Психологиялық тренинг педагогтарға: Бір командамыз!
Бұл материалда педагогтарға арналған психологиялық тренингтің құрылымы мен мақсаты сипатталған. Тренингтің тақырыбы «Бір командамыз!» болып табылады. Оның негізгі мақсаты — педагогтар мен тәрбиешілер арасында тиімді қарым-қатынасты нығайту. Тренинг барысында қатысушылар жағымсыз көңіл-күйден арылып, қуат жинап, өздерін тануға және құрметтеуге мүмкіндік алады.
Тренингтің бастапқы кезеңі — сәлемдесу. Қатысушылар ортаға шығып, топта бір-бірімен сәлемдесіп, тыңдайды. Бұл жаттығу топтың бірлігін нығайтуға, өзара сыйластықты қалыптастыруға көмектеседі. Сәлемдесудің үлгілері талқыланып, қатысушылардың есінде қалғандарына назар аударылады.
Келесі кезең «Ертегі құрастырайық» ойыны. Ойын барысында әр қатысушы дөңгелене отырып, бір-біріне кезекпен ертегі құрастырады. Бұл ойында стрессті жою және шығармашылық қабілеттерін дамытуға ерекше назар аударылады. Қатысушылардың зейіні мен ынтасы да тексеріліп, талқылау жүргізіледі.
Тренингтің соңында «Суретті тест» жаттығуы өткізіледі. Қатысушыларға берілген суреттердің көмегімен алған әсерлері мен тілектерін білдіреді. Бұл жаттығу қатысушыларды өз көңіл-күйлерін түсінуге, сол арқылы тренингтің нәтижесін анықтауға көмектеседі.
Педагогтарға арналған психологиялық тренинг.
Тақырыбы: Бір командамыз!
Мақсаты: педагогтар, тәрбиешілер арасында қарым-қатынасты нығайту, жағымсыз көңіл-күйден арылу, күш-қуат жинау, өзін-өзі тану, құрметтеу, өзін еркін сезінуге көмектесу.
Барысы:
1 Сәлемдесу.
2. «Ертегі құрастыр» ойыны.
3. «Лабиринт» жаттығуы.
4. «Ну ормандағы жаңбыр» релаксациялық жаттығу.
5. Қорытынды «Суретті тест» жаттығуы.
Ұйымдастыру.
Психолог: Құрметті тәрбиешілер өз қызметтерін аянбай, алаңсыз жүргізуіне ұшқыр ой, алғыр зейін, ашық көз, ояу көкірек керек екені даусыз. Сергек қимылмен, ширақ оймен, сезімтал жүрекпен адал еңбек ететін, олардың зерделеріндегі ойларынан түйін алу.Бүгінгі мақсат-айналамыздағы адамдарымызбен қарым-қатынасымыз қандай, олар кімдер, біз кімбіз, өзімізді-өзіміз танимыз ба? деген сұрақтарға жауап іздеп тұлғаның дами көзқарасын анықтау.
Ендеше сіздерге сәттілік тілей отырып, тренингімізді бастаймыз.
1. Сәлемдесу.
Қазір топтың әр мүшесі кезекпен ортаға шығып, топқа қарап бір-бірін қайталамай топпен кез-келген тәсілмен сәлемдеседі. Ал біз әрбір сәлемдесуді қайталаймыз.
Жаттығудан кейін талқылау. Сәлемдесудің қайсысы сіздің есіңізде қалды және неліктен?
2. «Ертегі құрастырайық» ойыны
Ойынның барысы: ойынға қатысушылар дөңгелене шеңбер құрып отырады да, ойын жүргізушісінің бастаған ертегісін құрастыруды кезектесіп жалғастырады.
Жүргізуші: ал, әріптестер мұқият болып, бір - біріңді зейін қойып тыңдаңдар. Сонымен қатар іштеріңнен өз ойларыңды дайындап, ойланып отырыңдар. Ертегі құрастыруды бастадық: «Ерте, ерте, ертеде...»- деп жүргізуші ертегінің басын бастап, келесі отырған ойыншы оны жалғастырады. Сөйтіп, шеңбер бойымен жалғаса береді. Жүргізушінің кезегі қайтадан келген кезде, ол ертегінің мазмұнын мағынасына қарай бағыттап жібереді, ал ойын жалғаса береді. Ойынның соңында тапсырманы орындау қиын болды ма, ертегінің мазмұнына құрастыру қаншалықты қиынға соқты деген сұрақтар төңірегінде талқылаулар жүреді.
