Технологиялық карта: Тең таңбасы және 0-ден 5-ке дейінгі сандар
Ұйымдастырылған оқу іс-әрекетінің технологиялық картасы білім беру саласындағы таным бөліміне арналған. Бұл материал балаларға «=» таңбасымен танысуды және 1-ден 5-ке дейінгі сандарды қайталауды қамтамасыз етеді. Оқу үрдісінде балалар тек қолмен емес, сонымен қатар ойындар мен түрлі көрнекі құралдар арқылы оңай әрі қызықты түрде таныса алады.
Оқу іс-әрекетінің мақсаты – балаларға теңдік туралы түсінік беру, яғни, екі заттың немесе сандардың бірдей болуын түсіндіру. Бұл үдеріс барысында тәрбиеші балаларды қызықты сұрақтармен дайындық кезеңінен өткізіп, олардың қызығушылығын арттыруға тырысады. Мысалы, балалардан аптаның күндерін немесе белгілі бір сандарды атауды сұрау арқылы оларды белсенді қатысуға шақырады.
Құжатта балалардың сенсорлық, когнитивті және физикалық дағдыларын дамыту үшін әртүрлі жаттығулар мен ойындар ұсынылған. Білім беру процесінде қолданылатын технологиялық құралдар – түрлі суреттер, ойыншықтар, үлестірмелі қағаздар, санауға арналған таяқшалар, жұмыс дәптері және қарындаштар. Бұл құралдар сабақтың интерактивтілігін қамтамасыз етеді және балалардың зейінін арттырады.
Сабақ барысында балалар ойыншықтарды санау, теңдік белгісін танып, тапсырмалар орындау арқылы практикалық дағдыларын жетілдіреді. Сабақтың мотивациялық кезеңі ойындар мен жаттығулар арқылы баланың назарын аударады. Тәрбиеші балалармен бірге қызықты диалогтар жүргізеді, оларға фигуралар мен сандарды салыстыру арқылы математикалық ойлау қабілетін дамытуға көмектеседі.
Оқу іс-әрекетінің соңында балалар өздерінің алған білімдері мен дағдыларын пысықтау үшін «Жетістік шыңы» рефлексиясын орындап, топтағы пікір алмасуға қатысады. Бұл әдіс балалардың өздерінің жетістіктерін бағалауға және бір-бірімен ақпарат алмасуға мүмкіндік береді.
Ұйымдастырылған оқу іс-әрекетінің технологиялық картасы
Білім беру саласы: Таным
Бөлімі: ҚМТҚ
Тақырыбы: Тең таңбасы. 0-ден 5-ке дейінгі сандар.
Мақсаты: балаларды «=» таңбасымен, оның мәнімен таныстыру. 1-ден 5- ке дейінгі сандарды қайталау.
Билингвалды компонент: тең-равно-
Сөздік жұмысы: салыстыру.
Технологиялық қамтамассыз ету: суреттер, ойыншықтар, үлестірмелі қағаздар, санауға арналған таяқшалар, жұмыс дәптері, қарындаштар.
Іс-әрекет
кезеңдері
Тәрбиешінің басқару әрекеті
Балалардың іс-әрекеті
Мотивациялық-қозғаушылық
Балалардың әрекетке кірісуіне түрткі болу:
-Балалар бір аптада неше күн бар?
-Бүгін аптаның нешінші күні?
- Балалар, біз сендермен қандай сандармен таныстық? Қанекей, 1-ден 10-ға дейін тура және кері санайық.
- Бәрекелді, енді «көрші сандарды» атайық.
Тосын сәт.
-Балалар, бізге біреу келе жатқан сияқты. (Есіктен «Тең» таңбасы көңілсіз кіреді. Балалармен амандасады.
Тең таңбасы:
Балалар, мен өзімнің қандай таңба екенімді білмей тұрмын.
Тәрбиеші: - Балалар, сендер мынау қандай таңба екенін білесіңдер ме?
Балалар, ендеше бұл таңбамен танысу үшін математика әлеміне барайық. Ол үшін мына сиқырлы жолдармен барайық.
Балалар, мына үстелдегі ойыншықтарға қарайықшы. Оң жақта неше қуыршақ, сол жақта неше машина, бірге санайық.
Машина көп пе, қуыршақ көп пе?
Дұрыс айтасыңдар. Екеуі бірдей болса оларды тең деп айтамыз.
(тең таңбасын көрсетеді)
- Ал енді мына қоңыр сиырлар мен ала сиырларды санайық.
- Бұл сиырлардың саны да бірдей екен, яғни орталарына тең таңбасын қою керекпіз.
- балалар, тең таңбасын біз екі затты немесе екі санды салыстырғанда, екеуі бірдей ғана болса тең таңбасын қоямыз.
- Балалар, енді дәптермен жұмыс жасайық.
Алдымен саусақ жаттығуын жасайық.
Бір саусағым тіпті де,
Ұстай алмас жіпті де.
Екі саусақ бірікті,
Ине қолға ілікті.
Үш саусағым орамды,
Ұстай алам қаламды.
Өнерлі екен он саусақ,
Қала салсақ, жол салсақ.
Дәптермен жұмыс.
№1 тапсырма. Цифрлар мен нүктелерді тиісті зат санымен біріктір.
- Балалар, енді үстелге жақындап, санауға арналған таяқшамен тең таңбасын құрып көрсетейік.
Сергіту сәті.
«Stend up;henseuр”
№2 тапсырма. Үлестірмелі материалдармен жұмыс жасалады. Тірбиеші жеке жұмыс жүргізеді.
Балалар жауап береді.
Жоқ, білмейміз.
Балалар әндетіп сандар мен геометриялық пішіндерді айтады.
Балалар ойыншықтарды санайды.
Екеуі бірдей.
Балалар санайды.
Балалар қарайды.
Балалар саусақтарын жаттықтырады.
Балалар дәптердегі тапсырманы орындайды
Балалар таяқшалардан тең таңбасын жасайды.
Балалар ағылшын тілінде сергіту сәтін айтып, қимылмен көрсетеді.
Балалар тапсырманы орындайды.
Ұйымдастырушылық-ізденушілік
Бекіту.
«Жетістік шыңы» рефлексиясы орындалады.
Балалар өз ойларын білдіріп, адамдардың бейнесін тауға жапсырады..
