Ана тілім - айбыным
«Әулиекөл ауданы әкімдігі білім бөлімінің №2 Аманқарағай орта мектебі» ММ-нің ұйымдастыруымен өткізілген тіл мерекесіне арналған ертеңгілік, балалардың ана тіліне деген сүйіспеншілігі мен патриоттық сезімдерін оятуға бағытталған. Бұл іс-шара «Ана тілім - айбыным» тақырыбымен көпшілікті баурады, себебі тіл – әр халықтың мақтанышы, ұшқыр ойдың, терең сезімнің, мәдениеттің негізі.
Іс-шара барысында балалар мемлекеттік рәміздермен, ұлттық мәдениеттермен танысып, қазақ тілінің мәртебесін, оны қорғау мен дамыту туралы білімдерін тереңдетті. Жүргізуші ертеңгілікті ерекше қуанышпен ашып, балаларды мерекелік әндермен қарсы алды. Әнұран мен мерекелік өлеңдер арқылы балалардың елге деген сүйіспеншілігі, Отанға деген үлесі артты.
Тіл туралы айтылған мақал-мәтелдер мен ақындардың шығармалары балаларға өз тілдерін құрметтеудің маңыздылығын түсіндіруге, олардың ұлттық рухын нығайтуға көмектесті. Қатысушылар сұрақ-жауап ойындар арқылы қазақ халқының салт-дәстүрлері мен мәдениетін одан әрі танып, көңілді уақыт өткізіп, өз білімдерін көрсетуге мүмкіндік алды.
Сонымен қатар, тіл мерекесі отбасылық құндылықтарды, ұлттық бірлікті, мейірімділікті білдірді. Бала кезден бастап ана тіліне деген сүйіспеншілік оятып, туған жердің тарихы мен мәдениетін меңгеруге бағытталған әрекеттер, еліміздің болашағы үшін тәрбиелік маңызын арттырады. Ертеңгіліктің соңында балалардың көздеріндегі бақыт, жүректегі патриоттық сезімдер, біздің болашағымыздың жарқын екенін көрсетеді. Мерекеміздің көркі – балалардың қуанышында! Жақсылық жасау, білім алу, тіл үйрену – барлығының түп қазығы осы тіл мерекесіне негізделген.
«Әулиекөл ауданы әкімдігі білім бөлімінің №2Аманқарағай орта мектебі» ММ
Тақырыбы:
«Ана тілім - айбыным»
Өткізген:Мукатова Г.М.
2016 жыл
Тіл мерекесіне арналған ертеңгілік.
Тақырыбы: «Ана тілім - айбыным»
Мақсаты: Балаларды өз тілін құрметтеп орыс және ағылшын тілін үйренуге қызығушылықтарын арттырып, Қазақстан Республикасы туралы түсініктерін кеңейту, Отанын, туған жері туралы білу, құрметтеу.Тілін, дінін, елін, жерін, Отанын сүюге, құрметтеуге баулу
Қолданылатын көрнекі құралдар: Қ.Р мемлекеттік рәміздері, шарлар.
Әдіс-тәсілдер: түсіндіру, сұрақ-жауап.
Жүргізуші: Қуаныш бүгін мереке,
Шуағын шашып тұр әлем.
Өнердің түскен жолына,
Жас досым саған мың сәлем.
Құрметті балалар, қонақтар бүгін сіздер тіл апталығына арналған ертеңгілікке қош келіпсіздер!
Ертеңгілігімізді әнұраннан бастайық.
Әнұран: барлық балалардың орындауында.
Жүргізуші:Бәрі де сенің Отаның,
Бойыңды биіктететін.
Рухына балап атаның,
Өлгенше сүйіп өтетін.
-Балалар осы өлең шумағында айтылған «Отан» деген сөзді күн сайын естіп жүр міз.
-Осы «Отан» дегеніміз не?
Б:«Отан» дегеніміз- адамның туып өскен жері, атамекені.
Жүргізуші:Дұрыс айтасыңдар,балалар!
Жүргізуші:Осы «Отан» туралы тақпақ айтайықшы.
Аружан
Отанды жас кәріміз де,
Туған жер деп сүйеміз.
Өйткені онда бәрімізде,
Туып,өмір сүреміз.
Сұрақ-жауап әдісі.
Жүргізуші: Балалар, біз қай Республикада тұрамыз?
- Бас қала қай қала?
- Біздің ауылымыз қалай аталады?
