Мен жазды қалай өткіздім?
Бұл материалда балалардың жазғы демалыстарын қалай өткізгені туралы айтылып, олардың ойлау қабілеттерін дамытуға арналған тапсырмалар мен әдістер берілген. Жаз мезгілі - балалар үшін ең қызықты әрі есте қаларлық уақыт, сондықтан оларды осы кезеңде қандай қызықты жағдайлармен бөлісіп, өз ойларын жеткізуге ынталандыру қажет.
Сабақтың мақсаты - балалардың әңгімелеп, өз сезімдері мен естеліктерін ашық әрі еркін айтуына мүмкіндік беру. Олар жаздың ерекшеліктері, табиғат пен саяхаттар туралы айтып, өз тәжірибелерін ортаға салады. Сабақ барысында балалар жарқын суреттер мен көлеңкелі естеліктер арқылы жаз мезгілінің сұлулығын білдіруге тырысады.
Сабақ барысында қолданылатын көрнекіліктер - жаз мезгілінің суреттері. Бұл суреттер балаларға белгілі бір тақырып төңірегінде ой бөлісуге, әрі туған-туыстарымен, достарымен өзінің демалысы туралы әңгімелесуге мүмкіндік береді. Сонымен қатар, тіл дамыту мақсатында жаз - лето сөздерін қолдана отырып, билингвальды компоненттерді енгізу маңызды болып табылады.
Балаларға табиғаттары мен жанымыздағы адамдарды сыйлауға, жақсы қарым-қатынастарды нығайтуға, және өзара тату өмір сүруге тәрбиелеу басты міндеттердің бірі. Сабақ барысында сергіту сәттері мен ойын элементтері де қолданылады, бұл балалардың назарын арттырып, сабақтың қызықты өтуіне септігін тигізеді.
Облыс:Вариативтік бөлім
Бөлім:Өлкетану
Тақырыбы:Мен жазды қалай өткіздім?
Мақсаты:Балалардың ойлау қабілеттерін дамытып, ойлаған ойларын еркін жеткізе білуге үйрету.
Міндеттері:Жазғы демалыстарын қалай өткізгендерін айтқызып, өзара тату бауырмал болуға, үлкен адамдарды сыйлауға тәрбиелеу.
Көрнекіліктер:Жаз мезгілінің суреттері
Билингвалды компонент: жаз - лето
Сөздік жұмыс: жазғы демалыс, тату бауырмал.
Сабақтың барысы:
Шаттық шеңбер:
Арайлап таң атты,
Алтын сәуле таратты.
Жарқырайды даламыз,
Жайнай түсті қаламыз,
Қайырлы таң балалар.
Сұрақ жауап: -Қазір қай жыл мезгілі?
-Жазды қалай өткіздіңдер?
-Жазда қайда демалысқа бардыңдар?
Енді біз өзіміздің демалысымыз жайында әңгімелеп айтамыз.
Балалардың жауаптары.
-Мен жазда жағажайда дем алдым, суда шомылдым.
-Мен Астанаға барып қыдырдым, қала өте әдемі, маған ұнады. т.с.с.
Суретке қаратып әңгіме өткізу.
Сергіту сәті: Орнымыздан тұрамыз,
Қолды белге қоямыз,
Бір отырып,бір тұрып
Біз демалып аламыз.
-Балалар жазғы демалысындағы қызықты сәттерін естеріне түсіріп әңгімелайді.
Сурет салады. Салған суреттерін әңгімелеп айтады.
Сабақты қорыту. Мадақтау.
Біледі:Жаз туралы түсініктерді,ерекшеліктерді;
Игереді:Суретке қарап әңгімелеуді ;
Меңгерді:Әңгімелеуді, өз ойларын жеткізе білуді.
