Тәуелсіз елім Қазақстан
Сабақтың тақырыбы «Тәуелсіз елім Қазақстан» балаларға туған жерінің тарихын, рәміздерін және елбасын таныстыруға арналған. Білім беру процесінің басты мақсаты – балалардың өз Отанына, Қазақстан Республикасына деген сүйіспеншілігін қалыптастыру болып табылады. Балаларға еліміздің рәміздері, оның мәні мен мағынасы туралы терең түсінік беру - сабақтың ең маңызды бөлігі. Әр рәміздің артында терең тарих жатыр, оны балаларға жеткізу қажет.
Сабақтың барысында тақпақтар айтылады, мақал-мәтелдер талқыланады. Осындай әдістер арқылы балалардың сөздік қорын дамыту, олардың патриоттық сезімдерін нығайту көзделеді. Түрлі құралдарды пайдалану арқылы сабақтың тиімділігін арттыру маңызды. Слайдтар, суреттер, видеолар – осылардың барлығы білім алушыларға көрнекі әрі әрі түсінікті түрде ұсынылады.
Мотивациялық сәт сабақтың рушаны мен сергіту сәттері арқылы жүзеге асырылады. Балалар бірге ән салып, тақпақтар айтады. Бұл процесс олардың біріктіруші күшін күшейтеді, әрі Отанға деген сезімдерін арттырады. Отанымыздың тарихы мен мәдениеті туралы қызықты мәліметтер оқушылардың назарын өзіне аударады. Бұл олардың білімін кеңейтумен қатар, патриоттық тәрбие берудің де тиімді әдісі болып табылады.
Сабақтың қорытындысы барысында балалар тәуелсіздік тақырыбында тақпақтар айтып, Қазақстан Республикасындағы басты рәміздермен танысады. Өз елдерін мақтан тұту, рәміздерін сыйлау, мемлекетінің тарихын білу саяси сауаттылықтың көрсеткіші болып табылады. Осылайша, сабақ барысында балалар Отанға деген сүйіспеншілігін, патриоттық сезімдерін жарқын түрде көрсете алады.
Сабақтын тақырыбы:Тәуелсіз елім Қазақстан.
Сабақтың мақсаты:Балалардың туған еліне,Отаны Қазақстан туралы түсініктерін кеңейту.ҚР рәміздері туралы түсінік беру.Сөздік қорларын дамыту.Тәуелсіздік жайлы балалардың ойларын дамыту арқылы туған еліне,елбасына деген сүйіспеншілігін,патриоттық сезімін тәрбиелеу.
Керекті құралдар:ҚР елбасы,картасы,рәміздер суреттері,слайд.
Әдіс тәсілдер:ҚР туралы әңгімелеу,сұрақ- жауап,мақал-мәтел,тақпақтар айту.
Алдын ала жұмыс: Балаларға тақпағын қайталату.
Сабақ барысы: Балаларды сабаққа ұйымдастыру.
Мотивация-лық қозғаушы
Шаттық шеңбері.
Балалар,бізге қонақтар келіпті,алдымен амандасып алайық!
Ал,қанекей, балалар! Біз бүгінгі күнге жақсы жылы лебізімізді білдірейікші.
Жарайсыңдар, өз орындарыңызға жайғаса қойыңдар!
-Қазір жылдың қай мезгілі?
-Қыс мезгілінде неше ай бар?
-Аттарын айтайықшы?
-Қыс мезгіліндегі ауа райының ерекшелігі қандай?
-Сәлеметсіздер ме?
Балалар тілектерін айтады.
-Қыс мезгілі.
-Үш ай бар
-Желтоқсан,қаңтар,ақпан.
Қар жауады,аяз болады,су бетіне мұз қатады,адамдар қалың киінеді.
Іздену- ұйымдастырушы
Бүгінгі біздің сабағымыз ерекше.Өйткені біз бүгін тәуелсіздік мерекесіне арнайы келген қонақтарға өз Отанымыз жайлы айтып береміз.
Ән «Біз Отанның бақытты баласымыз!»
Балалар, біздің Отанымыз біреу-ол Тәуелсіз Қазақстан.Бәріміз бір Отанда тұрамыз.Біздің Отанымыздың барлық жерлері көрікті,әдемі.
«Отан отбасынан басталады».Демек өз үйімізден басталады.Біз қалай өз үйімізді құрметтеп,жақсы көрсек тап солай ертең Отанымызды да қорғап,құрметтуп жүреміз.
-Балалар,біз қай Республикада тұрамыз?
-Біз қандай мемлекетпіз?
-Біздің ұлтымыз қандай?
-Біз қай тілде сөйлейміз?
-ҚР елбасы кім?
-Біздің астанамыз қай қала?
Слайд (Астана қаласына қысқаша шолу).
-Мына суретте Ақорда бейнеленген.Ақорда ҚР Президентінің Резиденциясы.
Астана қаласының ең көрікті жерлерінің бірі –Бәйтерек.Ол дәулеттің және байлықтың белгісі.
-Ал мына суретте Пирамида-ол бейбітшілік пен келісім сарайы.Бұл басқа елдермен келісім шарттарға қол қойылатын орын.
