Стихи на коми языке по темам недели

День знаний, Наш детский сад
***
Нывкалы – акань,
Зонкалы – мач,
Настуклы – платтьö,
Колюклы – гач.

Мича серпас
Аддзи мича серпас:
Шондi кольквиж рöма,
Кольквиж рöма керка
Тшупöны на сöмын.
Н. Щукин

***
Татчö волыны ме рад
Шоныд, сöстöм детскöй сад,
Татчö волыны ме рад.
Чöскыд сёян – юан тан:
Кампет, печенье и джем,
Булки, кöлач и компот –
Рузгы – вазгы да эн пот.
Ю. Васютов

***
Олялöн эм уна чача.
Кужö ворсны сiйö мачöн,
Эм кык акань, ичöт кань,
Да и качай сяма чань.
З. Жижева серти

***
Менам акань,
Тэнад мач.
Менам кань,
А тэнад кöч.

***
Тэ да ме, да сiйö
Ворсам дзоридз пиын.
Тэ да ме, да сiйö –
Квайт ки лоас миян.
Н. Перминова

***
Сёя кö ме йöв,
Ворса шы ни тöв.
Сёя кö ме рок,
Удал лоас кок.
Сёя кö ме нянь,
Быдма ён да шань.
Сёя кö ме шыд,
Лоа зэв ыджыд.
Ю. Попова

***
Нёль да нёль – кöкъямыс,
Нёль да нёль – кöкъямыс,
Абу вит, абу квайт –
Ставлы тайö тöдса.

***
Пукалö Вера,
Аканьöн ворсö.
Аканьыд ичöт,
Ичöт да мича.
З. Шиликова

***
Менам уна чача:
Ош да руча – кöча,
Кык машина, вертолёт,
Куим пыж да вездеход.
О. Рочева

***
Паровозыд менам ён:
Сiйö кыскö дас вагон.
Чах-чах, чу-чу-чу!
Ылö-ылö менö ну!
Т. Волгина серти
Наш лес
Рöмъяс
Уна рöма, уна рöма,
Миян арся вöрыс.
Усяс лым, и сэки сöмын
Локтас еджыд рöмыс.
Н. Щукин
Осень
***
Кöть и воис букыш ар,
Меным абу гажтöм.
Пасьтала садикö мунны
Мича шоныд паськöм.
«Би кинь» журналысь

***
Детинкалы сизим арöс
Неважöн на тыри.
Медводдзаысь таво арын
Классö сiйö пырис.
В. Ширяев

Град йöр
Кодлы капустаыд ковмас,
Менам град йöрö мед волас.
Ставлы капустаыд лоас!
«Би кинь» журналысь

Ар
Мукöддырйи зэрö,
Мукöддырйи пуж,
Видзöдлан кö йöрö,
Градъясыд нин куш.
(Н. Щукин
***
Зарни паськӧмӧн пасьтасис вӧр,
Мича тугъясӧн гӧрддзасис пелысь.
Дзодзӧг мӧдӧдчис лунвывлань бӧр,
Аддзан, енэжын нюжӧдчис кöлысь.
Серафим Попов

Град йöрын
Миян муным пом ни дор,
Быдтам сэнi помидор,
Салат, свеклӧ, да капуста,
Кушман, анькытш
да петрушка,
Сёркни, редис да укроп,
Сельдерей да лук-чеснок.
Эм и оз, и ӧмидз,
Сэтӧр, пелысь, льӧм,
Нӧшта уна дзоридз,
Налӧн уна рӧм.
Локтам школа йӧрӧ,
Сьӧлӧм вылад рад,
Быдтiмӧ ӧд асьным
Татшӧм мича сад!
Нина Куратова
Мое село
Чужанiн
Чужанiнöй менам –
Мыла сьыланкыв,
Чужанiнöй, тэнад
Мамлöн кодь жö сыв.
Мед кöть тэсян ылын
Öнi, чужанiн,
Шуа тэныд, кылан?
Гажöй бырис нин…
Чужтiн – быдтiн менö,
Зарни Коми му.
Чужанiнöй, тэныд
Лёк кыв нэм ог шу.
Чужанiнöй менам –
Эжва дорса сикт.
Чужанiнöй, тэ öд
Ставлöн öти дзик.

Чужан му
Мед дзирдалас шондi!
Мед югъялас луныс!
Мед дзоридзöн тырас
Да нюмъялась му!
Мед шондiлань быдöн
Пыр восьлалас, мунас!
Мед шондiа туйсö
Оз вевттьыв сьöд ру!
М. Лебедев

Я и моя семья
***
Шкап кöть улöс,
Додь кöть дадь,
Быдтор вöчны
Кужö бать.

