Күз туралы шығармашылық әңгіме: ұйымдастырылған оқу қызметінің технологиялық картасы

Ұйымдастырылған оқу қызметінің технологиялық картасы.

Тобы :
Күні :
Тәрбиеші :
Білім саласы: «Коммуникация»
Бөлім саласы: Сөйлеуді дамыту
Тақырыбы: Күз
Мақсаты:«Күз» тақырыбына шығармашылық әңгіме құрастыруға үйрету; күз белгілері жайлы әңгімелесу, сөйлеу тілі қандай болатынын түсіндіру, балалардың сөйлеу және ойлау қабілетін дамыту; балаларды еңбек етуге тәрбиелеу.
Керекті құралдар: күз мезгілінің көркем суреті, жемістер мен көкөністердің муляждары, жұмыс дәптері.
Билингвалдық компонент: кірпі-еж, алма -яблоко, қауын -дыня, асқабақ -тыква, қарбыз -тыква, сәбіз -морковь.

Балалардың іс-әрекеті

Мотивациалық қозғаушы

-Қазір жылдың қай мезгілі?

-Күз мезгілі екенін қайдан білеміз?

-Қандай көкөніс түрлерін білесіңдер?
-Күз мезгілі несімен ұнайды?
-Күз мезгілінде барлық жан-жануарлар қысқа дайындалады.
Тиіндер жаңғақтарын жинаса, кірпілер індеріне саңырауқұлақтар тасып алады.
-Ал адамдар күзде қалай еңбек етеді?

-Қазір жылдың күз мезгілі.
-Күз мезгілі екенін табиғаттың өзгеруінен білеміз. Ағаштардың жапырақтары сарғайып түседі, күн суытады.
Жемістер, көкөністер күн суытады. Жемістер, көкөністер күз мезгілінде көп болып піседі.
-Сәбіз, қияр, қауын, қарбыз, асқабақ, қызылша.
-Күз мезгілі жомарттығымен ұнайды.

Іздену ұйымдастырушы

-Балалар, бағана мен сендерге айтып өттім. Күз мезгілінде адамдар, жан-жануарлар қысқа дайындалады. Мына суретке назар аударыңдаршы.
Демонстрациялық құралмен жұмыс.
Тәрбиеші күз мезгілінің суретіне қарап әңгіме құрайды:
-Күз мезгілі, бақтың іші сап-сары алтындай жарқырап тұр. Ағаштардан түскен жапырақтар жерде саудырап жатыр.
-Жапырақтардың түстері қандай?
-Бақта кімдер жүр?
Тәрбиеші «азық» сөзінің мағынасын түсіндіреді.
Азық-тамақ, қорек.
Тәрбиеші суретке қарап әңгіме құрастырады.
-Енді сендер «Күз» тақырыбына шығармашылық әңгіме құрап беріңдер.
Сергіту сәті.
Шөп үстімен жүреміз: сырт-сырт,
Тас үстімен жүреміз: тырс-тырс.
Шалшық сумен жүреміз:шолп-шолп
Жолдарменен жүреміз: топ-топ.
(жаттығуды қимыл-қозғалыс арқылы жасайды)
-Сөйлеу үшін бізге не керек?
-Әңгіме айту үшін сөз керек екен. Сөз-дыбыстан құралады. Әңгімелесу арқылы бір-бірімізбен қарым-қатынас жасаймыз.
«Сөйлемей көрейікші» ойыны:
Тәрбиеші: «Орындарыңнан тұрыңдар»,-деп ымдайды.
-Міне, көрдіңдер ме, сөзсіз өмір сүру өте қиын. Сондықтан да сөйлеу тілі өте маңызды.
Кейбір сөз ұзақ дыбысталады, кейбіреуі қысқа дыбысталады.
-Балалар, қысқа сөзде дыбыс аз болады, ал көп дыбыс ұзақ сөзді құрайды.
-Кәне, «кірпі», «жапырақ» сөздерін байқап көрейік.
«Жемістер мен көкөністер жинау» дидактикалық ойынын өткізу.
Ойын шарты: балалар жемістер мен көкөністерді ажыратып, екі себетке жинайды.
Дәптермен жұмыс.( №1 тапсырма бойынша орындалады)
Жеке жұмыс жүргізіледі.

Балалар бар ынтасымен тыңдайды.

-Жапырақтардың түстері
сап-сары.
-Бақта балалар жапырақ теріп жүр.
-Кірпіні көрді.
-Кірпінің үстінде алма бар.

Балалар тәрбиешінің артынан қайталайды.

-Алманың түсі қып-қызыл, пішіні домалақ.

Балалар өз ойларынан әңгіме құрастырып айтады.

Балалар қайталайды. Өлең мазмұнына сәйкес қимыл-қозғалыстар жасайды.

-Сөйлеу үшін бізге тіл керек, ауыз керек.

Тып-тыныш отырады.
Біразы тұрады, кейбіреуі тұрмайды.

Қолдарымен созып көрсетеді.
-Кірпі –қысқа дыбысты сөз. Жапырақ-ұзақ дыбысты сөз.
Берілген тапсырманы орындауға әрекет жасайды.

Дәптердегі тапсырманы (қауын, қарбыз, асқабақты) жапсырмалар арқылы өз жүйектеріне жапсырады.

Рефлексивті коррекциялаушы

-Балалар, сендер бүгін қандай тақырыпта әңгіме құрадыңдар?
-Сөйлеу үшін бізге не керек?
-Қандай дидактикалық ойын ойнадыңдар?

-Біз «Күз» тақырыбына әңгіме құрадық.
Өз ойларын білдіреді.
Күтілетін нәтиже:
Біледі: «Күз» тақырыбына әңгіме құрайды, көкөністер мен жемістерді ажыратуға берілген тапсырманы.Игерді: сөздің дыбыстан құралатыны.
Меңгерді: күз мезгілінің ерекшеліктерін сипаттайтын көркем сөздерді.