Тәуелсіздік күнін мерекелеу: Жасай бер, тәуелсіз Қазақстан!
Тәуелсіздік күні — бұл әрбір қазақстандық үшін маңызды мереке. Біздің еліміз 16 желтоқсанда тәуелсіздік алдап, 24 жыл бойы егемендігі үшін күресті. Осы мерекеде біз ата-бабаларымыздың арманын жүзеге асырушысы ретінде бірлігімізді, татулығымызды, және ұлт мақтанышымызды атап өтуіміз қажет.
2015 жылғы Тәуелсіздіктің 24 жылдығын атап өту кезінде, біз мемлекетіміздің тарихын, оның дамуын, сондай-ақ еліміздің жетістіктері мен болашағына көз жүгіртеміз. Бұл күн — тек мереке ғана емес, сонымен қатар естелік. Жасай бер, тәуелсіз Қазақстан! деп айтуымыз керек. Біздің ұлтымыздың мәдениеті, тарихы, және рушевстік рухымыз ешуақытта ұмытылмайды.
Тәуелсіздік әрбір қазақстандықтың жүрегінде мақтаныш отын жағу, болашағымызды жарқын ету үшін үлкен мүмкіндік береді. Біздің балаларымыз бақытты, тәуелсіз мемлекетте өмір сүруде. Елбасымыздың ерлігі, халықтың бірлігі — бүгінгі жетістігіміздің негізі. Тарихымызды еске ала отырып, біз тәуелсіздіктің қадірін білуіміз керек.
Біз, ата-аналар, ұстаздар, және балалар, Қазақстан Республикасының мемлекеттік рәміздерін, соның ішінде туымыз бен әнұранының маңыздылығын түсінуіміз керек. Ата Заңымызды құрметтеп, бақытты балалар болуымыз үшін әрқашан жұмыла әрекет етуіміз қажет. Тәуелсіз Қазақстан, біз сені мақтан тұтамыз!
Жасай бер, тәуелсіз Қазақстан!
1-Жүргізуші: Құрметті қонақтар,ата-аналар,балалар!Біз бүгін Тәуелсіздік күнін атап өткелі отырмыз.Еліміз егемендік алып,санамыз қайта жаңғырды.Тәуелсіздігіміздің 24 жылдығы құтты болсын, тұғыры биік болып,Елбасымыз аман болсын!
2-Жүргізуші: Еліміз егемендік алып,тәуелсіз мемлекет болдық.Сендер тәуелсіз мемлекетте жарқын өмір сүріп жатқан бақытты балаларсыңдар.Өмірлеріңіз ұзақ болсын, аспанымызды бұлт шалмасын деп «Жасай бер,тәуелсіз Қазақстан!» атты ертеңгілігімізді бастауға рұқсат етіңіздер.
Әнұраным-жанұраным,
Айтар әнім-сөйлер сөзім,
Туған жерім сағынарым
Мәңгі бақи шырқалады,
Республика Әнұраны.
ҚР мемлекеттік Гимні орындалады.
1-Жүргізуші:Құрметті ата-аналар мен балалар! Тарих беттерін парақтасақ,қазақ халқы талай қанды қырғындарды көрді,қасірет шекті.Соның бірі Алматы қаласында болған жастар көтерілісі.Бұл көтерілістің себебін бір ауыз сөзбен түсіндіру мүмкін емес.
2-Жүргізуші: -Иә,бұл күн-16 желтоқсан.Қазақ халқы үшін ұлы күн,әрі қайғылы,әрі бақытты күн.Содан бері 24 жыл өтті.
Желтоқсанда жастар шықты алаңға,
Қарсы тұрды кері кеткен заманға,
Тап солардың арқасында күндей боп,
Тәуелсіздік нұрын шашты санамда.
1-Жүргізуші: Ендігі кезекті балаларға берейік.
Диана:
16-желтоқсан,
Тәуелсіздік алған күн,
Ерекше боп мәңгілік
Ел есінде қалған күн.
М.Нұрдәулет:
16-желтоқсан,
Елдің ұлы мейрамы,
Қазақ деген жұртымыз.
Бәрін кешті басынан.
Дарын:
Бейбітшілік әніміз,
Бауырласпыз бәріміз,
Қазақстан даласында,
Жарасады әніміз.
2-жүргізуші:
-Балалар,біздің Отанымыз қалай аталады? (Қазақстан)
-Біздің Елбасымыз кім?
-Еліміздің рәміздерін атап беріңдерші? (Ту,Елтаңба,Әнұран)
-Дұрыс айтасыңдар!
1-Жүргізуші: Ал,балалар, еліміздің рәміздері туралы кім қандай тақпақ біледі?
Ғ.Нұрдәулет
Көк байрақтың бетінде .
Қыран бүркіт қанатты,
Сол қырандай еркіндеп ,
Бала өседі талапты.
Ануар
Айнымайды аспаннан ,
Біздің тудың бояуы,
Оны халық қашанда ,
Биікке іліп қояды.
Інжу.
Әнұраны елімнің,
Шақырады бірлікке,
Егеменді халқымыз.
