7 саны мен цифры: Ашық ұйымдастырылған оқу қызметі

Ашық ұйымдастырылған оқу қызметінің технологиялық картасы

Білім беру саласы: «Таным»
Бөлімі:Математика.
Тақырыбы: 7 саны және цифры.
Мақсаты: 7 саны және цифры мен таныстырып, апта күндерін атауды үйретуді жалғастыру.
Міндеттері:
Білімділік:7 көлемінде сандық есептеу дағдысын дамыту,сандарды тура жәнекері санауға, сандар көршісін атауды, кеңістікті бағдарлау ұғымдарын дамыту. Геометриялық пішіндер туралы білімдерін кеңейту.
Дамытушылық:Балалардың білімін дамытушы ойындар арқылы әртүрлі тап-сырмаларды орындай, салыстыру, санау топтау дағдыларын ойын арқылы да-мытып, санамақ айту арқылы сөздік қорын молайту, ой-өрісін дамыту.
Тәрбиелік:Балаларды тарқырлыққа, іздемпаздыққа тәрбиелеу.
Әдіс-тәсілдер: Сұрақ-жауап, көрсету, түсіндіру, теңестіру, салыстыру, дамы-тушы ойындар, санамақ, сергіту жаттығуы.
Көнекіліктер мен жабдықтар:Үйшік, 1-ден 7-ге дейінгі сандар. «Адасқан санды жина» ойыны, санамақ. «Біркелкі қолғапты біріктір» тіктөртбұрыш пен квадрат, түрлі-түсті жолақшалар, сергіту сәті, апта күндеріне арналған карточкалар т.б.
Қостілділік компонент:Жеті-семь, сан-цифра, апта-неделя, жолақша-палоска.
Мотивациялық-қозғаушылық
Тәрбиеші:
Балалар, бүгін бізде ерекше күн, бізге қонақтар келіпті.
Қонақтарға «Сәлем – тәрбиенің басы» демекші, сәлемдесейік.

• Сәлемметсіздерме! (Балалар қонақтармен амандасады.)

Тәрбиеші:
Балалар,бүгін бізде, қарапаым математикалық ұғымдар туралы ашық оқу
іс-әрекеті.
Бүгін, біз 6 саны мен цифрын қайталап, жаңа цифрмен танысамыз. Мен сендерге «Бүгінгі күндерің сәтті болсын» деймін.

• Балалар қазір жылдың қай мезгілі?(Балалар қыс деп жауап береді.)

Тәрбиеші:

• Қыс мезгілінде не ай бар?(Үш ай бар деп жауап береді.)

Ұйымдастыру-іздестіру.
Тәрбиеші:

Жазық далада үлкен емес, кіші емес, бір үйшік тұрады. Сол жазық дала бойы-мен 1 саны жүгіріп келіп, үйшікті көреді де есікті қағады. (Балалар сандардың көрінісін келтіреді.)

• 1 саны: ешкім дауыс бермеген соң ішке кіреді. Осыдан мен тұрайын деп

отырады. (1 ші бала есікті қағып, үйге кіреді.)

• Балалар, бүгін 1 желтоқсан, қыс мезгілінің бірінші күні.

• 2 саны: келе жатып, жазық далада тұрған үйшікке жақын келіп, есікті

қағады. (2 ші бала есікті қағады.)

• Кім бар?(Үйдегі бала жауап береді.)

• 1 саны, мен – 1 саны, өте нәзік жіңішке.

Бір дегенім – бесік,
Шықтық содан өсіп.

• Ал сен кімсің?

• 2 саны: Мен 2 санымын, қызыға сен қарағын. (2 ші бала бірге тұрайыншы

деп рұқсат сұрайды.)
Екі дегенім – елім,
Далам, тауым, көлім.

• Мен сенімен тұрайыншы.

