Жол жүру ережесін есте сақтайық
Сценарий «Жол жүру ережесін есте сақтайық» атты қызықты және тәрбиелік мәні зор материал болып табылады. Әр отбасында балалардың қауіпсіздігін қамтамасыз ету мақсатында жол жүру ережелерін үйрету өте маңызды. Бұл материалда балаларды жолда дұрыс жүруге, жолдың белгілерін тануға және бағдаршамның қызметін түсінуге үйретуге арналған бірнеше кезеңдер мен ойындар қамтылған.
Біріншіден, сценарийдің бастамасында балалар жол жүру ережелерінің мәнін нақты түсіну үшін түрлі сұрақтарға жауап береді. Жолда жүру ережелерін білмей, ата-анасыз көшеде жүру өте қауіпті. Сондықтан, күнде көше қиылысында жол белгілеріне, бағдаршамның көздеріне назар аудару қажеттілігі жөнінде түсінік беріледі.
Екіншіден, сценарийдің барысында балалар өздерінің қаладағы көшелерінің аттары мен бағдаршамдар көздері туралы білетіндері жөнінде ой-толғаныс жасап, өлеңдер мен тақпақтар арқылы жол ережелерін бекітеді. Ойындар арқылы оқушылардың назары мен бойында тәртіптілік пен сақтық сезімдерін дамытуға бағытталған.
Сонымен қатар, бағдаршамдардың жұмыс істеу принциптерін түсіндіру және оларды дұрыс қолдану, көшеде әдептілік таныту мәселелері және жүру ережелерін сақтау үшін нақты дағдыларды қалыптастыру – бұл сценарийдің негізгі мақсаттарының бірі. Балаларға жолда сақ болудың маңызы және апаттарды болдырмау туралы ақпарат беріледі.
Осылайша, «Жол жүру ережесін есте сақтайық» сценарийі балаларға оқушы ретіндегі міндеттерін түсіндіріп, жолда білім мен тәртіпті қалыптастыруға тиімді мүмкіндік береді. Балалар қызығып, ойындармен және белсенді қатысумен бірге сабақ барысында жадына сақтап, болашақта қауіпсіз жүріп-тұру дағдыларын меңгереді.
Сценарии
«Жол жүру ережесін есте сақтайық»
«Жол тәртібін білейік, Аман – есен жүрейік»
Мақсаты:Оқушыларға күнделікті жолда қалай жүру ережелері туралы сұрақ – жауап арқылы әңгімелей отырып, тақырыптың мәнін ұғындыру. Жол тәртібін үнемі сақтап жүруге тәрбиелеу.жол шетіндегі белгілер жердің сипаті айналасындағы мекендерге байланысты қойылатындығы, жолдың ортасындағы ақ жолақ, тротуар жөнінде, бағдаршамды көше қиылысы көрінісінің (үй, дүкен, мектеп, балабақша, театр, ағаштар, гүл, аула),
Жүргізуші:Әрбір адам велосипедпен қоғамдық көлікпен. Күніне жолды кем дегенде 2 рет кесіп өтеді екен. Яғни біз жол қозғалысы күніне қатынасып отырамыз. Сондықтан да біз жолда жүру ережесін – жүру белгілерін айыра біліп, бағдаршамның қызметін білуіміз қажет.
1-бала:Арманға алда күткен асығамыз,
Біз қалай толқынатпай басылармыз.
Жол жүру ережесін жақсы біліп,
Сақтыққа тұра алатын жас ұланбыз.
2-бала:Жалғайтын достастырып бар елменен,
Жолдардан тұрады ғой әлем деген.
Бүгінгі бізге келген қонақтарға,
Ойынымыз басталсын сәлемменен!
Жүргізуші:Балалар жол ережесі туралы, қандай тақпақ білесіндер айтайық
4-бала:Шуақты өміріміз күндей күліп,
Жүректе бүршік атып гүлдейді үміт.
Арманға сапар тарту мүмкін емес,
Жол жүру ережесін білмей тұрып.
5-бала:Қай көше қалаға барсаңыз да,
Қай ақыл өлшеміне салсаңыз да.
Жол жүру ережесін – заңды тәртіп,
Ол – ортақ!
Үлкен – кіші баршамызға!
6-бала:Баратын жеріңнің бағытын, тұрағын,
Үн – түнсіз жөн сілтеп, жол нұсқап тұратын.
Күндіз де, түнде де от болып жанады,
Көк түске боялған, төртбұрыш шырағым.
Жүргізуші:Балалар қане бір неше сұраққа жауап беріндерші
· Балалар, сендер қандай қалада тұрасындар?
· Көшелеріңнің аты қалай аталады?
· Көшелерің қандай көшемен қиылысады?
· Мектепке келе жатқанда көшенің қай жерімен өтесіңдер?
Жүргізуші: Көшенің қиылысында қозғалыс көп, өте қауіпті, сондықтан бағдаршамға қарап, солға, оңға ұқыптылықпен қараймыз. Сақ болуларың керек. жаяу адамдардың жүруіне арналған орын тротуар деп аталады. Ол жолдың жиегі.
