Төрлет, Жаңа жыл төрімізге!
Бұл материалда біз Жаңа жыл мерекесінің жарқын сәттерін, балалардың көңіл-күйін, сыйлықтар мен дәстүрді атап өтеміз. Жаңа жыл келгенде, барша адамдардың жүрегінде ерекше қуаныш орнайды. Жыл бойы жасаған игіліктеріміз бен түрлі оқиғалар, жаңа үміттер мен бақытты сәттерге толы болады. Барлық адамдарды бір-бірімен байланыстыратын бұл мейрам, бейбітшілік пен татулықтың символы.
Біздің қойылымда балалар ән айтып, биді билеп, сиқырға сеніп, жаңа жылды қарсы алады. Ал, басты кейіпкерлер Аяз Ата мен Ақшақар, баланың көңілін көтеріп, мерекелік атмосфераны құрады. Ең қуанышты сәттер - бұл шыршаның айналасында балалардың би билеп, ән салып, мерекелік көңіл күй сыйлауы. Мұндай уақыт барлығы үшін шын мәнінде ерекше болады.
Жаңа жылдың алдындағы кез - тамаша эмоциялар мен жарқын сәттерге толы. Біз көптеген қызықты ойындарды, би билеуді, тақпақ айтуды жоспарлап отырмыз. Бала шақтағы ең жарқын естеліктер жаңа жылдық кештерде қалыптасатыны сөзсіз. Жаңа жылға кіргенде, біз барлығымыз шын жүректен бір-бірімізді құттықтап, сансыз тілек білдіреміз, ал бүлдіршіндеріміз мерекелік көңіл көтеру рәсімінде шығармашылықтарын көрсетеді.
Төрлет, Жаңа жыл төрімізге!
Музыка сүйемелдеуімен төрт бала залға кіреді:
1-бала.Сәлем бердік баршаға,
Құттықтаймыз жар сала.
Бүгін бізде жаңа жыл,
Қош келіпсіз шыршаға.
2-бала. Жаңа жылда көңілді,
Шырқалады әніміз.
Ата - аналар сіздерді,
Құттықтаймыз бәріміз.
3-бала.Жасыл шырша қош келіпсін,
Сені аңсап жүрдік біз.
Өзіңменен жаңа жылды,
Қарсы алуға келдік біз.
4-бала.Ақтөбемде гүлдей жайнап,
Қар жауады жапалақтап.
«Інжугүлдің» балалары,
Тойлап жатыр жаңа жыл.
/ Залдың ішіне Аю жүреді./
Ой, қыста келді, енді менің демалатын уақытым болды.
/ Ұйқыға кетуге жатқанда, кенеттен даладан Маша кіріп келеді./
Маша: Қоңыр аю, қоңыр аю қалайсың?
Көптен күткен қыс мезгіліде жетті, далада аппақ қар жапалақтап жауып тұр, жаңа жыл мерекесіде келіп қалды?
Тұршы, тұршы аюжан!
/Ар жағынан, бер жағынан тартып оятады. Маза бермейді./
Қоңыр аю: Маша менің ұйқым келіп тұр. Мазам болмай тұр.
Маша: Аюжан ұйқынды аш, мында бізде керемет мереке күтіп тұр, бірге тамашалайық?
/Көңілді жаңа жылдық безендірілген ортаға әсем әуен ырғағымен балалар залға кіреді./
Маша: Сәлеметсіңдер ме балалар? Жаңа жылдарыңызбен!
Қоңыр аю: Жаңа жыл туралы ештеңе білмеймін! Ешқандай сыйлық та,мерекеде керек емес. Одан да мен көзімді жұмып, Ах Африкаға барып қайтсам, керемет болатын еді.
/Музыка әуенімен негрлер кіреді. Қоңыр аюмен билейді./
Би: «Жабайылар»
Қоңыр аю: Рақмет сендерге, менің ұйқым ашылды.
Жаңа жылдың алдыңда,
Тойды еске алдымда.
Ұйқымды ашып сергідім.
Ұйықтамаймын мен бүгін.
Жылды қарсы алайық,
Би билейін ән салайық.
Ән: «Жаңа жыл»
Маша: Ақ таяғы қолында,
Ойын күлкі жанында.
