Чыршы бәйрәме: Теләгәнчә күңелле һәм мавыктыргыч матурлык

«Чыршы бәйрәме»                                                
(икенче кечкенәләр төркеме өчен сценарий)
Музыка астында балалар залга керәләр.Чыршы тирәли түгәрәккә басалар.
А.б.  Бакчабызда бик жылы,
         Чыршыбыз да бик якты,
         Яна елны каршылыйбыз
         Биибез дә,жырлыйбыз…
         Чү, каяндыр тавыш килә!
         Тып-тып итеп кем керә?
         Кемдер ап-ак карга батып,
          Бирегә бик ашыга!

Балалар утыралар
               
(Борынсыз ,борчылып Кар бабай керә)
А.б.  Исәнме ,Кар бабай!
Кар бабай  Исәнмесез балалар!
                   Исәнмесез нәниләр!
         (үкереп елый башлый)
А.б.   Кар бабай!
          Нәрсә булды?Ни өчен
          Күз яшьләрең коясын?
Кар бабай  Басып тордым урамда.
                    Куян килде яныма.
                    Кишер-борыныма кызыгып
                    Алып китте еракка.
А.Б. Әйдә сиңа борын алып килик.
Кар бабай   Яна борын кирәкми!
                     Куянны тотып әрлим!
                     Үземнең кишеремне
                     Мин инде эзләп китим.
А.б.  Кар бабай,син борчылма
         Матур чыршыга кара!
         Әйдэ эле, Кар бабай,
         Безнен белән уйнап ал!
Кар бабай  Уйнарга мин яратам—
                   Үземнең бияләемне уенга алып килдем
       “ Бияләй “ уены
   
            (балалар урындыкларга утыралар)
Кар бабай  Рәхмәт сезгә,балалар,
                    Мине биеттегез,уйнаттыгыз
                   Инде хәзер,Кыш бабайны
                    Бергә чакырабыз?!
(музыка астында Кыш бабай һәм Кар кызы керәләр)
Кыш бабай  Исәнмесез,балалар!
Кар кызы   Исәнмесез,кунаклар!
       Яңа ел белән сезне,Яңа бәхетләр белән!
Яңа елда зур үсегез,
Көн дә артсын көчегез.
Ел үсәсен ай үсегез!
Илгә хезмәт итегез!
Яңа елда уңышлар
Телим сезгә мин, дуслар!
Кыш бабай   Без урманнан сезгә ашыктык
                      Бәйрәмгә килер өчен.
                      Бүләкләрне күптән тутырдык
                       Сезгә таратыр өчен.
Сезне Яна ел белән котлыйм.Акыллы, дәү булып үсүегезне телим.
Ә чыршылары—безнен урмандагы ин матур чыршы, ничек матур бизәлгән,уенчыклар,ялтыравыклар—ниләр генә юк монда! 
А.Б. Кыш бабай,Кар кызы безнең балалар сезгә бик матур җыр әзерләделәр ,тыңлап китегез әле
                  Җыр “Чыршыкай”                
1. Ямь-яшел ылыслары,балкып тора утлары
   Чыршыкай-чыршыкай,бигрәк матур чыршыкай.
2.Сина килгән кунаклар,аюлар һәм куяннар
   Чыршыкай-чыршыкай,бигрәк матур чыршыкай.
3.Әйлән-бәйлән уйныйбыз,биибез дә жырлыйбыз
   Чыршыкай-чыршыкай,бигрәк матур чыршыкай.

