Сабақ жоспары: Жомарт күз
«Жомарт күз» сабағының мазмұны балабақшадағы балалардың шығармашылық қабілеттерін дамытуға бағытталған. Бұл сабақ барысында тәрбиеші балаларға күз мезгілінің ерекшеліктері мен табиғаттағы өзгерістер туралы кеңінен мәлімет беріп, оларды бейнелеу өнері арқылы өз ойларын жеткізуге ынталандырады.
Сабақтың мақсаты - балалардың күз табиғаты және оның ерекшеліктері туралы түсініктерін молайту. Тәрбиешінің жетекшілігімен балалар сурет салу арқылы табиғаттың сұлулығын көрсетіп, өздеріне ұнайтын күзгі жаратылыстарды бейнелейді. Сабақ барысында балалар өздерінің эмоцияларын, ойларын және сезімдерін білдіріп, бір-бірімен бөліседі.
Сабақтың құрылымы қызықты әрі интерактивті болып табылады. Алдымен тәрбиеші балалармен жылы сәлемдесу рәсімін өткізеді, бұл оларға сабаққа оңай кірісуге көмектеседі. Тәрбиеші жылдың әр мезгіліне сипаттама бере отырып, күздің маусымдық ерекшеліктерін талқылайды. Балалардан несіздер пайда болғанын сұрап, олардың жауаптарын тыңдайды.
Сабақ барысында қойылатын жұмбақтар мен сұрақтар арқылы баланың логикалық және шығармашылық ойлауын дамыту, сонымен қатар бір-бірімен ынтымақтаса жұмыс жасауды үйрету мақсаты көзделген. Тәрбиеші балабақшадағы қолайлы атмосфераны құрып, балалардың бір-біріне деген жылы қарым-қатынасты нығайта отырып, шығармашылық жұмыстарды орындауға қолдау көрсетеді.
Сабақтың қорытындысында, тәрбиеші балалардың жұмыстарын бағалап, оларды ынталандырады. Бұл кезең балалардың өз-өздеріне деген сенімін арттырып, алдағы уақытта шығармашылық жұмыстарды жалғастыруға шабыт береді. Осындай сабақтар - бұл тек білім берудің бір тәсілі ғана емес, сонымен қатар балалардың әлеуметтік дағдыларын дамытуға арналған жақсы мүмкіндік.
Атырау облысы, Жылыой ауданы, Құлсары қаласы
КМҚК "Айгөлек" ясли бақшасы
балабақша тәрбиешісі Қондыбаева Гүлсім Жаңабайқызы
Білім беру саласы: «Шығармашылық»
Ұйымдастырылған оқу іс-әрекетінің түрі: Сурет салу
Тақырыбы: «Жомарт күз»
Мақсаты: Балаларға табиғат туралы,күз ерекшелігі туралы түсінігін молайту.
Тәрбиешілік: Жұмысты ұқыпты әрі таза жасауға тәрбиелеу.
Әдіс-тәсілдері: 1.Түсіндіру әдісі.
2.Тосын жағдай.
3.Қылқаламмен сурет салу.
4.Сұрақ-жауап әдісі.
Қолданылатын көрнектіліктер:
Тәрбиеші үшін: үлгі сурет,қылқалам, су бояу.
Балалар үшін:қол сүртетін сүлгі, қылқалам, су бояу.
Ұйымдастырылған оқу іс-әрекетінің барысы.
Алдымен сәлемдесу: рәсімімен басталатын сабақта балалар бір-біріне жылылық шырай таныту үшін
Біздің кұлкіміз көңілді.
Жеткізсін жылу мен шаттықты
Бөліскен жақсы ғой өмірде
Қуаныш,мейірім,бақытты.
Сәлеметсіз бе?-деген жылы сөздер айтады.
Тәрбиеші:балалар сендерді шын көңілмен қуаныш шеңберіне шақырамын.
Біздің жасап тұрған шеңберіміз неге ұқсайды?
