Жұлдызды сәт байқауы

Тақырыбы: «Жұлдызды сәт» байқауы
Сабақтың мақсаты: балалардың ынтасын, қызығушылығын арттырып өзінің жауапкершілігін сезіне білуіне және өз бетінше жұмыс істеуге жұмылдыру, жан жақты ойлауын, ізденуін, есте сақтау қабілетін дүниетанымын арттыру, кеңейту.
Дамытушылық мақсаты: Топ алдында еркін сөйлеуін, дауыс ырғағын дұрыс сақтауын, шешендігін жетілдіру.
Сабақтың көрнекілігі: шарлар, интербелсенді тақта.
Түрі: сайыс сабақ
Сабақтың барысы. 1) Ұйымдастыру кезеңі:
Қайырлы күн құрметті ұстаздар, балалар назарларыңызға «Жұлдызды сәт»атты байқауымызды ұсынбақпыз. Бүгін сіздер «Жұлдызды сәт» байқауының тартымды да, қызықты әлемімен танысасыңдар. Сіздер бұл әлемнің қаншалықты қызықты, әрі сан түрлі екендігіне көз жеткізесіңдер. Балалар сайыста сіздерге әр түрлі сұрақтар мен тапсырмалар ұсынылады. Сайыста жеңу үшін сіздер белсенділік танытып, берілген сұрақтарға өзгелерден тезірек ойланып, жауап берулеріңіз керек және тапсырмаларды дұрыс орындауларың қажет.
Алдарыңызда өз білімімен ақыл, ойымен ерекшеленген әр топтың білімді оқушылары
Мейірімді жүрекпен
Ақ пейілді тілекпен
Амандасып алайық
Бір жадырап қалайық деп сайысқа қатысушы балалармен таныс болайық.
Жарайсыңдар, балалар сайыс кезінде өте ұқыпты, ойларын жинақталған болу керек және тәртіп сақталған жөн.
Енді бүгінгі сайысымыздың жоспарымен танысайық. І тур 5 бөлімнен тұрады:

• Таныстыру
  1. «Тест жұмысы»
  2. «Мамандықтар әлемі»
  3. «Тілашар»
  4. «Суретші болам өскенде»

1. «Жүзден жүйрік»

Ендеше бүгінгі сайысымызды бастайық.

Сауат ашу.Тест жұмысы – 20 минут
1. Дыбыс дегеніміз не?
а) естиміз ә) көреміз б) айтамыз
2. Аю сөзінде неше әріп, неше дыбыс бар?
а) 2 әріп, 2 дыбыс ә) 2 әріп, 3 дыбыс б) 3 әріп, 2 дыбыс
3. Мемлекет сөзінде неше буын бар?
а) 4 ә) 3 б) 2
4. Әріп дегеніміз не?
а) оқимыз ә) көреміз, жазамыз б) естиміз
5. Дауысты дыбыс әріптерін белгіле
а) Р ә) О б) Л
6. Қазақстанның астанасы қай қала?
а) Ақтау ә) Астана б) Алматы
7. Сыныпта не бар?
а) ағаш ә) парта б) тамақ
8. Жылдың ең ыстық мезгілін тап
а) қыс ә) жаз б) көктем
9. Сөз неден құралады?
а) дыбыстан ә) әріптен б) сөзден
10. Дауыссыз дыбысты тап
а) О ә) Ү б) К

Математика
1. 5 және 3 сандардың қосындысы неге тең?
а) 6 ә) 5 б) 8
2. Тура теңдікті анықта
а) 2+3=5 ә) 7-3=5 б) 9-2=8
3. Қайсы өрнек артық?
а) 7+3 ә) 5+2 б) 9-9
4. Сандар және қосу таңбасы бар мысал қалай аталады?
а) айырма ә) қосынды б) қосылғыш
5. 10 - =8 9 - =7 8-=6 жазуларындағы белгісіз санды тап
а) 4 ә) 2 б) 3
6. Қалып қойған санды тап. 5, 6, ..., 8
а) 3 ә) 2 б) 7
7. 5 пен 3-тің қосындысын тап 5+3=
а) 8 ә) 6 б) 9
8. Бір аптада неше күн бар?
а) 5 ә) 7 б) 8
9. Белгісіз санды тап 6+ =9
а) 3 ә) 2 б) 4
10. 10 мен 8-дің айырмасын тап 10-8=
а) 9 ә) 7 б) 2

