Экологиялық жауапкершілік: Балдаурен бөбекжайында өткен ертеңгілік
«Ядролық қарусыз әлем-ұлт болашағы» атты ертеңгілігіміз мектепке дейінгі «Балдаурен» бөбекжайында өтті. Бұл шараның мақсаты тек ғана өнерді көрсету емес, сондай-ақ, балалардың экологиялық сана-сезімін тәрбиелеу. Біздің мақсатымыз - балаларға ұрпақтан-ұрпаққа экологялық білім мен мәдениетті жеткізу.
Қазақстанның тарихында Семей ядролық полигонының жабылуымен байланысты тарихи сәттерді еске алып, балалардың өнер көрсетулері арқылы олардың үлесін атап өттік. Мектеп жасында экологиялық жауапкершілікті дамыту, табиғаттың мәнін және қоршаған ортаның әдемілігін бағалау - біздің қоғам үшін аса маңызды.
Ертеңгілікте балалар «Тәуелсіз Қазақстан» және «Елімнің ертеңгі иесі - біз» атты әндерді орындады. Олардың өнері табиғатқа деген сүйіспеншілікті, елге деген патриоттық сезімді білдірді. Сонымен қатар, экология мәселелеріне назар аударып, болашақтағы ұрпақтардың міндеттерін атап өтті.
Семей ядролық полигонының жабылуы - бұл еліміздің жүрегінде мәңгілік болып қалатын маңызды тарих. Бүгінде біздің еліміз ядролық қарудан ада, экологиялық қауіпсіз әлемге ұмтылуда. Осындай ертеңгіліктер арқылы біз баланың бойында патриоттық сезімді және жауапкершілікті қалыптастыруға көмектесеміз.
"Балдаурен" мектепке дейінгі бөбекжайы
"Ядролық қарусыз әлем-ұлт болашағы"
"Балауса" ересектер тобындағы ертеңгілік
Дайындаған: Хайрлиева Г.Қ.
Башенова С.Е.
2016 жыл
Балалар саз бөлмесіне "Байтақ елім" әнінің ырғағымен кіреді.
Кеш Қазақстан Республикасының Әнұранымен басталады.
Жүргізуші: Тіршілікте не ғой дейсің ең қымбат,
Тіршілікте адам қымбат, сен қымбат.
Ал адамға ауа қымбат бәрінен,
Ауа қымбат, алатұғын дем қымбат.
Семейім танылып ең бар ғаламға,
Абай мен Шәкәрімдей ұлдар туған.
Бүгінде жарылыстан зар жылаған,
Болашаққа үміт артар қай ұрпағың.
Армысыздар құрметті қонақтар, балалар! Бүгінгі " Ядролық қарусыз әлем-ұлт болашағы" атты ертеңгілігімізге қош қелдіңіздер!
Уа, дариға, алтын бесік - туған жер,
Қадіріңді келсем білмей, кеше гөр!
Жата алмас ем топырағыңда тебіренбей,
Ақын болмай, тасың болсам мен егер.
Неткен байтақ, неткен ұлы жер едің,
Нендей күйге жүрегімді бөледің!
Ортаға ЖЕР - АНА шығады:
- Уа адамзат перзентім, мен ЖЕР - АНАМЫН. Бар байлығым сендер үшін, бал татыған суыммен, түгінен майы шыққан топырағым да сендердің игіліктеріңе арналған. Табиғатым тірі жанның дертіне шипа, көңіліне шаттық сыйлайды. Қараңдаршы айналаға қандай тамаша! Күннің шуағы да жер бетіне бар мейірімін төгеді.
Бірақ, бірақ менің төл перзенттерім мұның барлығын бағаламай, маған да, өздерінің болашақтарына да қауіп төндіруде. (Жер - Ана кетіп қалады)
Осы кезде қатты дауылдың дауысы естіледі. Интерактивті тақтадан ядролық сынақ туралы видео көрсетіледі.
Атом бомбасы адамзатқа келер қайғы мен қасірет. 1949 жылы 29 тамызда таңертеңгі сағат 7 - 00 де алғашқы атом бомбасы күші 20 килотонна осы полигонда сыналды. Бұл Семей облысының Солтүстік Батыс аумағында Дегелен жотасының түбіне атом бомбасын сынау полигонын орналастыру туралы шешім қабылданды. Семей ядролық сынақ полигоны ядролық сынақ жасайтын әлемдегі ірі полигондардың бірі болған.