( Балалардың жауабы)
Тәрбиеші: Дұрыс айтасыңдар, керегесі кең,босағасы берік,үлкен киіз үйдің шанырағына ұқсайды екен.Демек бұл біздің балабақша.Мұнда біз ынтымақты өмір сүріп,тәлім-тәрбие алып жүрміз.Енді бір-бірімізбен дос,бауыр тату ойнайтынымызды дәлелдеп,алақандарымызды беттестірейікші.Алақандарынызды түйістіргенде нені сезінеміз?
Балалар: жылылықты.
Тәрбиеші: Жылылық қай жерімізден шығады?
Балалар: Жүрегімізден.
Тәрбиеші: Ендеше жүрегімізден шыққан жылылықтың қуатынмен: «Жақсы сөз-жарым ырыс» демекші бір-бірімізге жақсы тілектер айтайық.
Мен бастайын,сендер жалғастырыңдар.
Бәріміз күндей жарқырайық.
Мен табиғатты сүйемін.
Аспанымыз ашық болсын.
Тату дос болайық.
Тәрбиеші: Өте жақсы,қандай әдемі тамаша тілектер айттыңдар.Адамдар бір-біріне жылы сөздер айтқанда айналаның ерекше жарқырай түседі.
Енді орынымызға отырайық.
Балалар, мен жұмбақ-өлең оқимын мұқият тыңдап не туралы екенін айтып беріңдер:
Шөп сарғайып,
Өңі тайып
Дала сұры қашады.
Бай жаза алмай
Ойнай алмай
Денең мұздап тоңады.
Айтыңдаршы бөбектерім
Бұл қай кезде болады?
Қай мезгіл,кім айтады?
-Күз
-Дұрыс айтасыңдар,рахмет.
Бүгінгі сабағымыздың тақырыбы да «Алтын күз» деп аталады.
Неліктен «Алтын күз» дейміз.
Күз түскенде күн салқындайды.Шөптер,жапырақтар алтындай сап-сары болып,сарғаяды,сондықтан «Алтын күз» деп атайды.
Күздің басқа жыл мезгілімен қандай ерекшілігі бар?
-Күн қысқа,түн ұзақ.Жаңбыр жиі жауады.Күзде астық жиналады.
Тәрбиеші: Күзде неше ай бар?
( Балалардың жауабы)
Тәрбиеші: Енді балалар тыныштық сақтап 1,2,3 дегенде көзді жұмып күзгі орманға қиялмен серуелдеп қайтайық.
Тәрбиеші: Орман іші қандай тып-тыныш.
Жапырақтан айырылған ағаштар сығандай.Аяқ асты сары жапыраққа толы.Ауасы қандай керемет.1,2,3 көзімізді аштық та қайтіп балабақшамызға оралдық.Есік қағып,Күз ханшайымы қонаққа келеді.
Тәрбиеші:бізге қонақ келіп қалыпты.
Сәлеметсыңба күз ханшайым.
Балалар күз ханшайымының көңіл күйі жоқ секілді.Не себепті жабырқаулы күйде екен өзінен сұрап көрейік.Күз ханшайымы сен неге көңілсізсің?
Тәрбиеші: Балалар бүгін сендер білімдеріңді көрсетіп белсенділік таныттыңдар.Енді орындарымыздан тұрып сергіту жаттығу жасайық
Қане қанат жазайық.
Қарлығашқа ұқсайық.
Ұшып-ұшып алайық
Орнымызға қонайық.
Тәрбиеші: рахмет балалар енді орындарымызға жайғасайық та Күз
ханшайымының талдарына жапырақтар жасайық
Жапырақтың салыну техникасын түсіндіріп,содан соң,жұмысқа кірісу.
Тәрбиеші: Аяқтаған жұмыстарды арнайы тақтаға іліп,қояды.
Ақын М.Айтовтың «Алтын күзде» шығармасынан үзінді оқиды.
Күзде дала жаурайды.
Көкте бұлттар аунайды.
Бұтағынан үзіліп
Жапырақтар саулайды.
Соңынан тәрбиеші сабақты қорытындылап,жақсы қатысқан балаларды мадақтайды.
Сендерді жүректен жүрекке шеңберіне шақырамын.
Қиын шақта достарды біз қолдайық.
Келесі көріскенше сау болайық.
