Аяулы анашым
Тәрбие сағаты «Аяулы анашым» 8 наурыз Халықаралық әйелдер күніне орай ұйымдастырылған ерекше іс-шара болып табылады. Бұл сабақтың мақсаты – оқушыларға ананың қоғамдағы орны мен рөлін түсіндіру, аналарды құрметтеуге, ардақтауға тәрбиелеу. Әлемнің жарығын сыйлаған аналардың мерекесі әрқайсымыз үшін маңызды және қадірлі сәттердің бірі.
Сабақ барысында мұғалім барлық аналарды, ұстаздарды мерекемен құттықтап, оқушылардың өз өнерін көрсетуіне, өлең шумақтарын орындауына және ән айтуларына мүмкіндік береді. Әндер мен өлеңдер арқылы балалар аналардың мейіріміне, қамқорлығына, өмірге әкелген шуағына алғыс алар. «Ана жыры» әні хормен шырқау – сабақтың көрікті сәттерінің бірі болады.
Студенттер баяндап жатқанда, олар ананың сүйіспеншілігін, мейірімділігін, және сонымен бірге аналар алдында үлкен жауапкершілікті сезіну керектігін түсінуге мүмкіндік алады. Сабақта балалар аналарға, апаларға, әжелерге арнап дайындаған өлеңдер, шығармалар, көріністермен бөліседі. Біздің балалар аналардың еңбегін бағалай білуі өте маңызды.
Курстық сабақты өткізудің ұлттық мәні мен тәрбиелік элементтері осы күні балаладымыздың ұрпағының тепе-теңдігі мен жақсылығына, дәстүрімізге құрмет көрсетуге мүмкіндік береді. Кеш соңында балалар аналарға гүлдер мен сыйлықтар табыстап, оларға деген ықылас-пейілдерін көрсетеді.
Сабақтың тақырыбы: Аяулы анашым
Сабақтың мақсаты: Оқушыларға әлемнің жарығын сыйлаған аналар мерекесі туралы түсінік беру, Ананың еңбегін ақтауға, ардақтауға, құрметтей білуге тәрбиелеу.
Сабақтың көрнекілігі: плакаттағы суреттер, гүлдер, шарлар
Сабақтың барысы:
Мұғалім: Құрметті аналар, ұстаздар сіздерді 8 – наурыз Халықаралық әйел – қыздар күнімен шын жүректен құттықтаймыз! Бүгінгі аналарға, қыздарға арналған «Аяулы анашым!» атты ашық тәрбие сағатымызға қош келдіңіздер!
Балалардың бәрі: Құттықтаймыз анашым, 8 - ші Наурызбен!!!
Ән: «Ана жыры» (хормен)
Мұғалім: Бүгінгі тәрбие сағатына арналған оқушылардың дайындаған
өлең – шумақтарына кезек берейік.
1-оқушы: Ана деген - асыл ғой даланың
Ана деген-сағынышы баланың
Бұл өмірге қуаныш пен нұр төккен
Бас иеміз алдында ананың.
2-оқушы: Анашым, ортамызға келсең күліп,
Болады Алатаудай еңсем биік.
Балалық қарызымды өтеймін бе,
Әлемнің жақсылығын берсем жиып.
3-оқушы: Менің анам - мұғалім,
Күй секілді білгенге.
Шашырайды шуағы
Ол сыныпқа кіргенде.
4-оқушы: Ана – біздің күніміз
Ана – біздің гүліміз
Ұлдарыңды қуантып,
Ұзақ өмір сүріңіз.
5-оқушы: Мәпелейсің мені, анам,
Қолыңдағы құсыңдай.
Құлпыра өсіп дем алам,
Құшағыңда қысылмай.
6-оқушы: Бізді өсірген апатай,
Еңбегіңде зор екен.
Құтты болсын, апатай,
Құтты болсын мерекең.
7-оқушы: Аялаған, саялаған,
Бар бақытым, берекем.
Апатайым, құттықтаймын,
Бүгін сенің мерекең.
8-оқушы: Біз доспыз гүлдермен,
Текке оны жұлмаймыз
Той күні бір-бірден
Анаға сыйлаймыз.
9-оқушы: Қуанышқа бөленетін халықпыз
Ана сыйлау – дәстүріміз, салтымыз.
Жыл құсындай әр көктемде келетін
Құтты болсын 8-наурызым!
Көрініс: «Әжесі мен немересі»
- Жүрегім кім менің?
- Мен!
- Тірегім кім менің?
- Мен!
- Сәнім кім менің?
- Мен!
- Ботақаным, бағлан қозым,
Не деген тәтті баласың өзің!
Ой, қарғам менің!
- Жоқ, әже, қарғаң мен емес!
