Тәрбиенің ең тамаша мектебі - отбасы
Бұл құжатта «Тәрбиенің ең тамаша мектебі-отбасы» тақырыбына арналған жиналыстың жоспары мен мазмұны бар. Мұнда ата-аналар мен тәрбиешілердің әріптестігін дамыту, балаларды тәрбиелеуде бірлескен күш-жігерді пайдалану мәселелері қарастырылады. Балалар тәрбиесіндегі отбасының рөлі ерекше, себебі бала өмірінің алғашқы қадамдарын отбасында атқарады. Сондықтан ата-аналар осы жауапкершілікті сезініп, балаларымен бірге өсіп, дамуға тырысуы қажет.
Жиналыс барысында «Достық» тренингі арқылы ата-аналардың арасында өзара қарым-қатынасты жақсарту мақсат етіледі. Ата-аналар шеңбер жасап, бір-біріне жылы лебіздер мен тілектерін білдіреді. Бұл процессте ынтымақтастық, мейірімділік және сыйластық атмосферасы орнауы тиіс. Сонымен қатар, «Мен қандаймын?» тренинг ойыны арқылы әр ата-ана өз отбасындағы орны мен рөлін анықтауға мүмкіндік алады, бұл олардың жеке дамуына ықпал етеді.
Ұсақ қол моторикасы мен топ бойынша ішкі мәселелерді қарау секілді әдіс-тәсілдермен балалармен жұмыс істеу тиімділігі арттырылады. Ата-аналар комитеті мен мүшелерін тағайындау да осы жиынның бөлінбес бөлігі. Сонымен қатар, ата-аналарға арналған түрлі тесттер мен сұрақтар да ұсынылады. Нәтижесінде, ата-аналар өз жауапкершілігін сезініп, балаларының тәрбиесіне белсене қатысуына мүмкіндік алады. Бүкіл жиын отбасылық тәрбиенің маңыздылығын тағы да бір мәрте ескертеді.
Тек қана ата-аналармен бірге, жалпы күш-жігерді біріктіру арқасында мұғалімдер балаларға үлкен адамдық бағыт беруі мүмкін.
В. А. Сухомлинский
Тақырыбы: «Тәрбиенің ең тамаша мектебі-отбасы».
Мақсаты: Бала тәрбиесіндегі балабақша мен отбасы ынтымақтастығын нығайту. Балабақша өмірімен таныстыру.Балалардың мінез-құлқы, бейімі, қызығушылығы, мүмкіншілігін тереңірек зерттеу. Ата-ана, бала, тәрбиеші үштігі арасында өзара сенім мен сыйластық орнауына ықпал ету.
Көрнекілігі:
Қатысушылар: балабақша ата-аналары.
Әдіс-тәсілі: пікірлесу,сұрақ-жауап,жедел тест.
Жоспар:
Ұйымдастыру кезеңі:
Шаттық шеңбері «Достық» тренингі.
Баяндама: «Тәрбиенің ең тамаша мектебі-отбасы»
«Мен қандаймын» тренинг ойыны.
Ата-аналарға арналған тест және сұрақ.
Ұсақ қол моторикасы.
Топ бойынша қаралатын ішкі мәселелер.
Ата-аналар комитеті мен мүшелерін тағайындау.
Қорытындылау.
Жиналыс барысы.
«Отан отбасынан басталады» демекші ата - аналар мен ұстаздар қауымы үшін жас ұрпақ тәрбиелеп, оны қоғам мүддесіне жарату кезек күттірмейтін мәселе. Осы мәселеге ата - аналар мен ұстаздар боп атсалыссақ, алар асуымыздың биік болары сөзсіз.
- Сәлеметсіздер ме құрметті ата – аналар? Біз сіздерді көргенімізге қуаныштымыз! Отбасы - өмірді кемеліне келтіретін, бақыт әкелетін қасиетті мекен. Отбасы – адам өмірінің тамаша жақтары жүзеге асатын, адамның ең басты шаттығы болып саналатын, баланың өсіп, өмір сүретін орны. Ал бала тәрбиесі отбасынан басталады, қалыптасады. «Балапан ұяда не көрсе, ұшқанда соны іледі» демекші жақсы – жаман әдеттерді бала отбасында үйренеді .Баламыз өмірден өз орнын тауып, бақытты өмір сүрсін десек, бала тәрбиесіне көңіл бөлуді ешқашан естен шығармайық.!
Шаттық шеңбері.
