Портфолио воспитателя детского сада
  1. Главная
  2. Занятия с детьми
  3. Кар ява: балалар өчен кышкы күләмәт

Кар ява: балалар өчен кышкы күләмәт

Гафетдинова Василя Шамилевна
Гафетдинова Василя Шамилевна
DOCX
113
0

Бу материалда кышкы табигатьнең бер кызыклы күренешенә, ягъни кар яуган мизгелгә игътибар бирелә. Балалар белән бергә саф һавада карның үзлекләрен өйрәнү, аның ак төсле, йомшак, җиңел булачагын аңлату, хисләр аша кышкы күңеллелекне тәэмин итү максаты куелган.

Без кар белән уйнауның, шул исәптән, кар куллану аша иҗади процессларга да игътибар итәчәкбез. Хезмәтләр барышында балаларның күзәтүчәнлеген, игътибарын һәм фантазиясен үстерү, шулай ук җәмгыятьдә сөйләшү культурасына ярдәм итү безнең төп бурычларның берсе булып тора.

Ак кар каплаган урамнар, балаларның бар да кызыксынучан акыллары, саф һава, тәбрикләүләр һәм уеннар – шулар барысы да кышкы мизгелләрнең берләштерүче көчедер. Балалар үзләренең хисләрен һәм эмоцияләрен яшәргә, алар белән яхшы вакыт узарга өйрәнәләр.

Сезнең белән бергә, без бу кышкы күренешне танып белү гаме белән активлашып, балаларның табигатькә һәм аның матурлыгына соклану хисен уятырга тырышырбыз. Барысы да яңалык белән иҗат итәргә чакырыла!

Предпросмотр

Тема: Кар ява.
Максат:
Бурычлар: балаларны кар һәм аның үзлекләре (ак төстә, эри, йомшак, салкын, җиңел) белән таныштыру, тәрбияче сорауларына җавап бирергә күнектерү.Балаларның сүз байлыгын, игътибарын, күзәтүчәнлеген үстерү.Кышкы табигаткә соклану хисе, бергәләп уйнау теләге тәрбияләү.
Җиһазлау: трафетлар (шар, гөмбә,йолдыз,куян һ.б .)
Эшчәнлек барышы: Балалар, без хәзер сезнең белән саф һавага чыгабыз.Урамда кыш. Сез урамда нәрсәләр күрәсез? (кар.)
Йомшак кына кар яуды,
Бөтен җирне каплады.
Ап-ак булды урамнар,
Ап-ак булды түбәләр.
Балалар, карагыз әле, күпме кар яуган! Кар нинди төстә? (Ак кар).(Активлаштыру.) Балалар,бияләйләрне салмыйча,карны кулыгызга алыгызәле. Кар җиңелме,әлә авырмы? Кар бик җиңел. Аз гына җил иссә дә очып китәргә тора.Менә ул ничек оча. (Учындагы карны өреп,очырып күрсәтә.) Кар нишли? (Оча.) Әйдәгез, бергәләп кабатлагыз:” Кар оча”. (Активлаштыру.) Балалар, карагыз әле, кар бөртекләре, очып, җиргә төшә. Бөтен җир кар белән тула. Хәзер кар белән уйныйк әле.
Динамик пауза. Балалар иеләләр,куллары белән карны үзләренә таба “көриләр”. Кулларны ике якка сузып, карны уңнан һәм сулдан уртага “көриләр”. Тураялар,куллары белән шар ясыйлар. Сул аякны алга чыгарып, гәүдә белән җиңелчә алга иелеп, уң кул белән кар ату хәрәкәте ясыйлар.
Ап-ак йомшак карны
Кулыма алам.
Аннан шар ясыйм
Һәм алга атам.
Карагыз әле, бөтен җир ап-ак кар белән капланган. Кар чиста,һаваны сафландыра. Борын белән, тирән итеп, саф һава сулагыз. Менә шулай. Ә хәзер һаваны авыз аша чыгарыгыз. Саф һава сәламәтлек бирә.


Балалар , мин кулыма кар алдым, карагыз әле, ул нишли?(Кар эри.) Әйдәгез бергәләп кабатлыйк әле. (Активлаштыру.) Балалар, безнең учлар җылы. Җылыда кар эри һәм суга әйләнә. Кар җылымы, әлә салкынмы? (Салкын.) Активлаштыру. Балалар, менә бу тартма эчендә нәрсә бар икән, карыйк әле.(Трафаретлар.) Активлаштыру. Без хәзер трафаретлар белән карда рәсемнәр ясыйбыз. Карагыз әле,минем трафарет гөмбә ясый. Кәримә (Мәликә,Камил,Азалия һ.б.), сезнең трафаретлар нәрсә ясый ? Активлаштыру.) Балалар сезнең рәсемнәрегез бик матур.Булдырдыгыз! Сезнең рәсемнәр белән безнең мәйданчык тагын да матурланды.