***
Окала ме мамöс,
Окала ме батьöс,
Аддзысьлытöдз,
Аддзысьлытöдз,
Тiянлы став бурсö!

Ичöт Маша
Талун ичöт Маша
Быттьö прамöй ань:
Чышкис керка джоджъяс,
Мыськис тасьтi – пань.
А. Некрасов (Гамса)

***
Папöкöд садикö
волывла ме.
Мамыкöд садикö
Волывлан тэ.

Медся тэрыб
Котöртi да котöртi,
Чойöс – вокöс пановтi,
Чойöс – вокöс пановтi да
Гортö медводзöн локтi,
Гортö медводзöн локтi да
Ыджыд нянь шöрöм босьтi,
Ыджыд нянь шöрöм босьтi да
Пöжöм йöлöн песовтi.
И. Торопов

Уджач ныв
Ичöт Маша тöдö важöн,
Кыдзи пуны шыд да рок.
Нылыс миян аслас кинас
Вурö кизь и чышкö ёг.
Мамыс-батьыс радöсь:
Гортын век порядок.
В. Бабин

Ыджыд мамö
Ыджыд мамö бурнас
Овлö сэтшöм бур!
Окалас и кутлас,
Малалыштас юр.
С. Попов

***
Медся – медся
Менам ыджыд мамöй
Медся бур да шань.
Менам ыджыд мамлöн
Медся чöскыд нянь.
О. Игнатова
Новый год зима
***
Лымъялö. Чöв.
Ывлаын тöв.
«Би кинь» журналысь

***
Турöб шувгö ыджыд öдöн.
Тайö тöв нин, быдöн тöдö.
«Би кинь» журналысь

***
Усьö еджыд, небыд лым,
Муыс, ваыс гöгöр кын,
Челядь чукöр ворсам ми,
Оз тай кынмы кок ни ки.
«Би кинь» журналысь

***
Меным талун Дед Мороз
Вайис мича лыжи гоз.
Аски сувта лыжи вылö,
Сэсся кая гöра йылö,
Збоя увлань воськовта –
Горулöдзыс исковта.
А. Ванеев

***
Выль во вайö дед Мороз.
Вайöма мен мича коз.
Еджыд лым чиръясыс сэн,
Лапъяс вылас уна ем.
Мича чачаясыд тыр,
Кöть эн дугдыв, видзöд пыр.
П. Образцов

Доддя поезд
Лöсьыд жö нин
Тöвся лун,
Чужöм вылын
Ворсö нюм.
Доддя поезд корö туй:
«Кежöй, челядь, ту-ту-ту!»
А. Ванеев

Февраль
Поводдяыс помся дурö:
Талун мича, аски лёк, -
Коркö кöдзыд, коркö-й турöб,
Лымйöн тыртас гöгöрбок.
С. Куликов

Медводдза лым
Ывлаыс еджыд,
Ывлаыс югыд:
Усьöма небыдик лым.
Небыдик гöн кодь,
Кокньыдик тöв кодь :
Тöкöтьö му бердас инмö.
Ывлаас праздник :
Югдöма, кыпыд.
Му вылыс ойбыртiс,
Унмовсис , лöнис.
Узьö,
Шойччö.
Эшкыныс небыд,
Эшкыныс шоныд.
Илля Вась

Ставыс еджыд
Тöлын ставыс еджыд!
Петö весиг вежыд!
Еджыд байдöг,
Еджыд кöч.
Лымйöн вевттьысьöм
Быд рöч.
Еджыд сьöдбöж,
Весиг сюзь,
Сэтшöм еджыд,
Быттьö юсь.
Серафим Попов

Выль во
Мед эськö Выль воыс
Мойдын моз воö!
Кодлы мый колö,
Мед сідзи и лоö.
Таняöс мамыс мед
Нуöдлас карö.
Колялы мамыс мед
Ньöбас гитара.
Леналы-понпи,
А Мишалы мед
Ньöбасны ыджыджык
Велосипед.
Аслым мен колö,
Мед ог ло дыш
Гожöмнас ветлысян
Мотора пыж.
Мед эськö во гöгöр
Сулалö Выль во!
Мед эськö быдöнлöн
Колöмыс збыльмö!
Геннадий Юшков

Братья наши меньшие
***
Менам Мурка нима кань,
Оз сёй кампет, оз сёй нянь.
Чöскыд сылы ичöт шыр,
Кутас, сёяс пырысь-пыр.
«Би кинь» журналысь

Кань
Сюсь пеля, сьöд синма,
Ныриса да шань.
Тайö Барсик нима
Менам муса кань.
«Би кинь» журналысь

Пон
Лэчыд пиня, пельыс сюсь,
Ачыс скöр да ён.
Ылысь кылö, оз тай узь –
Керка видзысь пон.
«Би кинь» журналысь
***
Миян гортын олö пон,
Ыджыд сiйö зэв да ён.
«Би кинь» журналысь
***
Катша-катша, китш-котш.
Тури помечö корö,
Кöин кер кыскалö,
Ош керка лэптö,
Сизь öшинь писькöдö,
Руч дöра кыö,
Ур би видзö,
Кöч блин пöжалö.