-Біздің еліміздің президенті кім?
Б: Н.Ә.Назарбаев.
Жүргізуші:Ендеше кім Елбасы туралы тақпақ біледі?
Айару:
Жүргізуші: Балалар, адамға тіл не үшін керек?
(Балалардың жауабы)
Б: Тіл- бір - бірімен тілдесуге керек. Адамдар сөйлеу үшін керек.
Жүргізуші: Біздің Республикамызда көп ұлттар тұрады. 150 ден астам әртүрлі ұлттар тұрады.
- Балалар қандай ұлттарды білесіңдер?
(Балалардың жауабы.)
Жүргізуші:
- Дұрыс. Осы халықтар өз тілдерінде еркін сөйлесе алады. Бірақ біз Қазақстан Республикасында тұрғаннан кейін, біздің мемлекеттік тіліміз – қазақ тілі болып есептеледі. Осы тілді біз білуіміз, құрметтеуіміз керек.
– Ғаламшарда өте көп тілдер бар қытай тілі, жапон тілі. Біз шағын орталықта орыс тілін үйреніп жатырмыз. Біздің елбасымыз Н.Ә. Назарбаев «үш тілді білуге қажет», деп ұсыныс берді. Болашақта ағылшын тілі сендерге өте қажет болады
Тіл туралы үш тілде тақпақты айтып беріңдер!
Даяна:Ақыл ойын дананың
Ана тілден аламын
Ана тілім ардақты
Ақ сүтіндей анамның.
Наима:Родной язык!
Он с детства мне знаком
На нем в первые я сказала «Мама»
На нем клялась я в верности упрямой.
Мадина:
Саян:Узнай родной язык
В нем сила и свобода
Узнай родной язык
В нем государства гордость
Жүргізуші: Қазақ тілі – қазақтың ана тілі,
Бірақ оған адам аз бас иетін.
Қазақ тілі – қазақтың дара тілі,
Кейбіреулер түсінбес қасиетін.
Кейбіреулер өз тілін шұбарлайды,
Орыс тілі сіңген ғой санамызға.
Неге олар «тілім» деп қуынбайды,
Шынымен - ақ басқа боп барамыз ба?
Бұл менің ұлтты сүйген өздік ойым.
Өз тілімде керемет ақыл – ойым.
Қасиетті қазақ тіл – бабам тілі,
Ол тарих, сенің, менің абыройым!
Жүргізуші:Тіл туралы мақал - мәтелдерге кезек берейік
Т.Аружан: Өнер алды қызыл-тіл.
Амина:Тіл қылыштан өткір.
Ш.Айдана: Тіл тас жарады
Тас жармаса бас жарады.
Әліби: Басқа пәле тілден.
Жүргізуші: Ана тілім- өзгелерден бөлексің,
Бала жүрек саған арнап жыр төксін.
Қай асылға теңдесемде жарасар,
Ана тілім –баға жетпес өнерсің.
Арнұр:Тілім барда мақтанам.
Тілім менің аппақ ән
Бірлігімді бүгінгі
Ана тілім сақтаған.
Кәусар:Ана тілің біліп қой
Еркіндігің, теңдігің
Ана тілің біліп қой
Мақтанышың, елдігің
Жүргізуші: Қазақстанда көп ұлттар турады, олар барлығы тату - тәтті өмір сүріде деп айттық. Ал, қазір өзіміздің Отан туралы бір ән тыңдайық.
Хор :«Отан»
Жүргізуші: Балалар, біз кішкене бойымызды жазып ойын ойнайық.
Қазақтың ұлттық ойыны: «Арқан тартыс».
Жүргізуші: Балалар әрдайым осындай тату дос болып, өз тілдеріңді құрметтеңдер. Осымен құрметті қонақтар, балалар бүгінгі тіл мерекесіне арналған ертеңгілігіміз
аяқталды. Зейін қойып тыңдағандарыңызға көп рахмет!
Келесі кездескенше сау болыңдар!
Күтілетін нәтиже:
Білуі керек: Ана тіліміз – қазақ тілі. Қазақ тілінің мәртебесін. Қазақстан Республикасының рәміздерін, мақал - мәтел, жұмбақтарды.
Болуы керек: Танымы, ойлауы, сөздік - тілдік қоры, байланыстыра сөйлеуі.
Баланың қолынан келуі: Сұрақтарға жауап беру.
«Ана тілім - айбыным»
