- Главная
- →
- Занятия с детьми
- →
- Жаңаөзен қаласындағы бастауыш сыныпта <b>ю</b> дыбысы мен әрпімен танысу
- →
Жаңаөзен қаласындағы бастауыш сыныпта <b>ю</b> дыбысы мен әрпімен танысу
Бұл құжатта Маңғыстау облысының Жаңаөзен қаласындағы №18 орта мектептің бастауыш сынып мұғалімі Нұрсұлу Нурмухамедовна өткізген сауат ашу сабағының мазмұны берілген. Сабақтың тақырыбы ю дыбысы және оның әрпі туралы. Мұғалім оқушыларға ю дыбысының ерекшеліктерін таныстырады, сонымен қатар дыбыстау және жазу дағдыларын нығайту үшін түрлі қызықты әдіс-тәсілдер мен дидактикалық ойындарды пайдаланады.
Сабақтың мақсаты - оқушылардың ю дыбысын түсінуін, оны сөздерде дұрыс қолдануын қамтамасыз ету. Оқушыларға мысалдар келтіре отырып, ю дыбысымен басталатын сөздер мен сөйлемдер ойлап табуына мүмкіндік беріледі. Мұғалім оқушылардың сөздік қорын дамытуға және байланыс сөйлеуді қалыптастыруға ерекше көңіл бөледі. Сабақ барысында оқушылар ю дыбысының қайда орналасатынын айқындап, дыбыстық талдау жасау арқылы сөздердің құрылымын түсінеді.
Ойындар мен жаттығулар сабақты қызықты етеді. Мәселен, «Кім жылдам?» ойынында оқушылар ю дыбысы бар сөздерден сөйлем құрап, шығармашылықтарын көрсетеді. Сонымен қатар, бұл сабақ оқушыларды сыныпта бір-бірімен қарым-қатынас жасауға, тану мен үйренуге ынталандырады. Оқушылардың шығармашылық, логикалық қабілеттері мен қызығушылықтары артады, сонымен бірге, олар жазу дағдыларын дамытумен қатар, емлелік дағдыларын да меңгереді.
Маңғыстау облысы Жаңаөзен қаласы №18орта мектеп мемлекеттік мекемесі.
Бастауыш сынып мұғалімі Улжабаева Нұрсұлу Нурмухамедовна.
Пәні: Сауат ашу
Сабақтың тақырыбы: Ю ю дыбысы мен әрпі.
Сабақтың мақсаты: ю дыбысы және оның әріп таңбасымен таныстыру. Оқушыларды юдыбысы бар сөз, сөйлем ойлап табуына көңіл бөлу, олардың сөздік қорына мән беріп, байланыстырып сөйлеуге үйрету, ұғымталдыққа тәрбиелеу.Дидактикалық материалдарды пайдаланып, оқушылардың ойлау қабілетін, қиялын зейінін дамыту.Қолдарын жазуға жаттықтыру.
Көрнекіліктер: кеспе әріптер, суреттер, текшелер.
Сабақ барысы:
Ұйымдастыру кезеңі: әңгіме өткізу.
Оқушылар, бүгін біз ю дыбысымен танысамыз. Біз дыбысты естиміз, бірақ көрмейміз.
-Дыбыстар нешеге бөлінеді?
-Дауысты дыбыстар қалай айтылады?
-Дауыссыз дыбыстар ше?
Ю дыбысы және оның әріптік таңбасымен таныстыру. Баспа және жазба түрлерін көрсету. Мысалдар келтіру: аю, ою, жию, тою, тию, қию, т.б
Бір шумақ өлең оқып, ю дыбысы кездесетін сөзді тапқызу.
«Кім жылдам?» дидактикалық ойынын ойнату. Бұл ойында юдыбысы кездесетін сөздерге сөйлем құрау. Мысалы: Әжем ою ойды.
Ю дыбысының сөздердегі орнын тапқызу.
Қолды ауада жаттықтырып, ю дыбысын жазу. Жазба жұмысын жүргізу.
Аю, ою сөздеріне дыбыстық талдау жасау, ондағы ю дыбысының орнын ажыратқызу.
Оқулықтағы буындарды, сөздерді құратып оқыту. Хор мен қайталап оқытқызу.
Ю дыбысының айтылу ерекшелігімен таныстыру. Ю дыбысының екі (иу) дыбыстан тұратындығы «Неше дыбыс, неше әріп бар?» тапсырмасын орындату арқылы түсіндіру.
Сергіту сәті.
Сызба арқылы сөйлем құрату. Үлгі сызба арқылы сөйлем құрау.
Қорытындылау бөлімі:
Оқушылардан юдыбысына байланысты сөздерді қайталап сұраған соң, пысықтап қорытындылау және жақсы қатысқан оқушыларды мадақтау.
