«Алтын күз» мерекесі: балалардың өнері мен еңбекқорлықты насихаттау
«Алтын күз» мерекесі – күз мезгілінің өзіне тән ерекшеліктерін атап өтетін, балаларды еңбекқорлыққа, табиғаттың өзгерістеріне және шығармашылыққа баулитын тамаша іс-шара. Бұл мерекенің басты мақсаты – балалардың күз мезгілінде болып жатқан өзгерістер жайлы білімдерін кеңейту, олардың шығармашылық қабілеттерін дамыту және еңбек сүйгіштік қасиеттерін тәрбиелеу.
Ертегілік мерекенің сахнасы өмірдің сары-жасыл түстерімен безендірілген. Сарғайған жапырақтар мен күзгі суреттермен толықтырылған топтағы атмосфера шынайы күзді сездіреді. Жүргізуші балаларды, ата-аналарын және ұстаздарды мерекемен құттықтап, күздің берекесін баяндайды. Балалардың орындауында «Күз келгенде» әні шырқалады, бұл мерекеге ерекше көңіл-күй сыйлайды.
Балалар мен олардың аналарының бірлесіп дайындаған сән көрсетілімі тыңдаушылардың қызығушылығын арттыра түседі. Жүргізуші балалардың күзге арнаған тақпақтарын айтқызу арқылы, олардың шығармашылық қабілеттерін танытады. Әр бала өзінің арнайы тақпақтары мен өлеңдерін нақышына келтіре сөйлеп, залда отырған бүкіл көрермендерге қуаныш сыйлайды.
Сондай-ақ, мерекеде Күз кейпінде келген кейіпкер де балалармен бірге ойындар ұйымдастырады. Ол балаларға күзгі көкөністер мен жемістерді таныстыра отырып, түрлі тағамдардың дәмін татып көруді ұсынады. Күз маусымының дәмді жемістерімен танысу, балаларға қуаныш пен сергектік сыйлайды. Мерекенің соңында балалар мен ата-аналар ортаға шығып, бір-бірімен бірге билеп, көңіл көтере отырып, мерекенің түпкі мақсатын жүзеге асырады.
«Алтын күз» мерекесі балалардың шығармашылық қабілеттерін ашып, оларға күз мезгілінің маңыздылығын түсіндіріп, көңілді естеліктер қалдырады. Бәріміздің көңілімізді көтеріп, күздің кереметін тойлауға шақыратын бұл тамаша мереке – күз мезгілінің берекесі мен махаббатымен толы. Балалардың өнері мен еңбегін көріп, жақсы әсер алып, күздің сыйларымен қоштасамыз.
«Алтын күз» ертеңгілігі
Мақсаты:
1) табиғаттың күз мезгіліндегі өзгерістері жайлы балалардың білімдерін кеңейту;
2) күз мезгілінің берекелі екенін айтып, түсінік беру, ойлау қабілетін дамыту.
3) балаларды еңбекқорлыққа тәрбиелеу.
(Топ іші күзгі суреттермен, мерекеге сай сарғайған жапырақтармен безендірілген)
Жүргізуші: Құрметті ұстаздар, ата - аналар, кішкентай бүлдіршіндер! Сіздерді мерекелеріңізбен құттықтаймыз. Күз мезгілі барлық үйге молшылық алып келсін.
Жүргізуші: Балалардың орындауында «Күз келгенде»әнін тамашалаңыздар
Жүргізуші: Бүгінгі мерекеге балалар анасымен бірлесіп, сән көрсетілімін дайындап келген екен,
ана мен баланың сән көрсетілімін бағалайтын әділқазы алқасымен таныстыру.
Жүргізуші: Қанекей, балалар енді күзге арнаған тақпақтарымызды айтайық.
1 - бала: Алтын күз, әсем айналам,
Қараймын көзім талғанша.
Жақын қалды желтоқсан,
Жабырқайды жапырақ.
2 - бала: Жел тынымсыз гуілдеп,
Болып кетті тым бұзық.
Шуылдайды тал - терек,
Жапырағын жұлғызып.
3 - бала: Көк майсалы көрікті,
Алқаптағы көп егін.
Бұл күндері киіпті,
Сары жібек көйлегін.
4 - бала: Алтын, сары, қызыл, көк...
