Бұл материалда балалардың шығармашылық қабілеттерін дамыту мен оларға мейірімділік, достық, және өзара көмек көрсету идеясын ұсыну мақсатында «Әжемнің әдемі алашасы» тақырыбында сурет салу ұсынылады. Біздің мақсатымыз - балаларды сурет салуға үйрету, сондай-ақ, оларға көңілді әрі қызықты тәсілдер арқылы эстетикалық талғамдарын дамыту. Суреттерді бейнелеу барысында балалар дәйексөздер, видеоматериалдар және топтық жұмыстармен таныса отырып, сабақтың әр кезеңінде сергіту сәттері мен шығармашылық ойындарды орындап, жағымды қарым-қатынастар орнатады.
Сабақ барысында тәрбиеші балалармен бірге сурет салу процесін бастайды, мұнда әр бала өзіндік идеялар мен көзқарастары арқылы шығармашылық шеберліктерін көрсетеді. Әжеміздің алашасының үлгісімен танысқаннан кейін, балалардың мақта таяқшалары, қылқалам және саусақтары арқылы алған білімдерін практикада көрсетуі маңызды. Олар жаңалықтарды өз көздерімен көріп, тәжірибе жинақтап, шығармашылығын толықтай жүзеге асыра алады.
Сонымен қатар, балалар ортада өзара көмек көрсету, мейірімділік таныту және жағымды қарым-қатынастар құру маңыздылығын түсініп, жанындағы достарына, алыс-жақын таныстарына қол ұшын беру керек екенін сөзсіз үйренеді. Сонымен бірге, сабақты қызықты әрі танымды ету үшін, шығармашылық ойындар мен сергіту сәттері енгізіліп, сабақтың барысында көңілді атмосфера сақталады.
Аяқталған сабақтан кейін балалар алған әсерлері мен сезімдерін әдемі әнмен бөлісіп, сабақтың барысындағы білімдеріне шолу жасап, қалай ең жақсы іс-әрекеттерге үйренгендерін айтады. Осылайша, болашақта шығармашылық шеберліктерін дамытуға көп мүмкіндік туғыза отырып, сүйіспеншілік, достық, және орындалатын шаралар аясына алынатын маңызды құндылықтарды енгізу өте тиімді. Жаңа білімдер мен шығармашылық мүмкіндіктер арқасында балалар білімдерін кеңейтіп, бір-біріне ұқыпты, бауырмал болуды үйренеді.
Тақырыбы: Сурет салу «Әжемнің әдемі алашасы»
Құндылық:Сүйіспеншілік
Қасиеттері:Өзгелерге көмектесе білу, достық,ойымен бөлісе білу.
Мақсаты:Балалардың сурет салуға дағдыларын қалыптастыра отырып,
алаша үлгісін әшекейлеуге үйрету. Әртүрлі тәсілдермен: мөртаңбамен, мақта
таяқшаларымен қылқаламмен, саусақпен сурет салу дағдыларын
қалыптастыру.
Эстетикалық талғамын арттыру, әдемілікке тәрбиелеу. Әжеге деген құрмет, сүйіспеншілікті тәрбиелеу.
Міндеттері:Мейірімділік адами қасиеті мен өзара көмек әрекеттері туралы
түсінік беру. Қамқорлық жасау, көмек көрсетудағдыларын дамыту.
Қайырымдылық, жағымды қарым-қатынастар жасауға тәрбиелеу.
Іс-әрекет кезеңдері | Тәрбиешінің әрекеті | Балалардың іс-әрекеті |
Мотивациялық қозғаушылық
Ұйымдастыру кезеңi
Жағымды күйге келу | Су асты патшалығына ойша саяхат.
Тәрбиеші: Көзіңізді жұмыңыз және бірнеше рет терең тыныстаңыз; денеіңізді босатыңыз. Бірнеше секундтан соң теңіз түбіне саяхат жасаймыз.
Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан-жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз... бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз.(Мұғалім бірнеше секунд үнсіз қалады).
Ал қазір жоғарыға, өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.
Топқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.
Ал, енді балалар, орталықтарға бөлінейк, кім қандай орталыққа барғысы келетінің білу үшін бірінші қызыл түсі бантиктері бар қыздар және қызыл түсі белгісі бар ұл балалар алады, келесі сары түсті, одан кейін ақ түсті белгілері бар балалар өздеріне карточка таңдап алсын. | Балалар шеңбер құрып отырады, қолдарын тізесіне немесе үстел үстіне қояды, аяқтарын айқастырмауды өтініңіз. Арқаларын тік ұстауын қадағалаңыз. Жайлы, баяу музыка қойылады).
Балалар орталықтарға бөлінеді.
|
Ұйымдастырушылық- ізденушілік
Әңгiмелеу
Видео көрсету
Дәйексөз
Шығармашылық, топтық жұмыс
Сергіту сәті
Ойын | Топқа Айша қуыршақ кіреді. Балалармен амандасады.
Айша қуыршақ: Сәлеметсіндерме балалар. Әжемнің туған күні болады. Мен әжеме алаша сыйлайын деп едім. Оны қалай жасайтының білмеймін. Маған алашаны жасауға көмектесіндер ме?