Катша
Потшöс вылын пукалö
Катша – еджыд бок.
Лунтыр сiйö сералö:
Китш-котш, китш-котш.

***
Аслас чомйын олö пон,
Сiйö мича, сiйö ён.

***
Вöрын ветлö ыджыд ош,
Сiйö некытчö оз вош.

***
Нявöн Маша нимтö каньсö,
Ачыс йöлöн вердö шаньсö.
З. Шиликова

Жонь
Аттö дивö!
Кыдз пу вылö
Öшйис яблöк
Гöрдсьыс-гöрд.
Киöс нюжöдi
Ме сылань,
Лэбзис яблöкыс -
Кöть бöрд.
Лэбзис яблöкыс,
Он судзöд.
Недыр вöтлысян-
Дай мудзан.
Ёртъяс, висьтала
Ме гусьöн :
Татшöм яблöк
Жоньöн шусьö.
Кодыр петкöдi
Нянь крöшки,
Недыр мысти
Воис нöшта.
Пуксис матö -
Кутны позис...
Но эг вöрзьы ме,
Эг повзьöд.
Пётр Бушенёв

Народная культура и традиции

День защитника отчества(+здоровье)

Мамочка
***
Мамöй меным
Ньöбис мач.
Мачыс менам
Ветлö скач

***
Менам муса мамуклы
Отсася ме век,
Тасьтi – паньтö мыськала,
Шыдтö пуа, дерт.
«Би кинь» журналысь

Мам
Мамö вурис меным дöрöм,
Мамö шöралiс нянь шöрöм,
Мамö мыськис менсьым чужöм,
Мамö пуис чöскыд ужин,
Мамö шебралiс да мойдiс.
Менам мамö медся бур.
Ю. Васютов

Мамлы бур кыв
Миян вöсна шогсьö мамö,
Сылöн киын ставыс ладмö,
Кузь нэм сиям да бур шуд,
Дзоньвидзалун – быдса куд!
«Би кинь» журналысь

Мамлöн лун
Луныс зэв нин югыд лоис,
Тӧлыс лымсӧ оз нин гарт.
Мамлӧн ыджыд
Праздник воис,
Локтiс Войвылӧ кор март.
Мамлы шуи асывводзын:
« Уна-уна во тэ ов!»
Сетi ассьым вӧчӧм козин-
Магазинсаыд оз ков.
Батьӧ окыштiс жӧ гусьӧн,
Тайӧс аддзывлi ме, дерт.
Сыкӧд пелькӧдчам да пусям,
Талун мамным
Шойччас мед.
Василий Лодыгин

Мам
Мамö вурис меным дöрöм,
Мамö шöралiс нянь шöрöм,
Мамö мыськис менсьым чужöм,
Мамö пуис чöскыд ужин,
Мамö шебралiс да мойдiс.
Менам мамö медся бур.
Ю. Васютов

Бур мам
Менам мамö медся бур,
Сыысь мусаысь оз сюр.
Менö пасьтöдö и вердö,
Шонтö аслас сьöлöм бердас,
Ичöт юрö кöдзö сям.
Тiян эм-ö татшöм мам?
С. Попов

Весна
***
Турун петö,
Вöр-ва ловзьö.
Тайö – тулыс,
Шуны позьö.
«Би кинь» журналысь

***
Со сылö лым
И жургö шор,
И тулыс нюмъялö нин меным!
«Би кинь» журналысь

***
Видза олан, гажа тулыс!
Видза олан, енэж шöр,
Видза олан, югыд шондi!
Видза олан, ловзьысь вöр!
Видза олан, чужан муöй!
Коми войтыр, видза ов!
А. Мишарина

Тулыс
Гажа тулыс воис,
Гöгöр жургö шор.
Шондi лымсö сёйис,
Ловзис пулöн кор.
М. Лебедев

Космос здоровье

День победы
Уна кыв
Уна кыв ме рочöн тöда.
Со вот висьтавлыны мöда:
Каньыд – кошка,
Паньыд – ложка,
Пиыд – сын, а нылыд – дочь,
Луныд – день, а войыд – ночь,
Нырыд – нос, а вомыд – рот,
Пуктас йöрыд – огород,
Пидзöсыд – колено,
Кос пескыд – полено,
Туруныд – трава,
Юрыд – голова.
Медбур, видзöдны кö водзö,
Кужны комиöн и рочöн.
Г. Юшков

Скоро лето
Асыв
Шарик тявзö: ав, ав, ав!
Мурзик нявзö: няв, няв, няв!
Чибук гöрдлö: го, го, го!
Чипан котсьö: ко, ко, ко!
Полюк Машö помся кашкö,
Йöрын кылö: рук, рук, рук!
В. Бабин

Öшкамöшка, мегыр пос,
Зэр оз ков, му абу кос,
Мöдöд югыд шондi,
Челядьöс шонты.