«Достық» тренингі
Мақсаты: тәрбиешілер мен ата-аналар арасында өзара қарым-қатынасын жақсарту. Ұжымдыққа, достыққа, сыйластыққа баулу. Бір-біріне жылы лебіздерін білдіру.
Шарты:Ата-аналар орты шығып шеңбер болып дөңгеленіп тұрайық. Мына лентаны мен ұстап: аты-жөнімізді, мамандығымызды, бір-бірімізге деген жылы лебіздерімізді білдіреміз. Мысалы: Менің атым: Әсия Телманова Ғиниятқызы. Мен «Жасұлан» балалар бақшасында тәрбиеші болып жұмыс жасаймын. Мен сізге әркез достықты болайық дегім келеді- деп лентаны қолымызға ұстап келесі ата-анамызға жалғаймыз. Жалғай-жалғай келе үлкен достық шеңбері шығады. Міне осындай үлкен достықта, лентадай берік, ажырамастай, тату, бірлікте болайық.
Баяндама: «Тәрбиенің ең тамаша мектебі-отбасы»
Ата-аналар комитетін және мүшелерін тағайындайық.
Енді «Мен қандаймын» тренингіне кезек берейік.
«Мен қандаймын?» тренинг ойыны
Мақсаты: әр адам өзін жеке тұлға ретінде сезіну. Өзінің жанұясында өзін қай деңгейде ұстайтыны екенін анықтау.
Шарты: Ата-аналар гүл, үй, күн тобы болып 3 топқа бөлінеді. Әрқайсыныз сол суретің ішіне отбасы мүшелерін және өзіңіздің есімдеріңізді жазасыздар.
Нәтижесі: Егер өзіңіздің есімдеріңізді басына жазсаңыз. Сіз өзіңізді отбасы мүшелерінен биік санайсыз. Өзіңіздің жағдайын бірінші ретке қоясыз. Ал, егер өзіңіздің есіміңізді ортасына қойсаңыз, онда сіз отбасыңыздың ортасындасыз. Екі жақты бірге ойлайсыз. Егер есіміңізді соңына жазсаңыз. Онда сіз бауырмал жансыз. Ата-ана, бауырларыңыз бірінші ретте тұрады. Өзіңізді соңынан ойлайды екенсіз.
Енді ата-аналар сіздерге арналған тест және сұрақтарымыз бар.Жауап берулеріңіз сұралады.
Ата-аналарға арналғантест және сұрақтар
1.Өскенде балаңыз кім болғысы келеді?
А) Дәрігер
Ә) Әнші
Б) Елбасы
В) Сарбаз
2.Балабақшадағы тәрбиешілерінің есімдерін білесіз бе?
_______________________________________________________________________________________
3.Балаңыз отбасында «кімнің баласы?»
А) Атасы мен әжесінің
Ә) Әкесінің
Б) Анасының
В) Бәрінің
4.Балаңызды қалай еркелетесіз?
_______________________________________________________________________________________
5.Балаңыз неден қорқады?
А) Қараңғыдан
Ә) Иттен
Б) Жалғыз қалудан
В) Қорықпайды
6.Бала, отбасы, ата - ана тақырыбында бірнеше мақал айтып берсеңіз?
_______________________________________________________________________________________
7.Балаңыз күнделікті ұйқыға кетерде нені қалайды?
А) Ертегі
Ә) Әлди әнін
Б) Арқасын сипалағанды
В) Ойыншығын құшақтағанды
8. Балаңызбен соңғы рет бірге жаттаған тақпағыңызды айтып беріңізші?
_______________________________________________________________________________________
9.Балаңыз қандай өнерге бейім?
А) Әнге
Ә) Биге
Б) Сурет салуға
В) Мүсіндеуге
10. Балаңыздың топта бірге ойнайтын жақын достарын атап бере аласыз ба?
_______________________________________________________________________________________
11.Балаңыз кімді идеал тұтады?
А) Әкесін
Ә) Елбасын
Б) Тәрбиешісін
В) Мультфильм кейіпкерін
12.Балаңыздың бойындағы қандай мінезіне көңіліңіз толады және қандай
мінезінің өзгергенін қалар едіңіз?
__________________________________________________________________________
Ұсақ қол моторикасы
Шарты: Жануарлардың жемтігін табу.
Қорытындылау.
Бүгінгі бас қосуымыз аяқталып келеді. Балаларымыз аман болсын.Еліміздің үлгілі азамат пен азаматшасы болсын! Келіп, көріп, қатынасқандарыңыз үшін көп-көп рахмет.
