған жерге деген сезіміміз , үй-жануарларына деген қамқорлық сезіміміз болады. Осы сезімнің бәрі біздің мына кішкентай жүрегімізден шығады екен. Олай болса балалар ойын ойнайық.
2. «Мейірім шуағы» ойыны
Балалар қараңдаршы, күн-ана өзінің мейірім шуағын төгіп, біздің жан-дүниемізге жарық сәулесін шашып тұр. Күн сәулесі біздің бетімізге, саусақтарымызға, алақанымызға мейірім шуағын төкті. Енді осы жүрек жылуымызды бір-бірімізге сыйлайық. Енді балалар, «Мейірім шуағы» атты ойын ойнап көрейік.
— Сен кімсің? (жіпті қасындағы балаға ұсынады)
— Мен Інжумін. Мені акылдымын (Жіпті келесі жанында тұрған адамға ұсынады)
Мен Қайсармын. Мен батырмын дейді. Ойын осылай жалғасу арқылы шеңбер бойында күн бейнеленеді.
3. «Мен қандаймын» жаттығуы
Әр балаға айна таратылып беріледі. Айнаға қарап сұрақтарға жауап береді.
1. Көйлегіңнің түсі қандай??
2. Бүгін көңіл-күйің қандай ?
3. Шашыңның түрі қандай?
4. Қандай түсті ұнатасың?
5. Көзіңнің түсі қандай?
6. Саған қандай адамдар көбірек ұнайды?
7. Сенің жымиып күлгеніңөзіңе ұнай ма?
8 . Сен қандай баласың?
4. Релаксация «Көбелектер әлемі»
Көздеріңді жұмып, менің дауысымды естіңдер. Жеңіл жаймен дем алыңыздар.Өздеріңді керемет жаздың шуақты күнінде шалғында жүргендеріңді елестетіңдер. Айналаңызда көбелектер ұшып жүр. Оның қанаттарының қимыл – қозғалысына қараңдаршы ! Ол қанаттарын жеңіл әрі әсем етіп қозғалтады. Әрқайсыларың осы көбелектің ғажайып үлкен әрі керемет қанаттарын өздеріңе қиялдап көріңіздерші ! Қанаттарың төмен – жоғары баяу қалықтап қозғалып жатқанын сезініңдер! Алдарыңнан көздің жауын алатын әсем де керемет жайқалып тұрған гүлдер кездесті. Гүлдердің түсі әр түрлі . Қызыл, сары, көк , ақ. Өздеріңе ұнаған түсті гүлге барып қоныңдар. Исі неткен керемет! Оның жұпар исімен дем алыңыздар. Енді тобымызға қайтатын уақыт болды. Көзімізді жаймен ашамыз.
Көз алдымызға көбелек елестеді ме?
Қандай тусті гүлді таңдадыңыздыр?
Балалардың таңдаған түсіне байланысты көңіл-күйлері анықталады.
Қызыл- қуанышты көңіл – күй
Сары – жағымды көңіл-күй
Көк – көтеріңкі көңіл –күй
Ақ- ұнамды көңіл- күй
«Жүрек жылуы тренинг»
- Балалар, қараңдаршы , оң алақанымызды жүрегіміздің тұсына қойып, лүпілдеп соққан кішкене жүрегіміздің дүрсіліне бір сәт құлақ түріп көрейікші.
- Жүректеріңнің соғысын сезесіңдер ме?
- Біздің жүрегіміз қандай, не деп соғады екен?
Психолог :- Менің жүрегім сендерге деген мейірімділікке толы .
Менің жүрегім қамқоршы
Менің жүрегім жылы
Менің жүрегім қуанышты
Менің жүрегім адал
Менің жүрегім нәзік
Менің жүрегім сыпайы
Менің жүрегім батыл
Менің жүрегім жұмсақ
Менің жүрегім жақсылыққа толы
Менің жүрегім бақытты
Менің жүрегім қайырымды
Менің жүрегім сезімтал
Менің жүрегім ыстық
Менің жүрегім мейірімді
Менің жүрегім көңілді
Менің жүрегім кеңпейіл
Менің жүрегім ақкөңіл
Менің жүрегім жанашыр
Психолог: - Олай болса, осы жылы да жұмсақ , батыл да ақылды, қайырымды да мейірімді , нәзік те , сыпайы , бақытты да қуанышты жүрегімізден шыққан жылуды айналамызға таратайық . (алақандарыңдағы жүректерінің жылуын үрлеу)
«Жылы жүрек – ж ақсы тілек »
Енді қолымызға мына жүрекшені ала отырып, бір- бірімізге тілектер айтайық.
Бәріміз дос болайық!
Достарымыз көп болсын!
Достарымызға қайырымды болайық!
Аспанымыз ашық болсын!
Достармен тату болайық!
Деніміз сау болсын!
Достығымыз берік болсын!
Бейбітшілік болсын!
Әрқашан күн сөнбсін !
Күніміз жарық болсын!
Отбасымыз аман болсын!
МКҚК «Айгөлек» балабақшасы
Тренинг: «Сезім мен сенім»
Өткізген: Бекмағамбетова А.Қ
2017 ж
