Имин йөрик юллларда: балаларның юл йөрү кагыйдәләре
Документта юл йөрү кагыйдәләрен өйрәнүнең әһәмияте турында сөйләшелә, балаларның шул кагыйдәләргә ничек өйрәнүләре, аларга игътибарлы булу һәм хәвеф-хәтәрләрдән саклану методлары бәян ителә. Балалар бакчасында юл йөрү кагыйдәләрен өйрәтү өчен төрле актив методлар, шөгыльләр һәм конкурслар оештырыла.
Һәр бала нәни чагыннан ук юл йөрү кагыйдәләрен белергә тиеш. Хәрәкәттә булу, гомумән алганда, сәламәтлеккә уңай йогынты ясый. Тырышлыгы белән тагын да күбрәк игътибар җәлеп итә алган балаларыбызны юл куркынычсызлыгы буенча төрле чараларга тартканыбыз да җитди процессларның берсе.
Республика күләмендә оештырылучы конкурсларда катнашу һәм юл йөрү кагыйдәләрен өйрәнү буенча үткәрелә торган акцияләр безнең балаларга үз балаларының җаваплылыгын, үз-үзләрен тәрбияләргә ярдәм итә. Бүгенге балалар, менә шундый эмоциональ байлык, көндәлек тормышта юл йөрү кагыйдәләрен дөрес үтәү кирәклеген аңлау белән, тормышларын саклаучыга әверелә.
Шулай ук, документта экскурсияләр үткәрүнең әһәмияте һәм балаларга яраткан геройларының күп кенә гыйбарәләр ярдәмендә юл кагыйдәләре буенча тәрбияләүне аңлата. Аның нәтиҗәсендә, җәмгыятькә уңай йогынты ясарга мөмкин булган, актив, игътибарлы шәхесләр тәрбияли алабыз.
“Имин йөрик юллларда.”
Кирәк юлда тәртипле,
Бик сак кына йөрергә
Моны һәр кеше белсен,
Гомер бит ул бер генә.
Һәр баланың тормыш юлы балалар бакчасыннан башлана. Монда алган тәрбия кешене гомере буе озатып бара.
Сау – сәламәт бала гел юлда, хәрәкәттә.Тормыш шулай көйләнгән.Әмма көйләнгән тормыш, бәла-казалар булмасын өчен,юл йөрү кагыйдәләрен яхшы белергә, төгәл үтәргә таләп итә.
Бөтен кешенең дә сау-сәламәт булып яшисе килә.Һәркем яшәү өчен көрәшә.
Шуңа күрә дә балачактан ук юл йөрү кагыйдәләрен өйрәнүне, аларга буйсынуны, аларны үтәүне кертергә кирәк.
Бакчада моның буенча эш алып бару төрле гади чаралар,шөгыльләр итеп кенә түгел,ә яшь үзенчәлекләреннән чыгып төрле кызыклы методлар, слайдлар кулланып эшләү балаларның игътибарын тагын да ныграк җәлеп итә.
Яраткан әкият геройлары, язучыларыбыз һәм шагыйрьләрнең кызыклы геройлары белән булган төрле хәлләр, ялгышларны аңлау, төзәтү белән баланың хәтерендә кала һәм юлда дөрес йөрергә, игътибарлы булырга ярдәм итә, өйрәтә.
Һәр елны мәктәпкә әзерлек төркеме балалары белән мәктәпкә һәм башка күп кенә урыннарга экскурсияләргә барабыз. Мәктәпкә экскурсиягә барганда һәрвакыт кулланыла торган юл билгеләренә игътибарны күбрәк бирәбез, үсә төшкән саен үзләрендә җаваплылыкны күбрәк тоярга, мөстәкыйль булырга өйрәтәбез.
Республика күләмендә оештырылып, район мәгариф бүлеге һәм ЮХИДИ хезмәткәрләре тарафыннан үткәрелгән “Яшел ут” конкурсында һәр елны катнашып киләбез.Юл йөрү кагыйдәләрен өйрәнүгә багышланган айлыкта 1 нче кечкенәләр төркеменнән башлап,яшь үзенчәлекләренә туры китереп, төрле чаралар үткәрәбез һәм нәтиҗәләрен дә күрәбез.
Балаларыбызның тырышлыгын ЮХИДИ хезмәткәрләре дә күрә, үзләренең истәлекле бүләкләре белән нәниләребезне сөендерә.Алар безнең белән һәм әти-әниләр белән һәрдаим элемтәдә.Шулай ук бездә тәрбияләнеп киткән, хәзер инде мәктәптә укучы балалар, аларның әти-әниләре белән дә аралашып торабыз.
Шәхсән мин үзем юл кагыйдәләрен бозмыйча, юлда игътибарлы булып, үзеңне әдәпле тотуга зур басым ясыйм.Дөнья булгач, күңелне әрнеткән очракларны да күрергә туры килә.Өлкәннәр дөнья куа,ашыга кабалана бакчага йөрүче нәнине җитәкләп кагыйдәләрне үтәп тормыйча юл аркылы чыгарга җыена, ә бала бакчада өйрәнгәннәрне истә тотып өлкәннәрнең җиңеннән тарта, кисәтә хәтта өйрәтә.Бу очракта фикерләр төрлечә.Уйланырлык урын бар...
Юл кагыйдәләрен белмәү, Игътибарлы булыгыз
Дусларым, бик куркыныч. Тирә-якка карагыз.
Ә белергә теләмәү, Юллар буш булса гына
Аеруча кызганыч. Алга таба атлагыз.
