Амал келді, Жыл келді! Мерекелік концерттің сценарийі
«Амал келді, Жыл келді!» атты мерекелік концерттің сценарийі – бұл Наурыз мейрамын тойлау және оның мәдени мәнін халыққа жеткізуге арналған ерекше іс-шара. Наурыз – көктемнің жаңаруы мен табиғаттың оянуын білдіретін ұлы мереке, халқымыздың ғасырлар бойы жалғасып келе жатқан дәстүрлерінің қайнар көзі. Концерт барысында орындаушылар ұлттық музыкалық аспаптарда дәстүрлі жанрларда туындыларды шеберлікпен орындап, көрермендерге ерекше күй мен қуаныш сыйлайды.
Мерекелік концерттің сценарийі рухани жаңғыру мен мәдениетімізді насихаттауға бағытталған. Жүргізуші Наурыздың маңызы туралы, оның қазақ халқы үшін тәрбиелік және рухани мәні жөнінде сөз қозғайды, халқымыздың салт-дәстүрлері мен ұлттық құндылықтарын баяндайды. Көрермендерге Амал мерекесінің ерекшеліктері, оның ұрпақтан-ұрпаққа беріліп келе жатқан дәстүрлері туралы ақпарат беріледі.
Әр ән мен күй – тыңдармандарды ішкі сезімдерін қозғап, бір-біріне деген мейірімділікті, ынтымақтастықты оятады. Ұлыстың ұлы күні кәрі-жас бір-бірімен көрісіп, жаңа жетістіктер мен бақыт тілеседі. Бұл мерекеде барша халықтың жүрегінде жарық сәуле, қуаныш пен үміт оты пайда болады. Керемет атмосфера мен ұлттық нақыштағы хореография концерттің көркін арттырады.
Концерт соңында жүргізуші халқымыздың армандары мен тілектерін жеткізіп, келешек ұрпаққа жақсы дәстүрлерді мұра етіп қалдыру қажеттігін атап өтеді. «Сақтай гөр» деген тілектер өз елін, өзінің ұлттық тамырын құрметтейтін халқымыздың кең көңілінен шығатыны сөзсіз. Не болмаса, жастардың ұлттық мәдениетке деген махаббатын, құрметін қалыптастыру – біздің басты міндетіміз. Олай болса, Наурыз мейрамы баршаңызға құтты болсын!
«Амал келді, Жыл келді!» атты мерекелік концертінің сценарийі
Хабарлаусыз:«Мерекелік күй»
Жүргізуші:
Тыңдағандарыңыз Бауыржан Көбенғалиевтің «Мерекелік күй» шығармасы. Орындаған «Жетібай сазы» фольклорлық ансамблі
Жүргізуші:
Амал – жыл басы. Наурыздың 14 – і күні есік ашатын бұл мерекенің тәрбиелік мәні зор. Әр айдың 14 де жаңа ай туады, яғни қазіргі күнтізбемен қарағанда наурыз айы шын мәнінде дәл бүгін кіріп жатыр. Ендеше жылдың басын Наурыздан бастап санайтын қазақ үшін бүгін ұлы күн деп айтуға әбден болар.
Жақындатып өткенге, кеткенге енді, Көктем келді балбырап, көктем келді. Суық сорған жаныма шуақ құйған, Осы еді ғой күткенім көптен бері.
Күй: «Адай» Орындайтын:
Ән:«Наурыз» Орындайтын:
Жүргізуші:
Дәл осы Амал мерекесін салт – дәстүрдің ажырамас бөлігіне, тәрбиелік құндылығына айналдыра білген Маңғыстау өлкесінде мерекелік леп әрбір үйден сезіледі, әрбір жылы қабақтан білінеді, кәрі – жас демей қол алысып, төс соғыстырып жатқан жұртшылықтың жүректері елжіреп, ерекше күйге бөленеді. Күннің ғана емес, адамзат көңілінің жыли түскенін бар жан дүниеңмен сезініп, бір марқайып қаласың.
Ұлыс күні кәрі – жас,
Құшақтасып көріскен.
Жаңа ағытқан қозыдай,
Жамырасып көріскен.
Аталар бата беріскен,
« Сақтай гөр» деп терістен.
« Кел, таза бақ, кел» десіп,
Кел тілек бер десіп....
«Қазақ биі» Орындайтын:
Ән: «Наурыз келді» Орындайтын:
«Ақтанның термесі» Орындайтын:
Жүргізуші: Көңілдің мұзын жібітіп, бауырмалдықты арттырып, үлкендердің батасына бөленіп, айналаны әсемдікке орайтын мұндай мерекені ұлықтайтын қазақ халқы бақытты. Бұл күні әр шаңырақ ақ дастарханын жайып, кішілер үлкендерге, көршілерге, ағайын – туыс бір – біріне, бала – шағалар әр үйге кіріп көрісіп құттықтап шығады.
Қазағым, наурызың құтты болсын,
Көтерген шаңырағың биік болсын.
Тілектері ұлтымның қабыл болып,
Жақсылығын бір алла иіп тұрсын.
«Наурыз» биі Орындайтын:
Ән: «Көктем» Орындайтын:
Жүргізуші:
Бауырласқан тәнтіміз, Бұзылмаған салтымыз. Өзге ұлттай біздің де, Бар дәстүр мен салтымыз.
«Амал келді, жыл келді» көрінісі
Жүргізуші:
Кең болсын қазағымның керегесі,
Кетпесін Алла берген берекесі.
Алаштың баласына нәсіп болған,
Кұтты болсын НАУРЫЗ мерекесі!
Ән: Орындайтын:
Жүргізуші: Көрісу дәстүрі – ел ішінде бұл күн халықтық мереке есебінде ешқашан үзіліп көрген емес. Амал туды жыл келді, – деп қуанған ата – бабаларымыз ағайын – жұрттың амандығын біліп, бір – бірімен көрісуге асыққан. Наурыз айының 21 – жұлдызында күн мен түн теңеліп жыл жаңарса, ал 14 наурыз күні жаңа ай туады. Сондықтан бұл күн – Амал мерекесі Наурыз мейрамының беташары болып есептеледі.
Ән: Орындайтын:
Жүргізуші: Барлықтарыңызға осы мереке жұғысты болып, дәстүрді дәріптеу кең етек алсын! Жыл құтты болып, жақсылық, ырыс, несібесін ала келсін, келесі Амалға аман – есен жетуді нәсіп еткей!Ескі жыл есіркеп, Жаңа жыл жарылқасын! Еліміз аман, халқымыз тыныш болсын!