Тәрбиеші: Балалар, Айша қуыршаққа көмектесеміз бе?
Тәрбиеші суреттер көрсетеді «Жанұядағы көмек», «Достық көмек», «Өзгерелерге көмек», «Өз-өзіне көмек» салыстырып көрейік. 1.Балалар қандай көмек көрсетті? 2.Достарына қандай көмек көрсеттіндер? 3. Сендер кімге, қандай жағдайда көмек көрсеттіндер.
Әрқашан тілектес- досына көмектес.
Екі көз не үшін керек?
Жақсыларды көру үшін!
Құлақ деген не үшін керек?
Ақыл-кеңес тыңдау үшін!
Екі қолың не үшін керек?
Елге көмек беру үшін
Тәрбиеші: Айша қуыршақ, балалар мен сендерге слайд арқылы алашаны көрсетейін.
Мынау алаша. Оны әжелеріміз қой жүнінен жасаған. Әртүрлі ою-орнектермен безендірген. Біз де қазір алашаны оюлармен безендіреміз.
Тәрбиеші әртүрлі тәсілдермен безендіруге болатындығын түсіндіреді. Оны салу жолдарын көрсетіп баларға бағыт береді. (таңбалар, мақта таяқшалары, қылқаламмен, саусақпен салу) Сүрткішті дұрыс пайдалануды, бір біріне бөгет жасамай, дұрыс отыруды естеріне түсіреді.
Тыныс алу жаттығуы. Терен дем алап суретімізге үрлейік.
Серігіту сәті:
Шаршасаңдар, балалар,
Қолдарыңды созыңдар.
Саусақтармен ойнандар,
Қолдарыңды сермеңдер.
Денелерің шынықсын,
Саналарың тынықсын.
Дидактикалық ойын
«Әжемнің оюлары»
-Балалар, мынау «Ғажайып бау» сендер әрқайсы әр баудан ұстандар. –Түстері қандай? Түсіне байланысты әдемі тілек айтайық.
Көк түс: Аспанымыз ашық болсын!
Сары түс: Күн шуағындай жарқырап жүрейік!
Қызыл түс: Жемістердей тәтті болайық!
Жасыл түс: Жасыл бақтай жайнайық!
Қоңыр түс: Топырағымыз құнарлы болсын!
Ақ түс: Әрқашанда көңілдерің ақ болсын!
Қызғылт сары: Дәруменге толы, деніміз сау болсын!
Күлгін: Кемпірқосақ түстеріндей дос болайық бәріміз! Жарайсындар , балалар! Бәріміз дос болайық, тату болайық! Бір бірімізге әрқашан көмек көрсетіп жүрейік. Біз Айша қуыршаққа көмек көрсетік пе? Айша саған балалар жасаған алаша ұнады ма? Тәрбиеші: -Айша, ешқашан көңіл-күйін түспесін! Бізді ұмытпа. Келіп тұр. Айша қуыршақ :-Сауболындар, балалар.
Тәрбиеші: Саубол. | Балалар Айша қуыршақты қызыға қарсы алады, амандасады.
Ия, көмектесеміз!
Екі адамның бір-біріне деген жағымды қарым-қатынасы.
Қиналғанда жанында табылатын, жанашыр жан.
Жақсыдан көрсек. Жақсыдан үйренсек өзіміз де жақсы боламыз. Ақылды тыңдасақ, ақылды боламыз. Елге көмектессек, олар да бізге көмектеседі.
Балалар дәйек сөзді бірнеше рет қайталап айтады.
Слайдқа қарап, алаша жайлы біледі.
Дайын алаша үлгісін әртүрлі тәсілдермен безендіреді.
Тыныс алу жаттығуларын екі-үш рет қайталайды
Балалар сергіту сәтін орындарынан тұрып, бойсерігіту сәтін қимылмен көрсетіп жасайды.
Ою-орнектерді түсі бойынша жинайды.
Балалар бір-біріне тілектер айтады.
|
Рефлексивті- түзетушілік
Топпен ән айту
Қандай жаксы іс-әрекетке үйрендік...
Сабақтың соңғы тыныштық сәтi | Ал енді балалар осы алған әсерлерінді әдемі әнмен жалғастырайқ.
«Балдырғандар» әні
Біз кішкентай балдырған,
Қызығымен таң қылған
Біздің орта көңілді.
Отты үрлеп жандырған.
Қ-сы
Қуыр, қуыр қуырмаш,
Балдырғанға құлақ ас,
Секір, жүгір, тоқтама
Ой болмасын, жасырма.
Балдай тәтті балдырған.
Құмарымды қандырған,
Өнер тамып саусақтан,
Жоқ нәрсені болдырған.
Қандай жақсы әрекетке үйрендік? Іс-әрекет несімен ұнады? | Балалар әуенмен ән айтады
Өз ойларын айтады. |
Күтілетін нәтиже.
Нені біледі : «Көмек» «көмек көрсету» жайлы біледі.
Қандай түсініктерді игереді:Маңайындағы басқа адамдарға көмектесу қажеттігін түсінеді.
Меңгерген дағдылары мен іскерліктері: Берілген тапсырмаларды орындайды.
Әртүрлі тәсілдермен сурет сала алады.