3. «Лабиринт» ойыны
Суретте көрсетілгендей кез келген матаға маркермен бұрылыстары көп жолдар салынады, яғни лабиринт және көрсетілген жолмен жүретін кез келген шағын дөңгелекше қажет. Топ матаны керіп қолдарымен ұстап тұрады. Нұсқаушы белгі бергеннен кейін мата үстіндегі шағын дөңгелекшені керілген матаның көмегімен жылжытып барлық жолдардан өтіп шығады. Ойын кезінде сөйлеуге болмайды. Сөйлеген жағдайда немесе дөңгелекше жолдардан шығып кеткен жағдайда жаттығуды қайта бастайды. қашан толық өтіп шыққанша жалғаса береді. жаттығудың да мақсаты осы.
Топпен бірлесе жұмыс істегенде ғана тиімді нәтижеге жетеміз. Жаттығу біткеннен кейін қатысушылар өз ойларын, пікірлерін білдіреді.
Сіздер мына жіптің көмегімен, карындашты шырын бөтелкесіне салуларыңыз қажет. Әр адамның қолында жіптің бір ұшы қалу керек. Топқа ойлануға уақыт беріледі. Жаттығу кезінде сөйлеуге тиым салынады. Егер карындаш жерге түсіп кеткен жағдайда қайта жалғастырады. Ойын жаттығуы аяқталғаннан кейін қатысушылар талдау жасап өз ойларын білдіреді.
4. «Ну ормандағы жаңбыр» релаксациялық жаттығу.
Мақсаты: иық, мойын омыртқаларындағы бұлшық ет түйсінуінен арылту, босаңсыту
Уақыты: 10мин.
Психолог: Қанекей бір-біріңізбен тығыз тұрыңыздар Өздеріңізді ну ормандағыдай елестетіңіздер. Ауа-райы алдымен керемет еді, күн ашық, өте ыстық және қапырық болатын. Міне, кішкене жел ұрды. Алдыңызда тұрған адамның арқасына қолыңызбен жеңіл қимылдар жасаңыздар. Жел күшейіп, қол қимылы да жылдам бола түседі. Дауыл басталды, қол қимылдары да айналдыра жасалып, күшейді. Сосын ақ жауын жауды.(жұбыңыздың арқасын жеңіл түрде қағасыз) Міне нөсер басталды (саусақтармен қимылдар жасап, алақанмен жоғары-төмен жүргізесіз) Нөсер үдей түсті (барлық саусақтарыңызбен қатты қағасыз). Қайта нөсерлетті, ақ жауын жауды, дауыл тұрды, қатты жел тұрды, ол қайта басылды, сосын табиғатта барлығы тынышталды. Қайта күн шықты. Сезінеміз.
Талдау: Сіздер қандай массаждан кейін өзіңізді қалай сезіндіңіз? Жағымды болды ма? Әлде тек әрекеттерді ғана орындау қажет болды ма? Өз сезім күйлеріңізбен бөлсіңіздер.
5. Қорытынды «Суретті тест» жаттығуы.
Психолог: Құрметті әріптестер бүгінгі тренингіміз қалай өтті? Барлығымыз қандай әсер алдық? Қорыта келе тренингтен алған әсерлерімізді осы
«Суретті тест» жаттығуы арқылы білетін боламыз.
Қатысушыларға ақ параққа күннің, бұлттың, жаңбырдың, жасыл шөптер бейнеленген парақ таратылады. Тренингтен алған әсерін, бір-біріне тілектерін сол берілген суреттердің біреуіне жазады.
Талдау.
Күннің суреті-тренингке қатысушының толық қанағаттанғаны, көңілденгені.
Бұлттың суреті- алған әсері төмен.
Жаңбырдың суреті- ешқандай әсер алмаған.
Жасыл шөптер- көңілді, жақсы әсер алғаны.
Қатысқандарыңызға көп рахмет!
Қарағанды облысы, Сәтбаев қаласы
№7 «Алпамыс» бөбекжай балабақшасы
Педагог-психолог: Рыспаева Эльмира Амангельдиевна
