Мақтанышым мамандығым тәрбиеші
Білім беру жүйесі қазіргі уақытта күрделі өзгерістер алдында тұр, оның ішінде мектепке дейінгі білім берудің маңызы зор. Бала тәрбиесі, білім беруді негізге ала отырып, тұлғаны қалыптастырғысы келеді, әр тәрбиешінің қолында төрт жасар балалардың тағдыры жатыр. Тәрбиешілер болашақ ұрпақты тек біліммен емес, сонымен қатар тәрбиенің терең негіздерімен қамтамасыз етеді.
Қарлығаш балабақшасының тәрбиешісі Г.Н.Изимова пікірі бойынша, қазіргі білім беруші мен тәрбиеленуші арасындағы байланыс өте маңызды. Білім министрі Бақытжан Жұмаділовтің дұрыс айтқанындай, «білімді әуелі мұғалімдерден бастау керек», бұл әсіресе, мектепке дейінгі кезеңде орынды. Ауызға алынған білім әрдайым тәжірибеге айналуға тиіс, ал тәрбиенің негізі – баланың тұлғасын ашып, оның шығармашылық, интеллектуалдық, және әлеуметтік қасиеттерін дамыту.
Сондықтан, тәжірибелі тәрбиешінің жұмысына ерекше назар аудару қажет. Tәрбиешілердің біліктілігін арттыру мен оларға қажетті ресурстарды қамтамасыз ету – саладағы ең өзекті мәселелердің бірі. Тәрбиешілердің міндеті – шығармашылықпен жұмыс істей отырып, балалардың ой-өрісін кеңейтіп, олардың дүниетанымын қалыптастыру. Ойын технологиялары арқылы балалармен жұмыс істегенде, олардың қабілеттерін дамыту барысында баланың әрекетінен жақсы нәтиже күтуге болады.
Бұл мәселені шешу үшін ғылыми жобаларды қорғау мен түрлі семинарлар өткізу өте маңызды, өйткені ол тәрбиешілердің білімін тереңдетіп, жаңа әдістемелерді меңгеруіне мүмкіндік береді. Сонымен қатар, балалардың мектепке даярлығын тиімді, жүйелі түрде қамтамасыз етуге ықпал етеді, бұл олардың келешектегі табысы үшін де маңызды болып табылады. Болашақ ұрпақ – еліміздің бәсекеге қабілеттілігі мен дамуына әсер ететін, іскер жандар мен танымал азаматтар, айталық, ғалымдар, бизнесмендер.
Құрастырушы ретінде менің еңбегім – бұл Қазақстанның білім беру жүйесінің игілігі бағытында, балаларға жоғары сапалы білім беруге, олардың шығармашылық потенциалын дамытуға, тәрбиенің негіздерін құруға арналған. Біздің білім ордаларында тәрбиешілердің шығармашылық жұмыстарын ынталандыру және жетілдіру бағдарламаларын енгізу, тәрбиешінің кәсіби даму жолын күшейту – тек біздің қоғамға ғана емес, тұтас елге де пайдалы нәтиже береді. Нағыз атқарушы және болашақ ел ұрпағына жауапты тәрбиешінің қызметі осындай.
Мақтанышым мамандығым тәрбиеші
Қандыағаш қаласы «Қарлығаш»балабақшасы»МКҚК
тәрбиешісі Г.Н.Изимова
Бүгінгі танда білім беру жүйесі өте күрделі және маңызды өзгерістерді бастан өткеруде. Еліміздің экономикалық және әлеуметтік әлеуетінің артуы, халқымыздың әл-ауқатының жақсаруы және дүниежүзілік дамудың қазіргі қарқыны, бәсекелестіктің күшеюі білім беру саласын да түбегейлі жаңартуды, дамытуды талап етеді. Білім беру әлемдік елдердің өздерінің геосаяси тұрғыларын және ұлттық қауіпсіздін нығайтушы капиталы ретінде қарастырылады. Қай білім саласын алсақ та, ол мейлі мектеп, ол мейлі мектепке дейінгі мекеме немесе жоғары оқу орындары болмасын олардың білім беруде ұстанып отырған принциптері – оқу мен тәрбиені тығыз ұштастыру.
