Сабақтың тақырыбы: Үй жануарлары және олардың төлдері
Сабақтың мақсаты – балалардың үй жануарлары туралы білімдерін кеңейту, сөздік қорын молайтып, табиғатпен таныстыру. Педагогикалық әдістер арқылы оқушыларды үй жануарлары мен жабайы аңдар туралы ақпаратпен қамтамасыз ете отырып, олардың өмір сүретін ортаға бейімделуін қамтамасыз ету. Бұл сабақта балалар тек теориялық білім алумен шектелмей, практикалық дағдыларды да меңгереді.
Дидактикалық ойындар арқылы оқу процесін жандандыру, балалардың танымдық қабілеттерін арттыруға ерекше көңіл бөлінеді. Ойындар сабақты қызықты етіп өткізеді, балалар бірігіп әрекет етіп, жауапкершілікті сезінеді. Алынған білімді тәжірибеге енгізу, ойын арқылы топтық жұмыс жасау, сауаттылықты дамыту – сабақтың негізгі аспектілері. Сонымен қатар, дидактикалық ойындар арқылы бала бойында ынтымақтастық, бір-біріне көмек көрсету дағдылары дамиды.
Мұғалім балалармен бірлесе отырып, таңдап алынған тапсырмаларды қызықты етіп жеткізеді, жаттығулар мен тапсырмалар арқылы үй жануарларын, олардың төлдерін және бұл жануарлардың дауыстарын танып, есте сақтауына көмектеседі. Сабақта үй жануарлары мен жабайы жануарлар туралы көптеген жұмбақтар күтіп тұр, оларды шешу арқылы оқушылардың логикалық ойлау қабілеті дамиды. Ойын барысында балалар өзара ынтымақтастыққа тәрбиеленіп, коммуникативтік дағдыларын жетілдіреді.
Сабақтың өткізілу барысындағы әдіс-тәсілдер, яғни, сұрақ-жауап, ойнау, көрсету оңай және қызықты, сондықтан бұл формат балалардың зор қызығушылығын тудырады. Мысалы, «Төлдерін тап» ойыны балаларды белсенді бастамаларға, жауапкершілікке, ұйымшылдыққа баулиды. Олардың білім алу процесі жалпыға ортақ, ал мақсаты - білімдерін кеңейту, танымдық қызығушылықтарын ояту.
МКҚК № 7 «Қуаныш» бөбекжайы
Оразгалиева М.М.
Сабақтың тақырыбы: «Үй жануарлары және олардың төлдері»
Сабақтың мақсаты:
Білімділік міндеті:Тақырып бойынша сөздік қорларын молайту; жұмбақ шеше білуге жаттықтыру;
Дамытушылық міндеті: байланыстыра сөйлеуін арттыру; төл дыбыстарға жаттығу; айту, есту, жаттау қабілеттерін дамыту;
Тәрбиелік міндеті:үй жануарларына деген қамқорлығын тәрбиелеу.
Жобаның міндеттері: Дидактикалық ойындарды тіл дамыту сабақтарында пайдаланудың тиімділігін тәжірибе көрсетіп отыр. Сабақты бекіту, сабақта меңгерген материал туралы түсінігін кеңейту, баланың шығармашылығын дамыту, тіл байлығын молайту үшін ол ойындар сабақтың тақырыбына, мақсатына сай таңдалып отырады. Ұсынылып отырған дидактикалық ойындардағы тапсырмалар:
Қолданатын көрнекі құралдар: Ойыншықтар, дидактикалық ойындар /карталар/, асықтар, қоржын,киіз үй,суреттер,стикер.
Сабақтың әдіс-тәсілдері: көрсету,түсіндіру,қайталау,сұрақ-жауап.( айтылым, тілдесім, тыңдалым)
Қостілділік компонент: Үй жануарлары-домашние животные, сиыр-корова, жылқы-лошадь,түйе-верблюд, ешкі-коза,қой-овца,бұзау-теленок,жеребенок-құлын,бота-верблюжонок,лақ-козленок, ягненок-қозы.
Сабақтың барысы:
Ұйымдастыру. Сәлеметтсіңдер ме балалар.
Сабақты бастар алдында жаттығып алайық. /бірнеше сұраққтар қойылады/
Қазір жылдың қай мезгілі? Жыл мезгілі қыс.
Бір жылда неше мезгіл бар?Бір жылда төрт мезгіл бар.
Қыс айларын атаңдар?Қыс айлары; желтоқсан,қаңтар,ақпан.
Бір аптада неше күн бар?
Бір аптада жеті күн.Дүйсенбі, сейсенбі,сәрсенбі,бейсенбі,жұма,сенбі,жексенбі
Шаттық шеңбері:
Біз ерекше баламыз,
Айтқан тілді аламыз.
Достарымды көргенде ,
Қуана қарсы аламыз.
Сәлем,сәлем,сәлем.
Сәлеметсіздерме қонақтар!
Бүгінгі сабағымыздың тақырыбы: «Үй жануарлары және олардың төлдері».
Тілдесім:
Жануарлар екі топқа бөлінеді: Үй жануарлары және жабайы аңдар.
