Күз мезгіліндегі қызықты оқиғалар
Күз — бұл жылдың ерекше мезгілі, ол өзімен бірге алтын сары жапырақтар мен тәтті жемістерді сыйлай келе, балалардың қошеметіне бөленеді. №22 «Ақбұлақ» балабақшасының «Бөбек» тобының ұйымдастыруымен өткізілген «Күз мезгіліндегі қызықты оқиғалар» атты ертеңгелік мерекесі осы күздің шексіз сұлулығын, қуанышын және мәнін көрсетуге арналды.
Алтын күздің ерекшеліктері мен мерекелерін атап өту, балалардың тәжірибесі мен білімін кеңейту мақсатында ұйымдастырылған бұл шарада, балақайлар күзді ерекше сезініп, ерекше қуанышпен болды. Мерекелік кеште, әр бала өз өнерлерін көрсетіп, ән салып, тақпақ айтып, биден шашу шашты.
Ертегідей көрініс те назардан тыс қалмады. Жүргізуші келіп, балаларды Күз ханшайымымен таныстырып, мерекенің басталуына шақырды. Салтанатты кеш шеңберінде күздің қызықты оқиғалары мен ойындары ойналып, балдырғандардың шапшаңдығы мен ептілігін көрсетуге мүмкіндік берілді.
Балалар түрлі персонаждарды бейнелеп, көңілді сахналық қойылымдарда күресіп, жапырақтарды жинап, жанымыздағы табиғат сұлулығын құттықтады. Түлкі мен Аю секілді жануарлар кештің сәніне айналып, балалармен бірігіп түрлі ойындар ұйымдастырды. Мерекенің әр минуты ерекше сәттермен, қуанышпен өтті.
Әрбір бала таңғажайып күздің әуеніне құлақ түріп, ерекше әндерді орындап, күзге арналған ойындарда белсенділік танытты. Ойындар арқылы балалар достық, ынтымақтастық секілді құнды қасиеттерді дарытып, күздің маусымына тән ерекше көңіл-күймен бөлісті. Осындай әсерлі кеште бәрі бірге көңілді өткізді.
«Бекітемін» МКҚК №22 «Ақбұлақ» балабақшасының директоры ________Джаманшалова Г.Н«___» ____________2016жыл
Ертеңгілік
«Күз мезгіліндегі қызықты оқиғалар ».
Дайындаған: «Бөбек»тобы
Тәрбиешісі:Бердібекова А.Б
2016-2017
Тақырыбы: «Күз мезгіліндегі қызықты оқиғалар ».
Ойналатын ойындар: «Кім тез тереді?» , «Бау-бақшадағы көкеністерді жинау».
Персонаждар: Күз ханшайымы, Түлкі,Аю.
Мақсаты: Балаларға Күз мезгілінің ерекшеліктерін сезіндіру,күз мерекесі туралы мағлұмат беріп ,әндерімен,тақпақтарымен, әсем билерімен мерекелік көңіл-күй сыйлау.Балалардың ойын арқылы ой-өрісін дамытып,шапшаңдылыққа және ұқыптылыққа тәрбиелеу.
Жүргізуші:
Күзде келді, алтын дәнін сапырып,
Күз де келді, той-думанды шақырып.
Күздің күні алтын нұрын шашады,
Жердің жүзін шұғылаға батырып.
Армысыздар, құрметті қонақтар ! Бармысыздар, жадыраған жас достар! Берекелі, мерекелі алтын күз құтты болсын!Бүгін балаларымыз күз мерекесіне деген қуаныш сезімдерін ән жолдарымен, тақпақтарымен,әсем билерімен жеткізеді.Ендеше №5 «Бөбек» тобының «Күз мезгіліндегі қызықты оқиғалар » атты ертеңгіліне қош келдіңіздер!
Музыка әуенімен балалар залға кіреді, қолдарында жапырақтар.
