Тәрбие отбасынан басталады
Тәрбие – бұл отбасынан бастау алатын процесс, ол балалардың жан-жақты дамуына, рухани құндылықтарды қалыптастыруға бағытталған. Ата-бабамыздан келе жатқан ұлы тәрбие дәстүрлері, отбасындағы берекелі қарым-қатынастар, үлкендерді сыйлау сияқты құндылықтар балаларға адамгершілік негіздерін қалыптастыруда үлкен рөл атқарады.
Отбасында балалардың бойында асыл қасиеттердің қалыптасуы, ересектермен қарым-қатынас орнату, туған-туыстармен байланыстарды нығайту, түрлі дәстүрлер мен мәдениеттегі маңыздылықтарды түсіну аса маңызды. Бала тәрбиесінде ата-аналардың міндеті – баланың рухани дамуы мен ішкі әлемін толық түсіне отырып, оларға бағыт-бағдар беру, өзара сыйластық, мейірімділік және адалдық қасиеттерін сіңіру.
Сондай-ақ, мектепке дейінгі білім беру кезеңінде баланың психологиялық, әлеуметтік, рухани қажеттіліктерін ескере отырып, тәрбиелеу мен оқу процесі бірлікте жүзеге асырылады. Ата-аналар балалардың мақсатына бағытталған, ерекше қабілеттерін дамытуға ықпал ететін, шығармашылық ойлауын жетілдіретін түрлі тәсілдерді қолдануы тиіс. Бұл ретте, ата-ананың, педагогтың жұмыстарының ұйымдылығын, мектеп пен отбасындағы тәрбиенің байланысын нығайту маңызды.
Отбасының тәрбиелік рөлін арттыру бағытында жүргізілетін шаралар, ата-аналардың педагогикалық білімдерін жетілдіру, бірлескен іс-шаралар ұйымдастыру арқылы бала тәрбиесіне ықпал ету тиімділігін арттырады. Әр баланың ерекше қасиеттері, өзгешеліктері мен дамуы ескеріле отырып, балалардың дұрыс бағытта тәрбиеленуіне ықпал жасау, отбасы мен мектептің біртұтас күш-жігерін талап етеді.
Сондай-ақ, бала бақытының негізі білімде жатқандығын, отбасындағы ахуал мен түсіністік, ынтымақтастық жағдайының болуын, ата-ана мен бала арасындағы байланыстың нығаюын атап өткен жөн. Бала тәрбиесіндегі жауапкершілік тәрбиеші мен ата-ана арасында өзара сенім мен әрекеттестік орната отырып, қоғамның яғни, барша адамдардың көрсеткен қолдауы мен қамқорлығы арқылы күшейері даусыз.
