Армысың Әз Наурыз!
Наурыз – Ұлыстың ұлы күні, бұл күн бізге ата-бабамыздан келе жатқан ең маңызды мерекелердің бірі. Жаңа жылды, жаңаруды, бақыт пен дәулетті қарсы алатын бұл ірі шара әрбір қазақ үшін ерекше мәнге ие. Наурыз мерекесі бойынша адамдар өздерінің тілектерін айтып, бір-біріне қуаныш пен денсаулық тілейді. Бұл күні елімізде игі тілектер айтылып, халық бірлігінің символы ретінде көрініс табады.
Тойлау барысында жастар мен балалар үшiн арнайы шаралар ұйымдастырылады, олар өз өнерлерін көрсетіп, тойдың сәнін келтіріп жатады. Наурыз бізге тек мереке емес, сонымен қатар, ұлттық құндылықтарымызды дәріптеу, жақындарымызбен бірге болу және мәдени мұрамызды ұрпақтан-ұрпаққа жеткізу мүмкіндігін береді.
Наурыз келгенде біз тек өзіміздің қуанышымызбен шектелмейміз, сонымен бірге, отбасымыз бен достарымыздың жақсылығын, татулығын, мейірімділігін насихаттаймыз. Кез келген үйде ұлттық тағамдар дайындалып, дастархан жайылады. Наурыз көже – бұл мерекенің басты тағамдарының бірі, ол татулық пен бірліктің символы болып табылады.
Бұл күні шынымен есте қаларлық сәттер көп. Әжелеріміз бата беріп, жастарымыз би билеп, барлығы да тәтті естелік қалдыру үшін жиналады. Наурыз ата-бабамыздан қалған игі дәстүрлерді жалғастыру, жаңару мен жаңа үмітпен толы кульминациясы. Наурыз мейрамы – бақыт, денсаулық, мейірімділік пен бірліктің символы, әрқашан халқымызға қуаныш әкелетін мейрам.
«Армысың Әз Наурыз»
Жүргізуші: Армысыздар, үлкен-кіші ағайын!
Бүгін – Самарқаның көк тасы еріген күн.
Бүгін – Жаңару мейрамы!
Бүгін – Жыл басы, Жаңа Жыл!
Армысыздар, ұжымдастар, балалар! Бәріміздің асыға күткен «Армысың Әз Наурыз» атты ертеңгілігімізге хош келдіңдер. Тойларыңызқұтты болсын. Наурыз – «жаңа күн» деген сөз. Бұл күні – бізді ата-бабаларымыз, арғы тегіміз мыңдаған жылдардан бері тойлап келе жатқан жыл басы мерекесі Наурыз тойымыз құтты болсын! Ұлыстың ұлы күні деп аталған. Наурызда денсаулықтарыңыз мықты, тілектеріміз қабыл болсын! Наурыз айы – Шығыс күн есебі бойынша жылдың алғашқы айы. Бұл айда жылдың алғашқы айы есебінде күн мен түн теңеледі, сол себептен Наураз жыл басы болып саналады. «Наурыз келсе, келсе құт келгені, халайық!»
Есік ашып, шашу шашып,
Ел боп қарсы алайық Наурызды.
Олай болса кезекті балалардың тақпақтарына кезек берейік.
Мөлдір: Келді Наурыз жар салып,
Би билейміз ән салып,
Жылда келсін Ұлыс күн.
Тұрайық есен қарсы алып.
Қазбек: Ата-бабам тойлаған,
Наурызым армысың,
Қызығына тоймаған,
Дархан дала қарлы шың.
Сабина: Хош келдің, Наурызым ардақты,
Халқым сағант бар үмітін арнапты.
Жылда осылай келе бергін жасарып,
Гүлге бөлеп, нұрға бөлеп аймақты.
Жүргізуші: Наурыз келді ал тойлаңдар, жараңдар.
Келген мына мерекеге қараңдар.
Шашу шашып ақ жаулықты әжелер.
Тойда бүгін ойнап-күліп тараңдар.
(Әжемен Наурыз қыз келеді. Әже шашу шашады.)
Наурыз қыз:
Ал, халайық тұрмайық,
Әндетейік жырлайық,
Ортамызды ашайық,
Ырыс тілеп бұл жылға,
Жырдан шашу шашайық!
Жүргізуші: Хош келдіңіз Әже, Хош келдіңіз Наурыз қыз. Төрлетіңіз, біздің балаларымыздың өнерлерін тамашалаңыз.
Ән: «Дастархан»
Жүргізуші: Әже Наурыз мерекесіне арналған Наурыз көжеге қалай дайындалатынын айтып беріңші.
Жүргізуші: Ақ тілек бейбітшілік аман болсын!
Елім, жұртым қадірлі аман болсын!
Туғандай анадан жамағаттар!
Достыққа берік, мықты адал болсын!
ендігі кезекті тақпаққа берейік.
Мустафа: Күттіріп келген жыл басын,
Бізбен бірге тойлашы.
Дастарқанға елімнің,
Береке ырыс сыйлашы.
Нұрбибі: Бауырласқа тәнтіміз,
Бұзылмаған салтымыз,
Кең даланың ежелгі,
Қазақ деген халқымыз.