Жүргізуші: Кезекті балаларымыздың тақпақтарына береміз.
Айзере:
Думан толы асқарлы,
Күз мезгілі басталды.
Күз әуені кеп жетті.
Әнге бөлеп жастарды.
Нұрасыл:
Сап сары маңай,
Сап сары тоғай
Соңғы әнін айтып,
Құс кетті қайтып.
Арғын Әмина:
Ой балалар балалар
Қоңырқай күз келіпті,
Қурап жапырақ солыпты
Егіндерін орыпты.
Мирас:
Төңірек толы,сары алтын,
Күз келді,туған жеріме
Шуағы нұрлы жайнаған,
Алтын күз әсем айналам.
Жүргізуші: Енді балалар, бір әуен естіледі, қарайықшы кім екен, мүмкін Күз ханшайымы болар!( Залға музыка әуенімен Күз ханшайымы келеді).
Күз: Жаз айында гүлдей жайнап,
Жадырады жарқын жүз.
Сайрандадың күліп- ойнап,
Келдім міне, Алтын күз!
Күз: Сәлеметсіңдер ме, балалар!Қандай әдемі болып кеткенсіңдер? Балалар, мен жәй келген жоқпын, сендердің өнерлеріңді тамашалайын деп келдім.
Жүргізуші:Сәлеметсізбе Күз ханшайымы келіңіз,төрлетіңіз,біздің балалардың өнерлерін тамашалаңыз.
Жүргізуші: Ендігі кезекті тақпақтармен жалғастырайық.
Еркебұлан:
Көбейді құт береке,
Астық толы қамбамыз.
Құтты болсын мереке.
Алтын күзді тойлаймыз.
Сезім:
Астық жеміс жиылды,
Қамбамызға құйылды.
Ардақты күз мың алғыс!
Алдық өнім сыйыңды.
Ақниет:
Ерекше күз енді
Айнала сары ала,
Комбайн жүзеді
Толқыған далада
Алия:
Күзім-ау,күзім-ау,
Мінезің бұзық-ау.
Жаңбырың сіркіреп
Келгенің қызық-ау.
Жүргізуші: Ендеше балалар Күз ханшайымына арнап күз туралы әнімізді орындап берейік.
Ән: «Күз келгенде»
Күз: Балалар, мен бір дыбыс естіп тұрмын.(Залдың бір шетінде кішкентай үйшік тұрады). – Балалар, қараңдаршы қандай әдемі үйшік, бұл үйде кім тұрады екен? Қане, есігін тықылдатып көрейікші.Тықылдатады. (Ішінен Түлкі шығады, қолында кәрзеңкесі бар, ішінде саңырауқұлақтар бар).
Күз: Ой, сен кімсің?
Түлкі: Мен кішкентай түлкімін, мен қыс мезгіліне дайындалып жүрмін, әлі көптеген саңырауқұлақ теруім керек.
Жүргізуші: Ой, түлкі ханым , саңырауқұлақ теруге біздің балалар көмектеседі, қане, балалар түлкіге көмектесеміз бе? (Балалардың жауабы).Ендеше, барлығымыз ойын ойнайық.
Ойын: «Кім тез тереді?».
Ойын шарты: Балалар 2 топқа бөлінеді. Саңырауқұлақтар жерде шашылып жатады.
Қыздар түлкінің кәрзеңкесіне жинайды, ал ер балалар жүргізушінің кәрзеңкесіне жинайды.
Түлкі: Ой, қандай тамаша, көптен бері бұлай қуанбап едім, сендерге ризамын, рахмет, кішкентай достарым! Осындай әдемі мерекеде, менің де сендерге арнаған сыйлығым бар, қабыл алыңыздар! (Түлкі үйшікке кіріп, қолында кәрзеңкемен жемістер алып шығадыда, балалармен қоштасып кетіп қалады)
Жүргізуші: түлкі ханым рахмет, саған!