Жо... жоқ, қарға болмаймын,
Керегі жоқ ондайдың.
Қарға «қарқ - қарқ» етеді,
Алысқа ұшып кетеді.
Қасыңда боп әрдайым,
Мен ешқайда бармаймын.
Би: Қамажай
Мұғалім: Ендеше, оқушылардың өлең – шумақтарына кезек берейік.
10-оқушы: Сіздерден өсер балалар,
Батырлар мен даналар
Құттықтаймыз мейраммен
Құрметті біздің аналар.
11-оқушы: Бәрімізге анасың,
Біз үшін күн болып жанасың.
Құтты болсын мейрамың,
Құттықтаймын, анашым!
12-оқушы: Аналарды сүйеміз,
Сөзін ойға түйеміз
Әжені де ардақтап.
Әдеппен бас иеміз.
13-оқушы: Өлең айтып беремін,
Нан да алып келемін
Өйткені мен анамды
Өте жақсы көремін.
14-оқушы: Ана десем алғыс алам халқымнан,
Ана десем теңіз болам шалқыған.
Ана десем ашылады қабағым
Ана десем әділдікті ұғамын.
15-оқушы: Сен жалықпай жетектеп,
Мен жаттыға жетермін.
Айтқаныңды екіетпей
Ақ сүтіңді өтермін.
16 – оқушы: Құшағыңа кіргенде,
Жылынамын бір дем де.
Не жетеді көзіңе,
Мейірімді күннен де.
17 – оқушы: Үн қатасың бал тілмен,
Еркелеймін әр күн мен.
Құттықтаймын анашым,
Сегізінші наурызбен!
18 – оқушы: Әжем менің ақ әжем
Гүлді маған баптаған
Жырды маган жаттаған
Жұрттың бәрін мақтаған.
19 – оқушы: Аналарды сүйеміз
Сөзін ойға түйеміз
Әженінініде ардақтап
Әдеппен бас иеміз.
20 – оқушы: Әлпештеген аялаған
Ақ сүт берген маматайым
Сәлем жазып бүгін саған
Мейрамыңмен құттықтаймын.
Көрініс: «Анасы мен балалары»
Ана: Балапандарым, мен сендерге бір жұмбақ айтамын, сендер соны шешіңдер. Сендердің бәріңді 9 ай абақтыға жапса, одан шыққан соң ауызыңа өкпе тықса, арқанды ағашқа таңса, сол адамға не істер едіңіздер?
Тұңғыш ұл: Мен оның басын балтамен шабар едім.
Екінші ұл: Мен оны аямайтын едім.
Үшінші ұл: Оның мұрнын бұзар едім.
Кенже ұл: Жоқ, ана, мына үшеуінің жасайтындары ақымақтың ісі. Ал мен болсам, ол адамды аялап, өлгенше алақаныма салып бағар едім. Ол мені жарық дүние әкелуші адам. ол – асыл ана. Сіз бізді 9 ай көтердіңіз, бізге жарық дүние сыйладыңыз. Қырқынан шығардыңыз, ағаш бесікке бөледіңіз. Міне жұмбағыңыздың шешуі осы.
Ана: Жарайсың, кенжетайым! Көркіңе ақылың сай болып өсіпсің.
Мұғалім: Балалардың өлең – шумақтарын тыңдайық.
Фатима: Құтты болсын, ардақты ана
Асыл анам мерекең,
Құтты болсын теңдік алған.
Қуанышты берекең.
Махаббат: Менің әжем, гүл әжем
Алтын әжем, күн әжем.
Апам үшін, мен үшін
Нағыз ана тілі – әжем.
Бағдаулет: Анаң болса қасында
Басқа бақыт не керек
Аналардың жүрегі
Мейірімді ғой керемет.
Аружан: Әлпештеген аялаған,
Ақ сүт берген апатайым.
Сәлем жазып бүгін саған,
Мейрамыңмен құттықтаймын.
Маусымжан: Аялаған анашым,
Саялаған панасың.
Әлпештеген баласын,
Айналайын анашым.
Мейрамбек: Анам менің панам ғой,
Содан қорған табам ғой
Асықпа, ана, ертең – ақ
Отың болып жанам ғой.
Ойын: «Кім екенін тап»
Ойынның шарты: Бұл ойын балалармен аналарға арналады. Аналар кезек – кезек көзін байлап, өз баласын табу керек. Ойынды балалар жалғастырады. Балалар теріс қарап тұрады. Бір баланың анасы «ботам» , «балам», т.б. сөздер айту керек. Балалар кімнің анасы екенін табу керек.
Ән: «Ақ мамам»
Мұғалім: Құрметті аналар, ұстаздар осымен бүгінгі «Аяулы анашым» атты тәрбие сағатымыз аяқталды.