1949 бен 1962 жылдар арасында онда 30 жер беті сынағы жасалды және 88 ядролық қондырғы ауада сыналды, олардың арасында бірінші термоядролық қондырғы (1953 жылы 12 тамызда) мен алғашқы сутегі бомбасы (1955 жылы 22 қарашада) бар, 6 қондырғы үлкен биіктікте, ғарышта сыналды. Жер бетіндегі сынақтан басқа полигонда 340 - тан астам жерасты сынағы: тік ұңғылар мен көлбеу туннельдерде жасалды.
Сондай – ақ полигонды, Семей - 21 деп аталған. Оған аса дарынды, ғалым, физик атом сынағына үлес қосқан Сергей Курчатов 1974ж жасырын қалаға Курчатов есімі берілді.
1963 жылға дейін атом бомбалары жер бетінде және ашық ауада сыналды.
Аймақтағы Шаған және Ащысу деп аталатын екі өзеннің түйісер тұсында, 1965 жылдың 15
қаңтарында жер асты жарылысы болды. Осының салдарынан атақты Атом көлі пайда болды.
Ал Антиядролық қозғалыс тарихы 1989 жылы 25 ақпанда басталды. Осы күні КСРО Жоғарғы Кеңесіне депутаттыққа үміткер Олжас Сүлейменовтың сайлауалды сөзі жоспарланған болатын. 28 ақпанда Қазақстан жазушылар үйінің ғимаратына жүздеген адам жиналды. Осылайша жалпыхалықтық антиядролық «Невада - Семей» қозғалысы пайда болды.
Ол Семей ядролық полигонындағы сынаққа жаппай наразылық білдірді. 1989 жылы қозғалыс Семей полигонында жоспарланған 18 ядролық сынақтың 11 - ін тоқтатты. Тек 7 жарылыс болды, соңғысы 19 - шы қазанда болды.
1991 жылы 29 тамызда полигон ҚР президенті Н. Назарбаевтың жарлығымен жабылды.
Бұл -Тәуелсіздік ала сала қазақ елі қабылдаған алғашқы маңызды шешімдердің бірі болды. Содан бері біздің Қазақстан ядролық сынақтарға қарсы. Бүгінде Семей ядролық полигонының ресми жабылғанына 25 жыл.
Ендігі кезекті осы кешімізге дайындаған балаларымыздың өнерлерін тамашалаңыздар!
Ән: "Тәуелсіз Қазақстан"
Жүргізуші:
Сенде тудым, сенде өстім, сенде өлсем,
Арманым жоқ бұл дүниеде дер едім!
Мен де өзіңдей байтақ едім, кең едім,
Қызығыңды көріп еркін келемін.-деп келесі кезекті қыздарымыздың биіне кезек береміз.
Би: "Қазақ биі"
Жүргізуші:Көз алдыңда көгілдір тау мұнартып,
Аспанымда аққудың әні қалғып.
Құшақтап бір өзіңді туған далам.
Жатамын көк шалғында жаным балқып.-деп келесі кезекті әсем әнге береміз.
Ән: "Елімнің ертеңгі иесі -біз"
Жүргізуші:
Тасып жатқан өзендер жағасынан.
Сары белде сағымдар арасынан.
Тарайды дән жұпары бар әлемге.
Қазақтың қасиетті даласынан.
Би: "Полька"
Би: "Шаттық биі"
Ән: "Атамекен"
Жүргізуші: Табиғаттан нәр алған ғой жанымыз,
Жер бетінің ажары ғой сәніміз,
Туған өлке табиғатын аялап,
Ұсынайық жүрек нұрын бәріміз.
"Тәрбие-тал бесіктен басталады" дегендей, экологиялық сауаттылық, экологиялық мәдениет отбасы, ошақ қасынан басталғаны дұрыс. Қоршаған ортаны қорғау-әрбір адамның міндеті. Ендеше, табиғатты аялай білетін, адамгершілігі мол, ізгілікті, экологиялық білімі мен мәдениеті жоғары тұлға болуларыңа тілектеспін. Осымен Бүгінде Семей ядролық полигонының ресми жабылғанына 25 жыл толуына орай дайындалған "Ядролық қарусыз әлем-ұлт болашағы"атты кешіміз осымен аяқталды. Көңіл қойып тыңдағандарыңызға рахмет!