Өзге ұлттай біздіңде.
Бар дәстүрмен салтымыз.
Нұрсұлтан: Тақпақ айтам жыл басы,
Құлағыңды сал тыңдашы.
Бар бөбекке өзіңдей,
Тыныш өмір сыйлашы.
Ә.Аружан: Сәнді көктем нұрымыз,
Наурыз тойы жырымыз.
Көңілі гүлдей жайнашы,
Құлпырсын қыр мен ой.
Құтты болсын, Наурыз той.
Жүргізуші: Би биледік бәріміз!
Егін өңін толқытқан
Елдің көңілін шалқытқан.
Би билейді мың бұралып.
ендігі кезекті біздің қыздарымыздың «Домбыра» биін қабыл алыңыздар.
Жүргізуші: Кең болсын Қазағымның керегесі.
Кетпесін Алла берген берекесі.
Алаштың баласына нәсіп болған.
Құтты болсын Наурыз мерекесі –дей отырып кезекті наурыз мерекесіне арналған тақпақтарына кезек береміз.
Жамбыл: Жыл басы Наурыз мереке,
Ақ нұрға әлем боянды.
Наурыз тойы береке,
Тіршілік жаңа оянды.
Жансезім: Елім менен жеріме,
Ырыс шашқан науырыз.
Күлімдеген көктемге,
Шуағын шашқан науырыз.
Жеті түрлі дән салып,
Дәм татқызған науырыз.
Жақсылық тілеп халыққа
Молшылық әкелсін науырыз.
Ұзақбай: Науырыз тойы тамаша,
Қарсы алайық жаңаша,
Шат күлкімен қуаныш.
Еліме сыйлар жұбаныш.
Жүргізуші: Наурызым – тойлы нұрлы күн,
Мерейің асып тұр бүгін,
Жерімнің жүзін жылыттың.
Елімнің сақтап бірлігін,
Өнерің болса қолыңда.
Өнерлінің ырысы,
Жарқырап жатқан жолында
Ән салайық , би билейік,
Өнермен өрге басып кідірмейік- дей отырып «Қош келдің төрлет, Наурызым» атты өлеңін қабыл алыңыздар.
(өлең айтып Алдар көсе кіріп келеді.)
Жүргізуші: Қош келдіңіз Алдар аға, төрге шығыңыз біздің балалардың өнерлерін тамашалаңыз.
Алдар көсе: Менде құр қол келген жокпын, сендерге ұлттық ойындар ала келдім. Аударыспақ және арқан тарту ұлттық ойын.
Жүргізуші: Қош келдің төрлет Наурызым.
Қызғалдақ толы алқызыл,
Даланы ән-жыр күй кернеп,
Өнерін салсын ұл-қызын.
Қош келдің төрлет,Наурызым! – дей отырып тақпақтарға кезек берейік.
Ясмина: Уа ағайын халайық,
Мұнда назар салайық.
Мерекесі халықтың,
Наурыз тойын бастайық.
А.Аружан: Наурыз келді еліме,
Наурыз келді жеріме.
Байлық бақыт тілеймін,
Бүкіл қазақ еліне.
Муслима: Наурыз айы келгенде,
Күн шуағы шашылып,
Жылғалардан су ағып.
Ақ әжелер құлпырып,
Наурыз көже пісіріп,
Қонақтарға тартамыз.
Жүргізуші: Еріді дала қар мұзы,
Бәйшешек жарды ақ гүлін.
Гүлденді жайнап жер жүзі.
Дастархан толы дәм-тұзың.
Әрдайым халқым мол болсын.
Береке, байлық, ырысың. –дей отырып ұлдардың орындауында «Тұлпарым» әнімен.
Жүргізуші: Наурыз ай келгенде
Күш шуағы шашылып
Ақ әжелер құлпырып,
Наурыз көже пісірп,
Қонақтарға ұсында – деп тақпақтарға кезек берейік.
Айгерім: Наурыз тойым, Наурыз тойым,
Құтты болсын халайық,
Қане достар, қане достар.
Шырқап әнге салайық.
Дархан: Наурыз тойы – тамаша.
Наурыз тойы – жаңаша,
Табиғатта тамаша,
Тамылжып тұр жараса.
Динара: Наурыз келді жыл келді,
Тірілтуге гүлдерді.
Сәнденеді аналар.
Сәбилермен бірге енді.
Наурыз келді нұр келді.
Түгел аймақ түрленді,
Бақшадағы апайлар,
Тойға әзер боп үлгерді.
Ержан: Жар салайық әлемге,
Наурыз тойы келді деп,
Бүкіл әлем нұрлансын
Нұрға бөлеп аймақты.
Жүргізуші: Айналайын ағайын,
Үміт отын жағамын,
Уайым-қайғы жоқ болсын,
Қуанышың көп болсын – дей отырып балалардың орындауында «Қаражорға» биін қабыл алыңыздар.
Әже өз батасын береді.
Жүргізуші: Наурыз құтты болсын!
Дендеріміз сау, мықты болсын!
Наурыз тойы келе берсін!
Барлық халық бақытты болсын,
Қош, сау болыңыздар, халайық!
Көріскенше күн жарық болсын!
