Балалардың денсаулығы - ұлт саулығы: спорттық ойын-сауық
«Балалардың денсаулығы - ұлт саулығы» атты спорттық ойын-сауық шарасы балалардың денсаулығын нығайту, ұйымшылдықты қалыптастыру, және салауатты өмір салтына мотивация беру мақсатында ұйымдастырылды. Шараға бүлдіршіндер мен олардың ата-аналары қатысып, қызықты ойындар мен байқаулар арқылы белсенділіктерін көрсетті.
Ойындардың бағдарламасына «Көңілді әуе шарлар», «Кім ұқыпты», «Түйілген орамал», «Күлімде, Күн» және «Шынығайық шымыр болайық» атты түрлі қызықты кезеңдер енгізілді. Әр ойын өз талаптарына сай, балалардың физикалық белсенділігін арттыруға, логикалық ойлауын дамытуға, және командалық жұмыстарын күшейтуге бағытталған.
Шараға қатысушылардың барлығы спорттық киімдерін киіп, жарқын түсті жалаушалармен ортаға шығып, жарыстың қызығушылығын арттырды. Бәрі бірге жеңіске жету үшін мықты жарысқа дайындалып, сергек болуға ұмтылды. Әр сайыс кезеңінің соңында әділқазы алқасы бағалау жасап, балалардың ынталарын көтере отырып, бағалы сыйлықтармен марапаттады.
Жарасымды да қызықты өткен спорттық ойын-сауықтың мақсаты – салауатты өмір салтын насихаттап, балалардың күш-қуаты мен ептілігін арттыру, сондай-ақ ата-аналар мен тәрбиешілер арасында достық қарым-қатынасты нығайту. Осындай шаралардың мектепке дейінгі ұйымдарда жиі өткізілуі балалардың денсаулығын сақтауға септігін тигізеді. Спорт – бұл тек ойын емес, ол балалардың рухын көтеріп, салауаттылыққа тәрбиелеудің тиімді жолы.
Балалардың денсаулығы- ұлт саулығы (спорттық ойын-сауық)
Мақсаты: Бір ортақ мақсатты жұмыла бірігуге, ұйымшылдыққа баулып, қимыл-әрекетке жаттықтыру. Салауатты өмір салтын насихаттауға және спортпен шұғылданып тұруға шақыру. Сымбаттылыққа, шымыр болуға, ептілікке тәрбиелеу. Күш қуат пен секіргіштікті дамыту.
Әдіс-тәсілдері: көрсету, түсіндіру, сұрақ-жауап, монтессори, дәстүрден тыс тәсілі.
Көрнекіліктер: кішкене доптар, шелектер, күректер, әуе шарлары, кубиктер, таяқшалар, шығыршықтар, орамалдар, жіптер, гүлдер, көбелектер, қыстырғыштар, кедергілер,кеглилер.
Жүргізуші: Сәлеметсіздер ме, құрметті ата-аналар, апайлар, бүлдіршіндер?! Бүгінгі өткелі тұрған «Баланың денсаулығы-ұлт саулығы» атты спорттық ойын-сауығымызға қош келдіңіздер! Ендеше спорттық ойын-сауығымызды бастамас бұрын әділ-қазы алқасын таныстырып өтейін:
1. Балабақша меңгерушісі: Уртамбаева А.Г.
2. Балабақша әдіскері: Ахметова А.Ж.
2. Балабақша медбикесі:Конобалова М.В.
Ендігі кезекте ортаға сайысқа қатысушыларды шақырайық. Ортаға 4тәрбиеші қасында топ баласымен.Тізбектеліп қолдарына түстеріне байланысты сондай түсті жалау ұстап кіреді. Енді мен спорттық ойын-сауықтың кезеңдерімен тансытырып өтейін:
1. «Көңілді әуе шарлар» ойыны.
2. «Кім ұқыпты» ойыны.
3. «Түйілген орамал» ойыны.
4. «Күлімде, Күн» ойыны.
5. «Шынығайық шымыр болайық» ойыны.
1. Әр топ сәлемдеме және топ ұранын жолдау.
Сайысымызды бастаймыз.
1-ші кезең.«Көңілді әуе шарлар» ойыны.
Ойын шарты: әуе шарларын қолымызға ұстап, кеглилердің арасымен өтіп, межені айналып, қайтарда жүгіріп келу.
– Бәркелді не деген шапшаңсыңдар.!
2-кезең. Келесі ойынымыз «Кім ұқыпты». Шартымен таныстырып өтейін: шығыршықтан секіріп, жерде жатқан көбелектерді жоғарыда тұрған гүлге оралған жіпке, аяқтың ұшы көтеріп, қолдарымызды созып қыстырғышты ашып ілу.
-Өте тамаша!
3-ші кезең. «Түйілген орамал» ойыны. Ойын шарты: шығыршықтан ортасынан өтіп, отырғыштың үстінен түйілген орамалды алып келу.
Әділқазы алқасы әділ бағаларыңызды берсеңіздер!
4-ші кезең. Ойнайық та, ойлайықта ойнайық,
Күшімізді көрсетейік, сынайық –деп «Күлімде Күн» ойынын ойнайық. Шарты: Кубиктердің арасымен өтіп, шеңберге, шашылып жатқан таяқшалардан күн бейнесін құрастыру.
-Жарайсыздар қандай әдемі Күн!
5-кезең. «Шынығайық шымыр болайық» ойыны. Ойын шарты: мына қолымыздағы күрекке салынған допты жерге түсірмей шапшаң шелектің ішіне түсіреміз.
Құрметті бүгінгі сайысқа қатысушылар бүгінгі спорттық ойынға белсенді атсалыстыңдар.
Ендігі кезекті әділ-қазы алқасы сіздерге сөз берейін. Жеңістерін құтты болсын!Әрқашан биіктерден көрне беріңіздер!
Осымен «Балалардың денсаулығы- ұлт саулығы» атты спорттық ойын-сауығымыз тәмәмдалды. Басымыз аман, бауырымыз бүтін болсын! Тәуелсіз елдің ұрпағы болашағы жарқын,денсаулығы мықты болсын! Салауатты өмір салтын әркез осылай насихаттап жүрейік.Келіп тамашалағандарыңызға көп рахмет.
№2 «Бұлбұл» мектепке дейінгі ұйымы
«Балалардың денсаулығы- ұлт саулығы»
(спорттық ойын-сауық)
Өткізген музыка жетекшісі:Муканова Т.И.
Ақтөбе-2017