Білім министрі Бақытжан Жұмаділів мырза айтып өткендей «білімді әуелі мұғалімдерден бастау керек...» Иә, расында өте-мөте дұрыс айтылған пікір. Олай болса, болашақ ұрпақ тәрбиелеугде балабақшадағы тәрбиешілермен тәрбиеленушілердің қоғамда алар орны ерекше. Өйткені, білімді де, білікті тәрбиеленушілерден ғана саналы ұрпақ мектеп табалдырығын аттайды. Демек, сол ұрпақ арасында болашақ ғалым, биснесмен, ұшқыш, әкім, жұмысшы, құрылысшы, генералдар мен министрлер барғой .
Әрине, тәрбиешілердің білімін тереңдетуде жоғарыда отырған лауазымды тұлғалардың атқарып жатқан істері аз емес. Мәселен, «Ақтөбе облыстық кадрлар біліктілігін арттыру және қайта даярлау институты», аудандық, облыстық семинарлар т.б міне, осылардың бәрі тәрбиешілердің біліктілігін тереңдете түсуде. Осы орайда менің айтып кетер пікірім президеніміздің жастарды қолдауы. Оған дәлел ретінде мен өзімді айта алам. Мәселен, оқуымды үздік аяқтап, өз туған жеріме президентіміз тағайындаған «Дипломмен ауылға» жобасы. Өте тиімді.
Президентіміз Нұрсұлтан Назарбаев «Бәсеке басы-білім» деген. Қазіргі талап – мектепке дейінгі балаларға сапалы да терең білім беру. Сондықтан да мектепке дейінгі мекемелерде оқу процесінің барысы әртүрлі педагогикалық әдіс – тәсілдермен жүйелі түрде тәрбиеленушілердің шығармашылық, интеллетуалдық ойлауын дамытып, дүниетанымы мен белсенділігін қалыптастыру. Мектепке дейінгі тәрбиеленушілеріне білім беру субьектісі ретінде, оларды ойын технологиялары арқылы дамыту, білім беру, тәрбиелеу – бүгінгі күннің өзекті мәселесі болып табылады. Ендеше жоғарыда атап өткендерімнің басты жобасы не? – деген сұраққа жауап берер болсам: мектеп жасына дейінгі балалардың психологиясы көбінесе, бала әрекетінің негізгі мазмұны ойынға байланысты. Ойын арқылы бала өзін қоршаған дүниемен қарым – қатынас жасайды. Ойынның мазмұны баланың тікелей байқағанын, болмаса үлкендердің және ересек балалардың әңгімелерінде естігенін немесе үлкендердін қызметін қайта жаңғытумен т.б. байланысты болады.
Менің ұсынысым, мектепке дейінгі балалардың шығармашылығын, интеллектуалдық танымын яғни психологиялық тұрғыдан алғанда психологиялық таным процессін дамытуда әртүрлі тақырыпта – балабақша тәрбиешілерінің арасында ғылыми жоба қорғалса. Бұл тәрбиешінің жан – жақты
ізденіп, зерттеуіне және өзін ғылым саласында басқа қырынан көрсетуіне үлкен мүмкіндік берер еді. Тіпті бұрыннан еңбек етіп келе жатқан үлкен ұстаздарымыз болмаса да, жас мамандардын арасында ғылыми жұмыстар жүргізілсе нұр үстіне нұр болар еді. Осы мақаланы жазу барысында менің зерттегенім балалардың балабақшадан кеткеннен кейінгі яғни мектепалды даярлық топтарының психологиялық даярлығы. Зерттеу нәтижесінде мектепте оқытудағы баланың психологиялық даярлығы – мектепке дейінгі балалық шақ кезеңіндегі психикалық дамудың қорытындыларының бірі болп табылады екен. Демек, бала санасы дамыған, жетілген деген тұжырым шығады. Олай болса, балалардың психологиялық таным процестерін әлі де болса кеңейту үшін сол тәрбие алып отырған тәрбиешілер білікті маман болуы тиіс. Даналықты оқып үйрену біздің мерейімізді үлкейте түседі.
Өмірге келесін – үйрене біл,
Өмір теңіз – жүзе біл.
Өмір әдемі баспалдақ,
Тек сүрінбей өте біл. –
дегендей Мұхтар Шаханов ағаның өлең шумақтары арқылы аяқтағым келеді.
Қарлы боран қыран жолын бөгер ме?
Біліміммен тасып толам кемерге,
Мен өзіме риза емеспін елімнің
Мақтанышы бола алмасам егерде, -
деп ақын ағамыз жырлағандай мен өсер елдің ұландарын тәрбиелейтін тәрбиешімін! Өз мамандығымды мақтан етемін!