• 1 саны: Менің тапсырмамды орындасаң бірге тұрамыз. (1 ші бала

тапсырма береді.)
Тәрбиеші:
1 санының тапсырмасы мынандай: (Балалар тапсырманы орындайды.)
«Берілген суреттегі біркелкі қолғапты біріктір» деп аталады. Суретке қарап, бірдей қолғапты табамыз да, қарындашпен арасын қосамыз. (Тәрбиеші бала-лардың тапсырмасын қарап шығады.)
-Өте жақсы, балалар.
-3 саны келе жатып, жазық далада тұрған үйшікке келіп, есікті қағады.
-Кім бар?
1 саны: Мен – 1 санымын, өте нәзік, жіңішке.
2 саны:Мен – 2 санымын, қызыға сен қарағын.

• Ал сен кімсің?

3 саны:Мен – 3 санымен, құралған екі ілмектен.
Үш дегенім – үміт,
Үміт артар жігіт.
Мен сендермен тұрайыншы.
1-2 сандары: Біздің тапсырмамаызды орындасаң бірге тұрамыз. (Балалар тапсырманы орындайды.)
Тәрбиеші: 2 санның тапсырмасы мынандай:
Геометриялық пішінді пайдаланып, сурет салу. Тәрбиеші балалардың жұмысын бақылайды.

• Рахмет, балалар.

4 саны келе жатып, жазық далада тұрған үйшікке келіп, есікті қағады.

• Кім бар?

1-2-3 сандары:
Мен – 1 санымын өте нәзік, жіңішке.
Мен – 2 санымын,қызыға сен қарағын.
Мен – 3 санымын,құралған екі ілмектен.

• Ал сен кімсің?

4 саны: Мен 4 санымен, иілген үшкір шығанағым.
Төрт дегенім – төзім,
Төзе білем өзім.
Мен сендерге тұрайыншы.
1-2-3 сандары: біздің тапсырмамызды орынсаң бірге тұрамыз. (Балалар келесі тапсырманы орындайды.)
Тәрбиеші: Балалар, сандардың тапсырмасы мынадай: тіктөртбұрыш пен квадратты салыстырамыз. (Балалар тіктөртбұрышпен квадратты салыстырамыз.)
Балалар, қане тіктөртбұрыш пен квадратты салыстырамыз. Тіктөртбұрыштың қарама-қарсы қабырғалары бір-бірімен тең.

• Неше бұрышы бар?

Ал, енді квадратты салыстырайық. Квадраттың қабырғалары бір-бірімен тең болады. Қане қалай салыстыруға болады. Тіктөртбұрыштың үстіне квадратты салып салыстыруға болады.
5 саны келе жатып, жазық далада тұрған үйшікке келіп, есікті қағады.

• Кім бар?

1-2-3-4 сандары:
Мен - 1 санымын өте нәзік, жіңішке.
Мен – 2 санымын, қызыға сен қарағын.
Мен – 3 санымын, құралған екі ілмектен.
Мен – 4санымын,иілген үшкір шығанағым.

• Ал сен кімсің?

5 саны: мен 5 санымын
Бес дегенім – бақыт,
Бағалайтын уақыт.
Мен сендерге тұрайыншы.
1-2-3-4 сандары:Біздің тапсырмамызды орындасаң бірге тұрамыз.
Тәрбиеші: Балалар, келесі тапсырма мынандай: түрлі-түсті жолақшадан сатыны құрастырайық. (Балалар келесі тапсырманы орындайды. Түрлі-түсті жолақшадан саты құрастырады. Тақтаға бір бала шығады. Қалған балалар орындарыда орындайды.)
Бірінші қандай түсті жолақша тұр? (қызыл).
Ал, бесінші қандай жолақша тұр?
Тәрбиеші балалардың тапсырмасын тексереді.
6 саны келе жатып, жазық далада тұрған үйшікке келіп, есікті қағады.

• Кім бар?