Болашағы бірлікте.
Ернұр
Туымызға жас туған,
Бір қарамай өтпейміз,
Сол көк тудың астында.
Көгереміз,көктейміз.
Ербосын:
Арымыздай тап-таза,
Жанымыздай шуақты,
Көтерілді биікке,
Қазақстан байрағы.
Аянұр:
Тәуелсіздік жолында
Талай-талай тер тамған
Билігім өз қолымда
Еркіндігім Елтаңбам.
2-Жүргізуші : Ойын «Өз еліңнің туын тап»
-Балалар,осы жалаулардың ішінен Қазақстанның жалауын тауып көрейікші.
(қызыл,жасыл,сары,көк түсті жалаулардың ішінен Қазақстанның жалауын көрсету)
-Иә,дұрыс таптыңдар!
Мынау –еліміздің туы
-Туымыздың түсі қандай? (көк)
-Көк түс нені білдіреді? (Ашық аспан мен тыныштықты бейнелейді)
-Тудың ортасында не бейнеленген? (Алтын күн-бейбітшілік пен байлықты,ал қыран құс-еркіндікті білдіреді)
1-Жүргізуші:
Мың бұралып билейді қыздарымыз
Қолдары майысқанда таңғалмаңыз !
Қазақтың «Домбыра биін» билейтұғын,
«Күншуақ» би тобын қарсы алыңыз !
Қыздар тобының орындауында «Домбыра» биін қабыл алыңыздар.
«Домбыра» биі.
2-жүргізуші:
Туған жер егеменді тәуелсіз ел.
Болашаққа нық басып бекінген ел,
Көкке өрлеген байрақты желбіретіп,
Қуаныш пен шаттыққа қадам басты ел.
1-Жүргізуші:
Тәуелсіздік мәңгілікке сақталсын,
Алдымызда барлық үміт ақталсын,
Тату-тәтті бірлік болып қашанда.
Бейбіт өмір бар халықпен жақталсын.
2-Жүргізуші: -Құрметті қонақтар,балалар! Егеменді еліміздің тәуелсіздік күні мерекесімен құттықтай отыра балалардың орындауында «Біз балдырған баламыз» әнін қабыл алыңыздар.
«Біз балдырған баламыз» әні
1-жүргізуші:
Бабалардың ғасыр бойы арманы,
Өткенімен келешегін жалғады,
Желбіреп тұр төл байрағы қазақтың,
Егеменді – Тәуелсіздік алғалы.
2-жүргізуші:
Тәуелсіздік-11 әріп құралған,
Сан ғасырлар бар қазаққа боп арман,
Талай дана,даналардың көз жасы,
Шуағымен атты таң боп алдымыздан.
(Осы кезде 11 бала «ТӘУЕЛСІЗДІК» деген сөзді ұстап шығады)
1-жүргізуші: Қазақстан-біздің Отанымыз.Егеменді тәуелсіз елміз.Кең байтақ Отанымыз туралы қандай тақпақ білесіңдер?
Мират:
Отан-таңның арайы,
Күн нұрынан тараған
Отан-бақыт сарайы,
Ел қызығын қараған
Айқын:
Отанды әркім анасындай,
Қастерлейді,қорғайды,
Өйткені Отан,
Бізді асырап қорғайды.
2-жүргізуші: -Балалар,біздің еліміздің Ата заңы бар.Заң дегеніміз-барлық адамдарға бірдей тәртіп.Ата заңымызда балалардың құқығы жазылған Сендердің оқуға,балабақшаға келуге құқықтарын бар.
Қазақстан-егеменді байрақты ел,
Жердің жүзін мойындатқан қайратты ел,
Ата заңым-елдігімнің еңсесі,
Заңы барда қазақ елі айбатты ел.
1-жүргізуші:
Ата-заңым-егемендік,теңдігім,
Қанат жайып көкке өрлеген кеңдігім,
Ата заңмен іргелімін мен бүгін,
Ата заңым-биіктігім,елдігім!- деп келесі кезекті Алтын заңға арнайық.
Каусар:
Қорға дейді баланы,
Қолда дейді ананы,
Ел тілегі жазылған,
Біздің заң-ең әділ заң.
1-Жүргізуші:
Алтын заңның аясында,
Құлпырамыз гүл болып
Отан-ана аясында,
Жарқыраймыз күн болып.
2-жүргізуші: Ендігі кезекті әнге берейік.
«Ата заң» әнін қабыл алыңыздар
1-жүргізуші : Ұлдар тобының орындауында «Қамшы» биін қабыл алыңыздар.
«Қамшы» биі
2-жүргізуші:Елімізде әрқашан береке-бірлік болсын деген ниетпен «Жасай бер,тәуелсіз Қазақстан!» атты салтанатты ертеңгілігімізді аяқтауға рұқсат етіңіздер.
1-жүргізуші: Дендеріңізге саулық,бастарыңызға амандық,елімізде бейбітшілік,тыныштық болсын!
Құттықтау сөз балабақша меңгерушісі Бақытгүл Көбенқызына беріледі.
