Жемістер – Фрукты
Бұл сабақтың мақсаты – балаларға жемістер туралы түсінік беру және олардың пайдалы қасиеттерін таныстыру. Жемістер тек дәмді болып қана қоймай, сонымен қатар денсаулық үшін пайдалы дәрумендер мен минералдарға бай. Сабақ барысында балалармен бірге жемістердің түрлерін, олардың пайдасын және қалай жеу керектігін үйренеміз.
Сабақтың жүргізілуі кезінде түрлі әдіс-тәсілдер пайдаланылады, мысалы, сұрақ-жауап, әңгімелесу және көрнекі материалдарды қолдану. Видеосабақ арқылы балалар жемістердің қасиеттерімен танысып, үш тілдегі сөздерді қайталап, есту қабілеттерін дамытады. Осылайша, олар қостілділікті меңгеруге мүмкіндік алады.
Кейін, оқу процесінде балалар жемістер мен көкеністерді ажыратып, жемістерді себетке жинау ойынын ойнайды. Бұл ойын балалардың логикалық ойлауын, белсенділігін қамтамасыз етеді. Рефлексивті кезеңде балалар өздеріне қызықты сұрақтарға жауап беріп, алған білімдерін бекітеді.
Қазақ тілі
Тақырыбы: Жемістер – Фрукты
Мақсаты:
- Жемістер және оның пайдасы туралы түсінік беру;
- Тілдерін, қостілділікті дамыту;
- Тәрбиешіні және бір – бірін тыңдауға тәрбиелеу.
Әдіс – тәсілдер: сұрақ – жауап, әңгімелесу.
Көрнекіліктер: жемістер туралы қос тілдегі видео.
Сабақтың барысы
Шаттық шеңбері
Мотивациялық қозғаушы күш. Балалармен өткенді қайталау мақсатында 3 тілде сәлеметсіз бе, сау болыңыз сөздерін қайталау. Жаңа тақырыпты түсіндіру үшін видео көрсету.
Ұйымдастырушы – ізденушілік кезең:
- Біз видеодан не көрдік?
- Оларды бір сөзбен қалай атаймыз?
- Олар не үшін керек?
- Жемістерді қалай жеуіміз керек?
- Кәне, сол жемістерді 2 тілде атап көрейікші:
Алма – яблоко;
Лимон – лимон;
Банан – банан;
Ананас – ананас;
Жүзім – виноград;
Апельсин – апельсин;
Мандарин – мандарин.
Сергіту жаттығуы
Бекіту: «Жемістерді жина!»
Шарты: Балаларға жемістер мен көкеністер және себет бейнеленген парақтар таратылады. Балалар оларды ажыратып жемістерді себетке жинайды.
Рефлексивті коррекциялаушы кезең:
- Біз сабақта не істедік?
- Не туралы айттық?
- Сабақ сендерге ұнады ма?
Мақтау – мадақтау.