Күтеді оны бар бала,
Сый дорбасын арқалап,
Жаңа жыл сайын келетін.
Ол кім балалар?
Балалар: Аяз ата мен Ақшақар.
Аяз ата: Естіп жатырмын,
Естіп жатырмын, келе жатырмын.
Жаңа жылдарыңмен!
Амаңсың дар ма ұлдарым,
Аппақ ару қыздарым?
Мен сендерге әкелген,
Құтты болсын жылдарың!!!
Маша: Қош келдіңіздер Аяз ата, Ақшақар! Біздің балалар сіздерді асыға күтуде төрге шығыңыздар!
Аяз ата: Жаңа жылда көптеген сиқырлар болады ғой, сендер сиқырға сенесіңдер ме?
Балалар: Ия, сенеміз!
Хормен: Қуант бізді таңыркат,
Шамдарыңды жарқырат.
/Шырша шамы жанады./
Ақшақар:Қандай сүйкімді балалар. Мен де сендерді қатты сағындым.
Тамаша тамаша
Шыршамыз тұр жараса
Жасыл шырша жанында
Ән саламыз тамаша!
Қане достарым ортаға шығып әннен шашу шашайық!
Ән: «Шырлайды шашамыз»
Маша: Ал келіңдер, келіңдер!
Тақпақ айтып беріңдер.
Жомарт Аяз атадан,
Сыйлық алып келіңдер!
Тақпақтар: 1.2.3.4.5.6.7.
/Дыбыс естіледі./
Балалар: Қой.
/Кенеттен қой келеді, амандасады./
Аяз ата: Ал, айналайын жылқыжан сен міндетінді атқардың, ендігі кезегінді қойға табыстай ғой.
Жылқы:
Ақ момынжанды қой жылы,
Өз кезегінді жақсылап атқар.
Елің тыныш халқың аман болсын.
Сәбилеріңнің жүзінен күлкі кетпесің.
/Қоштасып кетеді./
Қой жылы: Жаңа жыл қайсарлықпен жүректілік.
Баратын болашаққа білек түріп,
Мен келдім қой жылы ортаңызға,
Әлемге жақсылықтар тілеп тұрып.
Ақшақар: Жаңа жылды тойлауға,
Дайындалды қанша қыз.
Ұлпа қар болып ортаға,
Би билейміз шаттанып.
Би: «Ұлпақарлар»
Қоңыр аю: Аяз ата, Ақша қар.
Ортамызда балалар.
Қол ұстасып айналып,
Ән шырқасақ жөн болар.
Би: «Карнавал»
/Маша шыршаны құрастыра алмай жатқанда/
Қоңыр аю: Маша, Маша сен, шыршаны бүлдіріп жатырсың, қазір біздің балалар саған шыршаны құрастырып береді.
Ойын: «Шыршаны құрастыру»
Қоңыр аю: Ал балалар, билейік,
Ойнайық та күлейік.
Аяз ата қуансын.
Домаланып жүрейік.
Би: «Пингвиндер»
Маша: Келіңдер, келіңдер.
Тамашаны көріңдер.
Әсем әуен қосылсын.
Әнде шырқап беріңдер.
Ән: «Аяз ата орманда»
Аяз ата: Рақмет сендерге мен сендерге ризамын.
Қоңыр аю: Аяз ата біздің балалар өте өнерлі екен? Ендігі өнерін тамашалаңыз.
Би: «Мадагаскар»
Ата-аналармен ойын: « Қиындықтан өту»
Ортаға ата ана шығады. Жаңа жыл туралы жол тақпақ айтады.
Ата- ана жол тақпақты операға, рэпке салады.
Аяз ата: Балалар мен де сендерге құр келмедім, кәне барлығымыз тұрып, қошеметпен қол соғып , шашу шашайық.
Ата- аналармен би: «Қыс қызығы»
Аяз ата: Рақмет сендерге балаларым, менің сендер сияқты балалар күтіп жатыр, ал мынау менің сендерге сыйлықтарым. Қош болыңдар, сау болыңдар балалар!
Қоңыр аю: Тоймен бастап жыл басын.
Жыл бойы ел жырласын.
Маша: Бар баланың бойы өссін.
Бойымен бірге ойы өссін.
Береке бірлік ырыс- құт.
Бірге қосылып: Болсын елде тыныштық!!!