Қоршаған орта
1. Өлеңде қай жыл мезгілі туралы айтылады?
Қар еріді. Жылғалардан су ақты. Күн ұзарды. Түн қысқарды. Бұл қай кезде болады?
а) көктем ә) қыс б) жаз
2. Күзгі табиғаттағы мезгілдік өзгерісті белгіле
а) қардың түсуі.
ә) жапырақтардың бүршік жаруы.
б) жапырақтардың түсуі.
3. Мезгілдер саны нешеу?
а) 3 ә) 4 б) 5
4. Қай жануар қысқы ұйқыға жатады?
а) қоян ә) аю б) бұғы
5. Өсімдіктің қай мүшесі топырақ астында жатады?
а) бұтақ ә) жапырақ б) тамыр
6. Біздің Отанымыз қалай аталады?
а) Астана ә) Қазақстан Республикасы б) Шығыс Қазақстан
7. Қазақстан Республикасының Туының түсі қандай?
а) Көк ә) ақ б) көгілдір
8. Қазір жылдың қай мезгілі?
а) көктем ә) қыс ә) жаз
9. Қыс айларын ата
а) желтоқсан, қаңтар, ақпан ә) наурыз, сәуір, мамыр б) маусым, шілде, тамыз
10. Адам қолымен жасаған заттарды белгіле.
а) орындық, күн, топырақ
ә) машина, кітап, домбыра.
б) ұшақ, жануар, су.

Тіл дамыту
1. Ас атасы - ....
а) нан ә) су б) тамақ
2. Үй құстарын ата
а) бүркіт ә) тауық б) қарға
3. Үй жануарларын ата
а) аю, қасқыр ә) ешкі , қой б) түлкі, қоян
4. Оқу құралдарын ата
а) доп, қуыршақ ә) кітап, қалам б) машина
5. Көлік түрлерін ата
а) сандық ә) автобус б) сағат
6. Қыста қандай ойындар болады?
а) асық, алтыбақан ә) ат жарыс б) аққала, шана
7. Жабайы жануарды ата
а) арыстан ә) түйе б) жылқы
8. Аң патшасы - ....
а) жолбарыс ә) қоян б) арыстан
9. Қыстап қалатын құстарды ата
а) балапан, аққу ә) торғай, кептер б) тырна, қарлығаш
10. Қызыл кітапқа енген жануарлар
а) қоңыр аю ә) қоян б) қасқыр

Музыка
1. Қорқыт ата кім?
а) қобызшы ә) ақын б) жазушы
2. Бесік жырын кім айтады?
а) бала ә) ана б) әке
3. Ұлттық музыкалық аспаптарды ата
а) гитара, баян ә) домбыра, қобыз б) барабан, скрипка
4. Жазда апамның аулына, барып едім қыдырып... Бұл ән қалай аталады?
а) Ақ көгершін ә) Айгөлек б) Қошақан
5. Қобызды алғаш ойлап тапқан кім?
а) Құрманғазы ә) Қорқыт б) Дина
6. Қыста қандай мерекелерді тойлаймыз?
а) аналар мейрамы ә) жаңа жыл б) балалар мерекесі
7. Алда қай мезгіл келе жатыр?
а) күз ә) жаз б) көктем
8. Ас алдында не істеу керек?
а) қол жуу ә) ойнау б) ұйықтау
9. Елбасымыз кім?
а) И.Тасмағамбетов ә) Н.Назарбаев б) К.Масимов
10. Жеміс түрлерін ата
а) картоп, қызанақ ә) қырыққабат, қияр б) алма, алмұрт

Екінші кезең. «Мамандықтар әлемі» ( суретте берілген мамандық иелерін атайды)
Үшінші кезең. «Тілашар» (бұл бөлімде балалар әр тақырыпта мақалдар айтып жарысады, тақырыптарды жеребе алу арқылы анықтайды, әр мақалға 1 ұпай)
Келесі кезең «Суретші болам өскенде» (Әр қатысушы берілген бір тақырыпта сурет салады, салған суретін қорғайды, уақыты 10 минут)
Соңғы кезең «Жүзден жүйрік» (топқа сурет көрсетіледі, балалар суретті таңдайды, артында жасырылған сұраққа жауап береді).

Әділқазыларға сөз беріп, жеңімпаздар анықталып, марапатталады