Ендеше осы әсем қаламыз Астана туралы кім тақпақ біледі?
А.Алихан: Астана арман қала,
Бағы бір жанған қала.
Тұрады ол жап-жас болып,
Мен үлкен болғанда да.
Айқын: Жаса жаңа Астанам,
Өркен жая бастаған.
Асқақтай бер Астанам,
Берекеге бастаған.
-Балалар кім Отан жайлы мақал-мәтел біледі?
А.Аружан: Отан оттан да ыстық.
Жүсіпбек: Отансыз адам-ормансыз бұлбұл.
Әли: Отан-елдің анасы.
Ы.Іңкәрай: Туған елдей ел болмас,
Туған жердей жер болмас.
Сергіту сәті:
Көтеріліп шаңырақ
Уықтары шаншылар
Керегелер керіліп
Өрімдей боп өріліп
Бәріміз тұрсақ айналып
Киіз үй боп көрінер.
-Балалар,әр мемлекеттің өз рәміздері болады? Біздің еліміздің рәміздерін білесіңдер ме?
Дұрыс айтасыңдар.(Рәміздер жайында толықтай түсінік беру.)
Кім маған осы рәміздер туралы тақпақ айтып береді?
Аңсар: Қазақстан Туы,
Көк аспандай көкпеңбек.
Қазақстан жалауы,
Көк емес ол тектне-тек.
Т.Іңкәр: Желбірейді шалықтап,
Қазақстан жалауы.
Көкте қыран қалықтап
Қанат қағып барады.
А.Кәусар: Елтаңбасы елімнің,
Неткен әсем әдемі.
Тұнығындай көңілдің,
Ортада аспан әлемі.
ҚР әнұраны орындалады.
Слайд көрсету:(Желтоқсан оқиғасына қатысқан боздақтар.)
Балалар ,бізге тәуелсіздік оңай келген жоқ,осы жолда ата-аналарымыз,аға-апаларымыз көп күресті.Олар: ҚайратРысқұлбеков,Ләззат Асанова,Ербол Сыпатаев,Сәбира Мұхамеджанова апаларымыз бен ағаларымыз.Бұл кісілер тәуелсіздік жолында жандарын қиды.Міне осы кісілердің арқасында 1991 жылы 16 желтоқсанда Тәуелсіз мемлекетке қол жеткіздік.
Балалар Тәуелсіздік туралы кім тақпақ айтады.
Мөлдір: Тәуелсіздік-биігі бұл санамның,
Тәуелсіздік-таза ауасы даламның.
Тәуелсіздік-бұл арманы бабамның,
Тәуелсіздік-бақ дәулеті баламның.
Айназ:Желтоқсаным –тәуелсіздік тірегі,
Желтоқсанды қадір тұтып тұр елі.
Есте сақтап ағалардың ерлігін,
Жүректерге сақтау керек үнемі.
Диас: Құтты болсын тәуелсіздік мерекесі,
Мықты болсын елімнің керегесі.
Тату-тәтті боп халқымыз әрқашан,
Кетпесін туған жердің берекесі.
Т.Аружан: Қуат алған өзіңнен,
Туған елдің қызымын.
Бақытты етіп өсірген,
Отанымның гүлімін.
Ә.Әлихан: Туыспыз біз бәріміз,
Бір Отанды сүйеміз.
Бақытты елде тұрған соң,
Бақытты өмір сүреміз.
-Қазақстан
-Тәуелсіз
-Қазақ
-Қазақ тілінде
-Нұрсұлтан Әбішұлы Назарбаев.
-Астана
Балалар мақалдарын айтады.
Балалар өлеңге сай қимыл жасайды.
Ту,Елтаңба,Әнұран
Балалар тақпақтарын айтады.
Балалар орындарынан тұрып,ҚР әнұранын орындайды.
Балалар мұқият тыңдайды.
Рефлексті коррекция-лаушы
Балалар бүгінгі оқу іс-әрекетімізді ойын арқылы қорытындылағым келіп тұр.
-Балалар, бізде қандай мереке?
-Тәуелсіздікке қай жылы қол жеткіздік?
-ҚР Президенті кім?
-ҚР Астанасы қай қала?
-ҚР рәміздерін атаңдар?
Бүгінгі сабаққа өте жақсы қатыстыңдар,осымен сабағымыз аяқталды,қош сау болыңыздар!
-Тәуелсіздік мерекесі.
-1991 жылы 16 желтоқсанда.
-Нұрсұлтан Әбішұлы Назарбаев.
-Астана қаласы.
-Ту,Елтаңба,Әнұран
-Сау болыңыз!
Күтілетін нәтиже:
Біледі:Өз Отаны туралы,Астана қаласының көрікті жерлерін.
Игереді:Қазақстан Республикасының рәміздерін.
Меңгерді: Тәуелсіз Қазақстан,желтоқсан оқиғасы туралы.
МКҚК №21 «Назерке» балабақшасы.
«Бекітілді»
Балабақша әдіскері
Сарыева Ж.А________
Тақырыптық оқу іс-әрекеті.
«Тәуелсіз елім Қазақстан»
№11 «Ертөстік» ересек тобының
Тәрбиеші: Тулепбергенова Камшат
2017ж
