- Главная
- →
- Сценарии мероприятий
- →
- «Бала тілі – бал» сайысы: Мектепалды даярлық тобына арналған шеберлік
- →
«Бала тілі – бал» сайысы: Мектепалды даярлық тобына арналған шеберлік
Мектепалды даярлық тобының балаларын дамыту мен тәрбиелеудің тиімді әдістерінің бірі – қызықты сайыстар мен ойындар ұйымдастыру. Осы мақсатта біз «Бала тілі – бал» сайысын ұсынып отырмыз. Сайыс балалардың зейінін, есту қабілетін, логикалық ойлауды һәм шапшаң жауап беру дағдыларын дамытуға бағытталған, сондай-ақ, балалардың бір-бірімен қарым-қатынасын нығайтады.
Сайыс екі топ арасында өтеді: «Саңырауқұлақтар» және «Ақ қайындар». Бұл командада балалар аудиовизуалды материалдарды пайдаланып, әртүрлі сұрақтар мен тапсырмаларды орындау арқылы бәсекелеседі. Алғашқы сәтте балалардың көңіл-күйі мен қызығушылығын ояту үшін ұйымдастыру бөліміне көңілді әрі қызықты ойындар өткізіледі.
Сайысымыз үш бөлімнен тұрады: бірінші бөлімде балалар суреттер арқылы сұрақтарға жауап береді, екінші бөлімде логикалық ойлауды қажет ететін тапсырмалар беріледі, ал үшінші бөлімде ертегі кейіпкерлеріне байланысты сұрақтар қойылады. Осындай әдістермен балалардың білім деңгейі, жылдамдығы мен шығармашылық қабілеттері тексеріледі.
Сайыс барысында балаларды белсенді қатысуға ынталандыратын қызықты тапсырмалар мен дебаттар ұйымдастырылып, жарыс атмосферасы қалыптасады. Балаларды мадақтауда ерекше көңіл бөлінеді, осылайша әр бала сайыс барысында өз орнын тауып, тіпті жеңіске жетуге деген ынтасын арттырады. Сол себепті «Бала тілі – бал» сайысы балаларға тек білім емес, сонымен қатар достық, командамен жұмыс және өз-өзіне сенімділік секілді құнды қасиеттерді де ұсынады.
Мектепалды даярлық тобына арналған
«Бала тілі –бал» сайысы
Тәрбиеші:
Алибаева А.Т.
Сайыстың мақсаты:
Балалардың шапшаң, тез ойлау қабілеттерін дамыту. Балаларға тест сұрақтары арқылы логикалық ойлау қабілетін дамытумен қатар, еркін сөйлеуге дағдыландыру.
Сайыста қолданылатын әдіс - тәсілдер: Сұрақ - жауап
Көрнекілігі: Интербелсенді тақта, бейнесюжет
Сабақтың барысы:
Ұйымдастыру бөлімі:
Сәлеметсіздер ме, қымбатты әріптестер, қонақтар және біздің кішкентай бүлдіршіндеріміз!
Балалар, айналаға қараңдаршы, ауа райымыз қандай? (ашық, жылы, күннің көзі шығып тұр)
Бәрекелді, далада күннің көзі шығып, күн жылынып, баршамыз жеңіл киініп, келе жатқан жаз айына өте қуаныштымыз. Балалар, қуанышымызды ары – қарай жалғастыру үшін, қазір барлығымыз бір – бірлерімізбен қол ұстасып амандасайық.
(Балалар қол ұстасып бір – бірлерімен амандасады).
«Бала тілі – бал» атты сайысымызға қош келіпсіздер! Сайысымызға екі топ қатысқалы отыр. «Білімді мыңды жығар, білікті бірді жығар»- дегендей ортаға екі сайыскер тобымызды шақырып алсақ.
1 - ші топ «Саңырауқұлақтар» тобы.
2 - ші топ «Ақ қайындар» тобы.
Төрт құбыламыз тең болған сияқты, олай болса сайысымызды бастайық.
Балақайлар ең алдымен сайыс ережесімен таныстырайын:
Сайыс 3 бөлімнен тұрады:
1. Ширату,
2. Ойлан тап,
3. Бұл қай кейіпкер?
