«Аяулы күз, алтын күз!» мерекесі

Тақырыбы:  Мақсаты: балалардың күз мезгілі туралы түсініктерін молайту,
жыл мезгілдерінің ерекшеліктерін байқату; табиғатты аялауға, қоршаған ортаны,
Отанын сүюге, әсемдікті көре білуге, сезінуге тәрбиелеу.
Көрнекілігі: мерекелік кешке орай безендірілген сахна, «Аяулы күз, алтын күз!» атты қабырға газеті, т.б
Жүргізуші: Армысыздар. Ардақты қонақтар! Сіздерді бүгінгі күзгі бақта өтетін
«Аяулы күз, алтын күз!»
мерекесін бізбен бірге өткізуге қош келдіңіздер! 
Бүгін мейрам, бүгін той, 
Қуанышты күн біліп қой! 
Күзгі бақтай сыңғырлап, 
Алақанды соғып қой! 
1 бала: 
Алтын, сары, қызыл, көк, 
Алуан – алуан жапырақ. 
Күзгі бақта күлімдеп, 
Көз тартады жапырлап, 
2 бала: 
Күн шуақтап маужырап, 
Жатыр еді атырап. 
Ағаштармен жамырап, 
Ұшты кенет жапырақ, 
Жүргізуші: 
Өрік, шие, алма, алша, 
Жидек, жүзім піседі. 
Қауын, қарбыз, қияр, 
Сәбіз қоймаларға түседі. 
Айтындаршы балалар бұл қай кезде болады? 
Балалар: Күзде. 
Жүргізуші: 
Дұрыс балалар, енді мерекеміз қызықты өту үшін ортамызға «Күз ханшайымын» шақырайық. 
Балалар бірге: (хормен барлығы дауыстап айтады) 
Келші, келші алтын күз, 
Келші, келші жарқын күз. 
Мерекені жалғастырып, 
Ойнап күлші Алтын күз! 
Осы кезде мерекелік көңіл күймен залға «күз ханшайымы» себетін арқалап кіріп келеді,себеттің ішінде күзгі базарлық жемістер, көкөністер салынған.
Күз: 
Армысындар ма балдырғандар?! 
Күзгі бақтағы қонақтар. 
Өздеріңе әкелдім, 
Күздің сыйын көз тартар. 
Балалар: Көп рахмет сізге! 
Жүргізуші: Алтын күз, мына сыйды балаларға таратып берсек бола ма? 
Күз: Жоқ бұл сыйды балалар еңбек етіп, тер төгіп, жеңіп алулары қажет. Өйткені күздің сыйлары: жемістерде, көкөкністерде тек адамның еңбегінің арқасында болады. 
Сондықтан балалар мен бір ойын ойнайын, егер ойын шартын ойнай білсе, ептілік көрсетсе осы сыйлықты алуларына болады.
Жүргізуші: 
Ал балалар тұрмайық, 
Қол соғайық тұрмайық. 
Күзгі бақта бүгінгі, 
Шырқап әнге салайық. 
«Жау-жау жаңбыр» әні (барлығы бірге айтады)
Күз ханшайымы: Рахмет, менің достарым! Ал, мен сендерге жұмбақ ала келдім.
1.Бұтақта ілініп тұрамын,Піскенде себетке құладым.(Жеміс)
2. Ашулы қонақ бұл анық,Тонып шешсе жыладық. (Пияз)
3. Өсірер тың дала,Көшірер қамбаға.Айналар ұңға даАйналар нанға да.(Бидай)
4. Сырты қатты,Іші тәтті. (Қарбыз)
5. Өсірдім ұлпа қар,Шешуін кім табар. (Мақта)
1 бала: 
Берекелі, мерекелі, 
Келді жомарт алтын күз. 
Қалада да, далада да, 
Жаның бәрі жарқын күз. 
 Жүргізуші:Сұлу қыздарымыздың биін тамашалайық.
Жүргізуші: Балалар күзде егінді жақсы жинау үшін, оны жақсылап күту керек, су құйю керек. Ал жаңбыр жауса тіпті жақсы болады
Күз: Менің жеміс – жидектерімде өздерін таныстыруға осында келді. (жемістердің макетін киген балалар ортаға шығады) 
Жүргізуші: Көкөністі көп ектік, өссін, піссін деп ектік. 
Көктемде еккен көкөніс, Күзде берді көп өніс.
Алма: Дәмі аузыңнан кетпейді, 
Қызыл алша шырын бал. 
Көктей тісің өтпейді,Піскен кезде үзіп ал.
Шие: мен маржандай шиемін, 
Күн сәулесін сүйемін. 
Жемістерім піскенде, 
Жерге басымды иемін.

Сәбіз: Әжем менің бақшаға
Әкелді сәбіз қаншама?
Сол сәбізден дәм татып,
Бойым өсті соншама.
Қияр: Дәнін егіп қиярдың, 
Тыным таппай сұрадым. 
Түйнектерін көргенде, 
Бес алғандай қуандым.
Қауын: Жинап досты бауырды, 
Ортаға алдық қауынды. 
Жарып ішін қауынның, 
Қарық қылдық ауылды.
Асқабақ: Қауыннан да басқарақ, 
Қарбыздан да басқарақ. 
Семіріпті бақшада, 
Қандай болып асқабақ.
Пияз: Қас батырдай түйілген, 
Тоғыз сауыт киінген. 
Аршимын деп пиязды, 
Жылап шықтым үйімнен.
Бұрыш:Аршығанда бұрышты, 
Абай болған дұрысты. 
Ашытады көзіңді, 
Жылатады өзіңді.
Қарбыз:
Күннің нұрлы шуағы,
Шұғыла боп шылады.
Шөлің әбден қанады,
Көзің шамдай жанады.
Тамылжыған шырыны,
Таңдайымда қалады.
Жүргізуші: Келесі балалардың орындауында «Полька» биі. 
Күзгі бақтағы қонақтар! 
Айналайын балалар, 
Мерекеміз бүгінгі, 
Естен кетпес күн болады. Мерекені аяқтайық осымен «Алтын күз» мерекесін
аяқтауға рұқсат етіңіздер. Зейін қойып тыңдағандарыңыздарға көп, көп рахмет!