Кыш бабай  Рәхмәт,бигрәкләр дә матур итеп җырладыгыз.
 А.б.  Бабакай,син тынлап утыр,ә балалар сиңа шигырьләрен сөйләп күрсәтерләр
     Шигырьләр :
1.Исәнме чыршы, исәнме,
Яңа ел килеп җитте.
Күңелле чыршы бәйрәмен,
Балалар күптән көтте.
2.Чыршы, чыршы яңа елда,
Матур итеп бизәлгән.
Баштан алып аска кадәр,
Уенчыклар тезелгән.
3.Без чыршы янында,
Биибез һәм уйныйбыз.
Чыршыдагы утларга
Сөенешеп карыйбыз.
4.Күрегез бу чыршыны!
Чыршының да чып-чыны.
Нинди төз, матур, биек-
Тора түшәмгә тиеп.
Балкып яна утлары,
Матур уенчыклары.
5.Күрегез чыршы апаны
Матурланган, киенгән.
Безгә калын урманнан,
Ул кунак булып килгән.
6.Чыршы, чыршы яңа елда
Матур итеп бизәлгән.
Безне нәни дусларын,
Шатландырасы килгән.
7.Чыршы, чыршы без сине,
Сагынып көттек ел буе.
Син тагын да матур булып
Бизәлгәнсең бу юлы.
       Җыр:” Кар бөртеге.”
Бию:” Әйлән- бәйлән”.

          ( Музыка астында     Куян килеп керә)
Куян
Кемнәр мине чакыра
Үзләренең янына.
Менә мин килдем монда,
Балаларга кунакка.
Кар бабай  Менә кем кишеремне
                   Үзенә алып киткән икән!
                     (куянны куа башлый)
Куян  Мине бик тиз тоттылар!
           Булды,житте –биреләм.
          Урлаган кишеремне
          Сезгә кайтарып бирәм!
(кишерен Кар бабайга бирә)
Кар кызы   Курыкма бездән син куян!
                   Тимәбез сиңа бүген.
                   Бүген монда зур бәйрәм
                   Мин сиңа бүләк бирәм.

          (куянга зур кишер бирә.)
Куян  Әй,куяннар килегез
           Матур итеп биегез
        
      ( «Куяннар” биюе башкарыла)

1. Ак куян,йомшак куян

Безгә кунакка килгән.
Койрыгы кыска гына
Колагы җиргә тигән.
     2.Әйдәгез, кунакларны,
         Кишер белән сыйлыйбыз.
         Тыпыр-тыпыр,тыпыр-тыпыр
        Сикерешеп уйныйбыз.
Куян белэн Кар бабай  Рәхмәт сезгә балалар,бигрәкләр дә матур итеп жырлап-биеп курсәттегез,безгә инде кайтырга вакыт та жите. Сау булыгыз,киләсе очрашуыбызга кадәр!
         
              Куян,Кар бабай чыгып китәләр.
А.б.   Чыршы өчен ,Кыш бабай,
         Рәхмәт әйтәбез бергә!
          Алия шуның өчен
          Жыр жырлый хәзер сезгә.
   Җыр    «Чыршы»
«Өшетәм» дигән уен башкарыла
Кыш бабай   Рәхмәт сезгә балалар,биедегез,жырладыгыз.Шундый оста,булган балалар икән сез.Бәйрәмегез бик күнелле үтте.Миңа китсәм дә буладыр инде.
Кар кызы   Әй,Кыш бабай,хәйләкәр дә инде үзең,балалар сиңа үзләренең бөтен һөнәрләрен күрсәттеләр,ә син?Балалар да сиңа карап торсыннар әле,әйдә әле,бер бие(Кыш бабай бии)
Кар кызы Кыш бабай,син бүләкләрне
                 Оныттыңмы бирергә?
                 Әллә инде балаларны
                 Яратмыйсыңмы,бер дә?
Кыш бабай  Әй,мин онытканмын да,
                    Бар да килегез монда
                    Капчыкта бар бер йомгак
                    Артыннан йөгерик тизрәк!
(чыршы эйлэнэсендэ йөгереп сандык табалар)
        
Кыш бабай  Ә-ә,менә нәрсә икән
                      Монда бит бүләк икән.
                      Бүләклэрне алыгыз,
                      Кар кызы белән мине
                      Сагынып искә алырсыз!
               (бүләкләр тараталар)
Кыш бабай  Чыршы әйләнәсендә
                     Жырлап биедек бергә.
Кар кызы  Яна елны каршылау
                   Күнелле булды безгә.
Кыш бабай  Ә хәзер безгә кызым белән китәргә вакыт,безне икенче бакчада балалар көтә.Сау булыгыз!
Балалар  Сау булыгыз!
А.б. белән балалар чыршыны тагын бер мәртәбәәйләнеп чыгалар һәм төркемнәренә китәләр.