Сиқырлы елге саяхат
Сиқырлы елге саяхат – балалардың табиғатты сүйюге, оның ресурстарын тиімді пайдалануға және аурудан емделудің табиғи тәсілдерін түсінуге үйретуді мақсат ететін ерекше бағдарлама. Бұл бағдарлама табиғаттың емдік күштерін бала түсінігіне жақындату арқылы олардың денсаулығына әсер етуге бағытталған. Балалар осылайша табиғатпен тығыз байланыс орнатады, ал бұл өз кезегінде олардың психосоматикалық жағдайына оң әсерін тигізеді.
Бағдарлама барысында балаларға нүктелі массаждың пайдасы, балдың сиқырлы қасиеттері туралы ақпарат беріледі. Мысалы, олар жөтел мен тұмауды емдеу үшін балды шәй мен сүтке қосып қолдана алатындығын түсінеді. Бұдан басқа, балалар денсаулықты нығайту және ауруларға қарсы тұру үшін қажет игі істерді орындауды үйренеді. Сиқырлы елдің ханшайымы арқылы жүретін интерактивті ойын форматы балалардың назарын оқыту процесіне аударуға көмектеседі.
Ойын барысында тәрбиешінің басшылығымен балалар бірлесіп әрекет етіп, ханшайымға көмек көрсету үшін дәрігерді шақырады. Бұл кезең балаларға жауапкершілікті сезініп, күтім көрсету қабілетін дамытуға мүмкіндік береді. Дәрігер келгенде, балаларға массаж жасау, балды пайдалану сияқты дәстүрлі емдеу тәсілдерінің мәндерін түсіндіреді. Мысалы, нүктелі массаж сиқырлы тікенектерді пайдалану арқылы өткізіледі, бұл балалардың назарын тартып, ойын элементі ретінде жұмыс істейді.
Тақырыбы: «Сиқырлы елге саяхат»
Білім беру саласы: Денсаулық
Бөлімі: Денешынықтыру.
Мақсаты : Балаларды табиғатты сүйюге,табиғат күшімен ауруларды жеңуге үйрету. Нүктелі массаж пайдасын түсіндіруге, балдың сиқырлы күшін тануға ,шәйға,сүтке қосып емдік қасиетінен жөтел, тұмау ауруларынан емделуге болатындығын түсіндіру.
Шаттық шеңбері
Айналаға біз қарап
Бәріне сәлем береміз
Күнге,бұлтқа,ашық аспанға !
Гүлге,талға,
Біз шыныққан балақай
Табиғатты сүйеміз
Кішкене жапыраққа!
Сәлем береміз!
Ханшайым көңілсіз отыр. Кх-кх-кх деген жөтел дыбыстарын естиміз . Ханшайымның тамағы аурып , жөтеліп қалыпты .
Тәрбиеші: Ертегілер елінің ханшайымы аурып қалған-ау . Қарандаршы мазасы жоқ , көңілсіз жөтеліп отыр . Біз оған көмегімізді берейік . Жарайма ,балалар ?
Балалар: Иә,көмектесейік .
Тәрбиеші: Біреу аурып қалған жағдайда біз кімді шақырамыз ?
Балалар: Дәрігерді
Тәрбиеші: Иә , мен дәрігерге қоңырау шалайын.
- Алло, Дәрігер ағай , сәлеметсіз бе? Ханшайым жөтеліп аурып қалды тез-тез бізге келіңіз. Дәрігер келеді , ханшайымды қарайды , тамағын қарайды , фанедоскоппен тыңдайды , басын шайқайды .
Тәрбиеші: Дәрігер ағай не істейміз ? Айтыңыз !
Дәрігер ағай: Ханшайымға нүктелі массаж жасау керектігін, балмен шай ішу керектігін айтады.
Тәрбиеші:Нүктелі массажды біз күніге жасаймыз, сондықтан да ауырмаймыз,біздің балалар ханшайымға оны үйрете алады .
“Нүктелі массаж” Сиқырлы тікенектерді қолдарына ұстап , алақанға массаж жасайды.
Тәрбиеші: Балалар бізге балды кім жасайды ?
Балалар: Ара жасайды
(Араның ұясы ортада тұр)
Тәрбиеші: Балалар , араның ұясын көрдіңдерме ?
Біз араны оятайық , аяғымызбен тарсылдайық!
Ара оянбайды.
Тәрбиеші: Қолымызбен шапалақтайық , жаңбыр болып біз жауайық !
Ара оянбайды.
Енді не істейміз ? Көмекке жыл мезгілдерін шақырайық. Олар бізге келу үшін , оларды біз атайық. (Жыл мезгілдерін атап шығады)
Жыл мезгілдері келеді . Сәлемдеседі . Бізге араны оятуға көмектеседі .
Жыл мезгілдері: Бізбен қосылып « ара» әнін орындаңдар сонда ара оянады.
Тәрбиеші: Ал енді ара әнін бізге үйретіңіз .
Балалар жыл мезгілдеріне қосылып ара әнін з-з-з-з-з айтады.
Ара оянады.
Ара бізге бал керек . Бал беріңізші!
Тәрбиеші: Біз гүлдің суретін бояп берейік . Осы сиқырды гүлден ара бізге бал жинап берсін , ара бола ма?
Сурет: Трафаретпен салынған гүлдің суретін бояумен бояу Боялған гүлдерді ортаға,алаңға қояды. Ара гүлдің арасынан жүгіріп,ұшып екі шелегіне бал жинайды.
Балды жинап , ханшайымға және балаларға береді .
Тәрбиеші балды шәйға қосып ханшайымға ішкізеді . Ханшайым жазылып кетеді .
Тәрбиеші : Араға рахмет айтамыз, ол өз үйшігіне қайтып оралады , ұйықтайды. Жыл мезгілдері сендергеде көп-көп рахмет бізге көмектескендерің үшін.Дәрігер ағай сізге де рахмет , сіз болмасаңыз Ханшайым жазылмас еді.
Дәрігер : Сау болыңыздар , ауырмаңыздар деп қоштасады .
Біз де ханшайыммен қоштасып ,тобымызға қайтамыз.