Жүргізуші: Мөлдіреп моншақ шашылды,
Аспан шайдай ашылды.
Көкте қызыл,жасылды
Кемпірқосақ асылды-демекші қыздарымыздың орындауында Кемпірқосақ биі.
Би: «Кемпірқосақ»
Жүргізуші:Жәрайсыңдар қыздар ендігі кезекті тақпақтармен жалғастырамыз.
Эльдар:
Тоңазып атырап,
Көп жеміс піседі.
Сарғайып жапырақ,
Саудырап түседі.
Сарсенбай Амина:
Жайдарлы күз,жарқын күз!
Аяулы күз,алтын күз!
Дәнге толы ен далам
Дариядай шалқып жүр.
Нұрбек:
Алма пісіп,алмұрт түсіп,
Күзде бақтар жайнайды
Құстар қайтып,қош айтысып
Қимас әнмен сайрайды.
Арайлым:
Алтын-сары,қызыл-көк,
Алуан-алуан жапырақ,
Күзгі бақта күлімдеп,
Көз тартады атырап.
Тақпақ айтып болған соң балалар орындарына жайғасады, осы кезде шетте 1 орындықта Аю отырады.
Жүргізуші: Ой, балалар, қараңдаршы бізге Аю қонаққа келіпті.Аю, сен неге көңілсіз отырсың, біздің мерекеге қош келдің.
Аю: Мен аюмын қорбаңбай,
Қимылдаймын қорбаңдай.
Омартаны көргенде,
Бас қоямын ойланбай- Жоқ, мен ұйықтайтын мезгіл жақындап қалды, мен барып ұйықтай берейін.
Күз: Аю, әлі ұйқыға ерте. Сен егерде ұйықтап қалсаң , ызғарлы қыс келіп қалады, балалар күз мерекесін тойламай қалады.
Жүргізуші: Олай болса, қане балалар аюдың ұйқысын ашу үшін ойын ойнайық, ән салайық, би билейік, тақпақ айтайық.Ендеше, балалар Аю балды жақсы көретін болғандықтан Омартадан оған бал жинап берейік.
Би:«Омартадағы аралар»
Аю:Рахмет ,балалар сіздер,өте жақсы бүлдіршіндер екенсіздер мен енді ұйқтамаймын Омартадан сіздер секілді бал теріп,еңбектеніп ,қыс мезгіліне дайындалайын қош сау болыңыздар.
Жүргізуші: Қош сау болыңыз Аю мырза! Ендеше балалар одан әрі мерекемізді көңілді ойындармен жалғастырайық.
Ойын:«Бау-бақшадағы көкеністерді жинау».
Ойын шарты: Жерде көкеністер шашылып жатады,мәре сызығында жүк көлігі тұрады ,көкеністерді жүк көлігіне жинап тез мәре сызығына қайтадан жету.
Жүргізуші:Келесі кезекті тақпақтармен жалғастырамыз.
Әділбек:
Берекесін сыйлауға,
Өлкемізге күз келді.
Жемістерін жинауға,
Шақырады біздерді.
Сезім:
Астық жеміс жиылды,
Қамбамызға құйылды.
Ардақты күз мың алғыс!
Алдық өнім сыйыңды.
Нұргүл:
Алақай-алақай
Шаттанды балақай
Береке-салты күз,
Мереке-Алтын күз.
Күз: Өте жақсы балалар, сендерге ризамын, енді мен жүрейін тағыда сіздердің достарыңыздың мерекесіне қонақ болып баруым керек қош сау болыңыздар балалар !
Жүргізуші: Балалар, енді барлығымыз «Күз » туралы әнімізді орындайық.
Жүргізуші: Осымен күз мерекесіне арналған «Күз мезгіліндегі қызықты оқиғалар» атты ертеңгіліміз аяқталды.Келіп тамашалағандарынызға көп рахмет.Қош сау болыңыздар!