Ендеше 1 - ші бөлімге кезек берейік. «Ширату»
Ойынның шарты: Мен сендерге суретті тест сұрақтарын жасырамын. Ол сұрақтар сендердің өткен оқу іс - әрекеттеріңдегі тақырыптарға байланысты болмақ. Сұраққа бірінші жауап беру үшін, алдарыңызда тұрған сылдырмақ ойыншығын сылдырлатыңдар. Дұрыс жауапқа бір ұпай, жауап бермеген жағдайда ұпай берілмейді.
1сұрақ: Не ұшады?
1) Кеме
2) Қарға
3) Автокөлік
2 сұрақ: Не жүзеді?
1) Ұшақ
2) Мысық
3) Қайық
3 сұрақ: Доп қай геометриялық пішінге ұқсайды?
1) ұшбұрыш
2) шаршы
3) шеңбер
4 сұрақ: Қазақстан Республикасының туының түсі қандай?
1) көк
2) қызы
3) сары
5 сұрақ: Үй жануарын тап?
1) қасқыр
2) сиыр
3) қоян
6 сұрақ: Жабайы жануарды тап?
1) Аю
2) жылқы
3) қой
Бірінші бөлімнің ұпай сандарына кезек берсек....
Кезекті «Ойлан тап» бөліміне берсек.
Балақайлар мен сендерге ойынның ережесін түсіндіріп өтейін. Сендерге интербелсенді тақтадан кішкентай бүлдіршіндер бір зат атаулысын суреттеп, сипаттап айтып береді, сендер соның қандай зат екенін табуларың керек. Ойынның шарты түсініктіме?
1 - ші бейне сұрақ: Ол бәріміздің үйімізде бар. Ол төртбұрышты. Түсі қара. Оның басқаратын тетігі болады. Біз одан көптеген бағдарламалар, мультфильм, кино қараймыз. (Теледидар )
2 - ші сұрақ: Ол қазір көптеген үйлерде бар. Ол төртбұрышты. Теледидарға ұқсайды. Біз одан көптеген мәліметтер аламыз. Ойындар ойнаймыз. Ол арқылы ғаламторға шығамыз. Оның тышқан деп аталатын құрылғысы бар.(Компьютер)
3 - ші сұрақ: Ол байланыс қызметі. Бәріміздің үйімізде бар. Ол шырылдаса көтереміз. Онымен ағайындармен, достармен сөйлесеміз.(Телефон)
4 - ші сұрақ: Ол жүреді. Оны біздің папаларымыз жүргізеді. Ол жанармай арқылы жүреді. Оның төрт дөңгелегі бар. Түстері әртүрлі. Бір жерге барсақ соған мініп барамыз.(Машина )
Ұпай санарын қорытындыласақ. Балақайлар көзді ашып жұмғанша 3 - ші бөлімге де келіп жеттік.
Үшінші бөлім: «Бұл қай кейіпкер?»
Ойынның шарты мынадай: Мен сендерге ертегі кейіпкерлеріне байланысты сұрақтар қоямын. Соған жауап берулерің керек.
1сұрақ: Бауырсақ ертегісіндегі кейіпкерді тап?
1) қарға
2) түлкі
3) ит
2 - ші сұрақ: Мақтақыз бен мысық ертегісіне қай кейіпкер қатыспайды?
1) Қоян
2) сиыр
3) терек
3сұрақ: Жеті лақ ертегісіндегі жағымсыз кейіпкерді тап?
1) ешкі
2) лақ
3) қасқыр
Үшінші бөлімді де аяқтадық, енді ұпай сандарымен таныс болайық.
Балақайлар соңғы, әрі ақтық бөлімге де жетіп қалыппыз.
Жарайсыңдар балақайлар, қандай тапқыр едіңдер! Үш бөлімде де өздеріңді жақсы көрсетіп шықтыңдар! Осымен «Бала тілі - бал» атты сайысымыз өз мәресіне жетті. Жарыс болған соң жеңімпаз болуы тиіс. Ал біздің сайысымызда барлығы да жеңімпаз болды.
Балаларды мадақтау, марапаттау.
Байқоныс мектебінің
даярлық тобы тәрбиешісі:
Алибаева Асель Тулеуовна
2013 – 214 оқу жылы