1-2-3-4-5 сандары:
Мен - 1 санымын өте нәзік, жіңішке.
Мен – 2 санымын, қызыға сен қарағын.
Мен – 3 санымын, құралған екі ілмектен.
Мен – 4 санымын,иілген үшкір шығанағым.
Мен – 5санымын.

• Ал сен кімсің?

6 саны: Мен 6 санымын.
Алты дегенім – ақыл,
Тыңдағаның мақұл.
Мен сендерге тұрайыншы.
1-2-3-4-5 сандары:Біздің тапсырмамызды орындасаң, бірге тұрамыз. (Балалар алдарындағы карточкаларға қарап, адасқан сандарды қояды. Ал тақтада бір бала жұмыс істейді.)
Тәрбиеші: келесі тапсырма мынандай: «Адасқан сандарды жина» деп атады.
Тәрбиеші балалардың жұмыстарын бақылап, тексеріп шығады.
Өте жақсы балалар.
Тәрбиеші:Балалар, енді сергіту сәтіне де уақыт келді.
Сергіту сәті:
Бір дегенде тұрайық,
2, 3, 4 – алақанды соғайық (Балалар сергіту сәтін жасайды.)
Оң жаққа бұрылып,
Сол жаққа бұрылып
Бір отырып, бір тұрып,
Біз жүгіріп алайық
5 дегенде асықпай
Орнымызды табайық.
Ал, енді 7 саны және цифрымен танысайық 7 санын үйшікке қояды.
Тәрбиеші 7 санын түсіндіреді.

• Балалар, тақтада 6 алма тұр, оған тағы бір алманы әкеліп қоссақ неше

алма болады.(Балалар санайды. Салыстырады.)
Санайық. Барлығы нешеу?

• Балалар, салыстырайық 6 саны үлкен бе, әлде 7 саны үлкен бе?(1 ден 7 ге

ретімен санайды. Кері санайды.)

• Балалар, 7 саны 6 санынан кейін тұрады. Қане, 1 ден 7 ге дейін ретімен

санап шығайықшы:
1, 2, 3, 4, 5, 6, 7;
Ал, енді 7 ден 1 ге дейін кері санайық.

• Балалар бір аптада неше күн бар? 7 күн бар. (Балалар апта күндерін

көрсетіп, атап шығады.)
1 күн – Дүйсенбі
2 күн – Сейсенбі
3 күн – Сәрсенбі
4 күн – Бейсенбі
5 күн – Жұма
6 күн – Сенбі
7 күн – Жексенбі
Өте жақсы, балалар.
Балалар, 7 санын қазақта киелі сан дейді.
7апта.
7 күн.
7 қазына.
Тіпті Наурыз мерекесіндегі наурыз көжеге қосылатын заттың өзі де 7 заттан тұрады.
Рефлексивті-түзетушілік.
Тәрбиеші бүгінгі сабаққа қорытынды жасайды. (Балалар сұрақтарға жауап береді.)

• Балалар, біз бүгін қандай сандарды еске түсірдік?

• Қандай санмен таныстық?

• Қандай геометриалық пішіндерді салыстырдық?

• Жолақшалардан не құрастырдық?

Тәрбиеші балалардың жауабын алғаннан кейін, балаларға мақтау сөздер айтады.
Бүгін, сабаққа барлықтарың да жақсы қатыстыңдар. Рахмет сендерге.
Қане, келген қонақтармен қоштасайық. (Балалар қонақтармен қоштасады.)
Сау болыңыздар.
Күтілетін нәтиже:
Нені біледі:Балалар сандарды ретімен тура және кері санау, оларды салыстыру тәсілдерін білуі тиіс.
Қандай түсініктерді игерді:Балалар апта күндерін дұрыс атап, геометриялық пішіндерді айырып, оларды салыстыра білулері керек.
Меңгерген дағдылары мен іскерліктері:Ойын-жаттығулар, санамақтар, карточкалармен жұмыс жасай білуге тиісті.