Алуан алуан жапырақ,
Күзгі бақта күлімдеп,
Көз тартады жапырақ.
5 - бала: Алқаптан бидайды
Қоймаға ел жинайды.
Тырнасы тізілген,
Ұнатам күзді мен.
6 - бала: Жайдарлы күз, жомарт күз,
Аяулы күз, алтын күз.
Дәнге толы кең далам
Дариядай шалқып жүр.
Жүргізуші: Балалардың орындауында «Күзгі бақ»әнін тамашалаңыздар.
Жүргізуші: Балалар, адамдар күзде қандай киімдер киеді?
Балар: Күзгі жылы киімдерін киеді.
Жүргізуші: Ендігі кезекте, балалардың анасымен бірлесіп дайындаған күзгі сән үлгісін тамашалайық.
Әдемі әуен ойналып, балалар анасымен күзгі сән үлгісіне шығып, өздерінің және аналарының киімдерін неден қалай дайындағанын бірлесіп сипаттап, таныстырады.
(Осы кезде ішке сары киім киген түрлі - түсті жапырақтар тағынған алтын күз келеді)
Күз: Сәлеметсіңдер ме, балалар! Мен сендердің шақыру хаттарыңды алдым, сендерге көп рахмет.
Балалар, мен сендерге көкөністерімді, жемістерімді ала келдім. Көкөніс пен жемісті қалай жақсы көретіндеріңді тексереміз. Бізге екі бала қажет, олардың көздерін орамалмен байлап, мына тұрған ыдыстағы жеміс пен көкөністі қолдарымен ұстап, дәмін татып анықтаулары қажет.
Күз: Жарайсыңдар балалар, өте дәм сезгіш екенсіңдер.
Жүргізуші: Алтын күз, енді балалардың өзіңе арнаған «Жапырақтар» биін тамашалыңыз
Жүргізуші: Балалардың орындауында «Жапырақтар» биі
Күз: Балалар билерің қандай тамаша, ендігі кезекте ата - аналарды сынап көрейік, күзде қалай шапшаң еңбектенеді екен. Екі ата - ана ортаға шығып, мына тұрған 2 картопты жылдамдыққа және қабығын үзбей тазалау қажет.
Жүргізуші: Балалар, күздің алып келген көкөніс, жемісі дәмді ме екен?
Балалар: Иә, өте дәмді.
Жүргізуші: Сол көкөніс пен жемістерді ортаға шақырайық.
(Осы кезде көкөніс пен жемістер ортаны бір айналып, қатарласып шығады)
Сәбіз: Өсіретін бойыңды,
Дамытатын ойыңды.
Қоянға да азықпыз,
Сәбіздерміз жазықсыз.
Алма: Мен алмамын, алмамын,
Таңдай жұлар бар дәмім.
Қызылша: Ақ түсім бар қант алар,
Қызыл түсім қанға нәр.
Зияным жоқ біліп қой,
Қызылшамын пайдам бар.
Өрік: Мен өрікпін, өрікпін,
Табиғатқа көрікпін.
Қарбыз: Көрсең егер бақшада,
Доп екен деп қалма.
Шөл қандырар қарбызбын,
Ерте үзіп алма.
Алмұрт: Мен алмұртпын, алмұртпын,
Аузындамын бар жұрттың.
Қауын: Иісім жұпар аңқыған,
Бақшадағы шырынмын.
Жеп көргенде тамсанған,
Балдай тәтті қауынмын.
Күз: Балалар, ойын ойнап, көкөніс жемісті тани білдіңдер, мен сендерге ризашылығымды білдіріп, сыйымды табыс етемін.
(Күз, балаларға алма таратады)
Күз: Мен туралы жаттаған әсем тақпақтарыңды, айтқан әндеріңді көріп, билеріңді тамашалап көңілімді көтердім. Рахмет сендерге, келесі кездескенше.
Жүргізуші: Балалар, барлығымыз күздің сыйына алғысымызды білдіріп, шығарып салайық.
Балалар: Рахмет сізге күз, сау болыңыз!
Күз: Сау болыңдар балалар!
Жүргізуші: Ендігі кезекті әділ қазыларға береміз.
Жүргізуші: Балалардың орындауында «Жеміс тердім»әнін тамашалаңыздар.
Жүргізуші: Алтын күз атты ертеңгілігімізді тамашалағандарыңызға рахмет.
