Үштілділік – мәдени тұлғаны қалыптастырудың негізі
Бүгінде үштілділік – қоғамдық дамудың маңызды компоненттерінің бірі. Ол балаларға тек тілдерді үйретіп қана қоймай, олардың мәдениетпен, дәстүрмен, тарихпен танысуына мүмкіндік береді. Шет тілдермен таныстыру, әр ұлттық мәдениетті танып-білу арқылы бала өз бойында жан-жақтылық, кеңпейілдік, толеранттылық сияқты адами қасиеттерін қалыптастырады.
Мектепке дейінгі тәрбиелеу мен үйрету кезеңінде балалардың әлеуметтік ортаға ықпалдасуы, ұлттар арасындағы достық қарым-қатынас, мемлекеттік тіл құндылықтарын меңгеру өте маңызды. Ауызша сөйлеу қабілеттерін дамыту, қазақ және ағылшын тілдері бойынша білім алу балалардың танымдық белсенділіктерін арттырады. Оларды тілді тұрмыстық жағдайларда қолдануға бағыттау, білімді тәжірибеде көрсету – тәрбиенің негізгі мақсаты.
Мемлекеттік «Үштұғырлы тіл» бағдарламасының аясында қазіргі технологияларды пайдалану білім сапасын арттыруда тиімді нәтиже беруде. Педагогтар балаларға тілдік құзыреттілікті қалыптастыру үшін көрнекі материалдар мен заманауи әдістемелерді қолдана отырып, әр сабақта қызықты да тиімді оқыту үлгілерін ұсынуы қажет. Бұл олардың жеке тұлға ретінде дамуына және тілдерді меңгеруіне мүмкіндік береді.