Көшеде сақ бол!
Мақсаты: Жолдан өту ережесін бекіту; бағдарлай білу дағдыларын жетілдіру:
· Тротуардың оң жағымен жүр.
· Жол жиегімен жүргенде жолдың шетінен қашықтау жүр.
· Көшенің немесе жолдың жүріс алабына шығушы болма.
· Тар тротуармен келе жатқаныңда алдыңнан қарсы келе жатқан жас үлкен кісіге жол бер.
· Тоқтап тұрған автомобильдің қасынан абайлап өт. Автомобильде отырған адам байқамай есікті ашып қалып, сені қағып жіберуі мүмкін.
· Автобусқа, троллейбусқа, трамвайға артқы есіктен кір.
· Түсерде тек алдыңғы есіктен шық. Шығуға алдын – ала дайындал, ілге жақындап тұр.
· Транспорттан түскен соң жаяулар өтпесіне дейін барып, тек сол жерден көшеден өт.
· Көлік болмаған жағдайда да бағдаршамның тек көк түсі жанғанда ғана өту керек!
· Жолға жақын ойнама! Бұл өте қауіпті.
· Жолдан жаяу адам жүретін белгісі немесе бағдаршамы бар жерден өту қажет! Жолдан өтер кезде сақ бол, әңгімеге алаңдама!
· Трамвайдың алдынан, ал автобус пен троллейбустың артынан айналып өт!
· Көлікке кірерде және шығарда оны аялдамада толық тоқтағанын күт!
Ойын: «Гараж»
Мақсаты: Орын алған жағдайда тез қимылдауға, мұқият болуға, байқампаздыққа үйрету. Балалар нөмірленген гараждарда тұрады. Команда бойынша бағдаршамның көзінің жануына сәйкес, музыка әуенімен жол бойында ерсілі-қарсылы жүре бастайды. Бұл кезде гараждардың орны алмастырылады. «Гаражға қайт» командасы бойынша әр бала өз гаражын тауып , орнына оралуы тиіс.
Тәрбиеші: Сонымен біз жол жүру ережесіне байланысты жұмбақтар шешу.
· Арқаным бар тым ұзын,
Ала алмайсың бір үзім.(Жол)
· Шыбысқа тәулік бойы төзе алады,
Бір тұлпар, жаңылмайтын жорғасы бар.
Жүк емес жануарға жүз адамың,
Доғасын сымға сүйреп, жолға шығар.(Трамвай)
· Жоқ өзінде бас та, ауыз да, құлақ та,
Бақырайған үш көзі бар бірақ та.(Бағдаршам)
Тәрбиеші: Бағдаршам – өмірімізді апаттан сақтандыратын көмекшіміз.
7-бала:Үш түсті түрі бар,
Жол сілтер тілі бар,
«Бағдаршам» дегеннің,
Сырын жақсы біліп ал.
«Қызыл» көзін жаққанда,
Тоқтай қал аманда,
«Сары» түсі ескерту,
Дайын бол оғанда,
«Жасыл» көзін жақты.
Алдыңнан жол ашты.
8- бала:Менің атым – бағдаршам,
Менің жайым тұрақты
Жақсы білем міндетімді,
Мүдірмеймін ешқашан.
9- бала:Жолда жүріп үйрендік,
Жамандықтан жирендік.
Енді қорықпай жүреміз,
Сары жанса күтеміз.
10.Тоқтауды да білеміз.
Қызыл жанса тоқтаймыз,
Машинадан қорықпаймыз.
Жасыл жанса жүреміз.
Хор: Біз бәрін де білеміз.
10-бала: Сақта көше тәртібін,
Бағдаршамның ал тілін.
Балалар қолдарына шар үстап өлең айтады.
1. Көшеде біз сақ болайық,
Қаймықпастан ата-ана
Жолда да сен бол лайықті,
Оқушы атына!
Қайырмасы:
Әрқашан күн сөнбесін
Аспаннан бұлт төнбесін
Қасымда болсын мамам,
Болайын мен де аман!
2. Жолда жүру әліппесін,
Білген дұрыс бес саусақтай.
Сонда ғана жүре аласың,
Сен өзінді сау сақтап.
Қайырмасы:
Әрқашан күн сөнбесін
Аспаннан бұлт төнбесін
Қасымда болсын мамам,
Болайын мен де аман!
3. Бүгінгідей мерекеде,
Болғанмен қоп айтар әнің
Ережені кел бәріміз,
Жаттайық қайталап.
Қайырмасы:
Әрқашан күн сөнбесін
Аспаннан бұлт төнбесін
Қасымда болсын мамам,
Болайын мен де аман!
Тәрбиеші: Бүгінгі мерекеміз айналсын шежіреге,Әр балалар құлағын сап жүрсін осы ережеге!
Балалар, ешқашан жол әліппесін үмітпандар, деңсаулық тілеймың.сау болындар
Сценарий
«Жол жүру ережесін есте сақтайық»
Тақырыбы:«Жол тәртібін білейік, Аман – есен жүрейік»