Неге үй жануарлары дейміз? Біз оларды күтіп-баптаймыз сондықтан үй жануарлары дейміз.
Неге жабайы жануарлар дейміз? Олар орманда өмір сүреді.Өз қорыктерін өздері табады. /Қоржыннан асық алады онда сандар белгіленген,сол сандар реті бойынша жауап береді./
Бүгінгі сабақтын сұрақтары 6 тапсырмадан тұрады:
Тыңдалым 1.тапсырма:
«Жұмбақтар» /әр топқа екі жұмбақтан айтылады, балалар шешімін табу керек/. Шешімін дұрыс тапқан топ ұпай ретінде бір, асықтан алады/.«Жұмбақтар»:
Кезікті бір жануар,үстінде екі тауы бар /түйе/
Кішкене ғана бойы бар, айналдырып киген тоны бар /қой/
Басында екі таяғы бар, төрт аяғы бар, иегінде сақалы бар /ешкі/
Көкке шаншып құйрығын, келеді шауып жүйрігім /жылқы/
Адамға серік, күзетке берік. /ит/
Құлды екен әр шаруа, қызығына құт байлап.
Қанша құйып алсаң да сарқылмайды сүт-қаймақ./сиыр/
Тілдесім:
2.тапсырма: Ойын: «Дұрыс орналастыр!»
Ойын шарты: Үстел үстінде жатқан жануарларды алып атауын атайды, қайда өмір сүретіндерін айтады, салнып тұрған суретке жануардың суретін жапсырады «Орманда», «Жайлауда»; (дұрыс жауап болса ұпай ретінде бір, асықтан алады)
Үй жануарлар: түйе,жылқы,сиыр, қой, ешкі,
Жабайы жануарлар/аңдар/: қасқыр,аю,қоян,түлкі,арыстан,жолбарыс.
3 тапсырма: Ойын: «Кім шапшаң?» «Кто быстрее?»
/пазыл арқылы екі суреттен жинайды,/ үш бала орнында, екі бала тақтада.
Үстелдің басында орындалады. /1 топ:сиыр; 2 топ:жылқы; 3 топ: түйе, /
Тақтада орындалады. /1 топ бұзау, 2 топ құлын, 3 топ бота/
Сергіту сәті: Орнымыздан тұрамыз,
Қолды белге қоямыз.
Иілеміз оңға, иілеміз солға,
Қолды жоғары созамыз.
Аяқтын ұшына тұрамыз.
Бір отырып, бір тұрып,
Біз шыңығып аламыз.
4 тапсырма: Ойын: «Жоқ жануарды тап?»
/әр үстелге екі карточкадан береді,біреуінде аналығын табу керек, екіншісінде төлін табу керек/
Сергіту сәті:
Бұзауым бұзық
Мінезі қызық.
Маңдайы күйді,
Қазанды сүзіп. Тыңдалым:
5 тапсырма:Ойын: «Төлдерін тап» /домбыра әуені орындалады релаксация/
/сызық арқылы қосу/
Ойын шарты: Әр топтын балаларынын алдында суреттер жатады, сонда көрсетілген жануарлар, балалар төлін табып оны сызық арқылы косу керек. Жануардын, төлдердін атауларын атау керек. Дұрыс атап,дұрыс сызық арқылы қоса ұпайға асық алады. /сиыр-бұзау, түйе-бота, жылқы-құлын,қой-қозы, ешкі-лақ/.
Айтылым:
Разминка: Сергіту. /Балалар жануарлар туралы шағын тақпақтар айтады/
Бұл жерде мұғалім кубті айландыра отырып түскен жануарды көрсетеді,қандай жануар түседі сол туралы тақпақ айтпай тұрып төлін көрсетеді содан кейін тақпағы айтылады.
Түйе төлі –бота, Мөлдіреп көзі ойнаған.
Жылқы төлі-құлын, тұяғы жерге ұрыншақ.
Қойдың төлі-қозы, Өріске қашқан қорадан.
Сиыр төлі- бұзау, Сүйкімді әрі асау.
Ешкі төлі –лақ. Тыныш тұрмайды ол бірақ.
Ит баласы-күшік, абалап жүрген күшік.
Тыңдалым
6 тапсырма : «Дауысынан таны»
/жануарларды дауыстары арқылы табу керек./
Топтардың жинаған асықтарын санап кім жеңіске жеткен туралы айтылады.
/стикерлерің алып кеуделеріне жапсырып алады./
/Барлық топтың балалары бір шеңберге тұрады/
Дөңгеленіп тұрамыз ,
Керегені құрамыз.
Уық болып иіліп,
Шаңыраққа керіліп.
Киіз үйді құрамыз.
Тағыда қайталап кетейік:
Қой баласын: «қошақаным» -деп сүйеді.
Түйе баласын: «ботақаным» -деп сүйеді.
Жылқы баласын: «құлыншағым» -деп сүйеді.
Ешкі баласын: «ерке лағым» -деп сүйеді.
Сиыр баласын: «талпағым» -деп сүйеді.
