Тапқыр болсаң, талас жоқ
Бұл құжатта «Тапқыр болсаң, талас жоқ» атты сабақтың жоспары мен мақсаты туралы баяндалады. Сабақтың негізгі мақсаты - оқушылардың білімін тереңдету, өткен сабақтардағы материалдарды пысықтау және шығармашылық ойлау қабілетін дамыту. Оқушылардың логикалық ойлау, есте сақтау қабілеттерін жақсарту және ұйымшылдыққа тәрбиелеу - сабақтың маңызды аспектілерінің бірі.
Мектептердің білім беру бағдарламасында оқушылар арасында топтық жұмыстар мен ойындар өткізу маңызды орын алады. «Тапқыр болсаң, талас жоқ» сайысы оқушыларды белсенді қатысуға, ынтымақтасуға және өз парасаттарын көрсетуге ынталандырады. Бұл сабақта сұрақ-жауап, түсіндіру, көрнекілік сияқты әдістер пайдаланылады, бұл тек білімді өсірумен шектелмей, креативті ойлауды дамытуға да септігін тигізеді.
Сабақтың жоспары бірнеше кезеңдерден тұрады, соның ішінде топқа бөлу, топ басшысын сайлау және әділқазылар алқасын тағайындау бар. Әр топқа тапсырмалар беріліп, олар өздерінің білімдерін тексеруге мүмкіндік алады. Сабақтың әртүрлі тапсырмалары мен кезеңдері арқылы оқушылар өз білімін, логикалық ойлау қабілетін көрсете алады.
«Тапқыр болсаң, талас жоқ» сайысы - білімді әрі тартымды форматта меңгерудің тамаша тәсілі. Оқушылар бір-бірімен бәсекелесе отырып, бүгінгі білім алудың нәтижесі ретінде шығармашылық ойлауды дамытуға өз үлестерін қосады. Сабақ соңында жеңімпаз топ анықталып, дипломдармен марапатталады, бұл балалардың ынтасы мен біліміне жаңа серпін береді.
Тақырыбы: «Тапқыр болсаң. талас жоқ»
Мақсаты : 1. Оқушылардың алған білімдерін тереңдету,
өткен тақырыптар бойынша білімдерін пысықтау
2. Оқушылардың ой-өрісін кеңейту,шығармашылық өз бетімен жұмыс істеу қабілеттерін арттыру , логикалық ойлау,есте сақтау қабілетін дамыту
3. Ұйымшылдыққа, бірлікке тәрбиелеу,ізденімпаздыққа баулу,ұтқыр ойға ұтымды жауап беруге дағдыландыру
Сабақтың әдісі:Сұрақ-жауап,түсіндіру,көрнекілік.
Көрнекілік: суреттер,сызбалар,қанатты сөздер,карточкалар,логикалық есептер.
Сабақтың түрі:топтық жұмыс
Жоспар :
1.Оқушыларды топқа бөлу
2.Топ басшысын сайлау
3.Әділқазы алқасын сайлау
4.Әр топқа тапсырмалар беру
5.Қорытындылау
1 топ «Алғырлар» тобы
2 топ «Білгірлер» тобы
3 топ «Зейінділер» тобы
Жүргізілетін жұмыс түрлерімен таныстыру
«Тапқыр болсаң, талас жоқ.» сайыс
I-тур : « Кім жүйрік»
а.Топбасшысына арналған сұрақтар
II-тур: « Ойлан,тап!»
Ана тілі пәні
а.Құпия хаттарға жауап беру
ә.Мәтіннен үзінді:
б. Айшықты сөздер.
III-тур : « Кім жылдам ?»
I-тур « Кім жүйрік »
1-тапсырма.
Топбасшысына арналған сұрақтар
1 топ:
1. Қазақстан Республикасының мемлекеттік тілі. ( қазақ тілі)
2. Қ.Р. ақшасы қашан енгізілді? ( 15.11.1993 ж)
3. Түйе атасы кім? (Ойсылқара)
4. Күйді орындаушы адам ( күйші )
5. Заттың атын білдіретін сөз табы ( зат есім)
6. Жер бетінің қағаз бетіне өте кішірейтіліп салынған бейнесі? (географиялық карта)
7. Суретші ата? (ә. Қастеев)
2топ
1. Әліппенің атасы кім? (Ахмет Байтұрсынов)
2.. Жаңа әнұранның сөзін кім жазған?( Ж.Нажмиденов, Н.Назарбаев)
3..Қ.Р. тұңғыш ғарышкері кім? ( Т.Аубакиров)
4.. Көру мүшесі не?
5. Қазақстанмен шекаралас 5 мемлекет? (Ресей, Қытай, Қырғызстан, Өзбекстан, Түркіменстан)
6. Заттың қимылын білдіретін сөз табы? (етістік)
7. Тіктөртбұрыштың ауданын қалай табамыз?(Енін ұзындығына көбейтеміз)
II Тур «Ойлан,тап!»
1 тапсырма Құпия хаттарға жауап беру
I -топ
Құрметті достар!Менің көршімнің бір баласы бар.Өзі өтірікші,көзбе-көз өтірік
айта қояды.Маған күнде келіп ойнағысы келеді.Мен өтірік айтқанды жаным
сүймейді.Менің онымен ойнағаным дұрыс па?
II-топ
Құрметті оқырмандар! Менің бір досым бар.Өзі мақтаншақ.Ойнап жүргенде
үй-ішін айтып ,алған ойыншықтарын көрсетіп мақтанады.Және өзінен кіші
балаларды үнемі ренжітеді.Мен онысын ұнатпаймын.Бірақ ойынды жақсы
ойнайды.Мен осы баламен дос болайын ба,айтыңдаршы?
2-тапсырма
Мәтінен үзінді:аты,авторы
1топ
Шынында да бұл күнде Аян қайда екен?Тірі ме екен? Ондай бала тірі
болуы тиіс.Ондай бала алдына нендей мұрат қойса да жетеді.Ал тірі болса ,
Жусанды төбеге бір оралмауы қалай?!Жусанның иісін сағынбауы мүмкін
емес қой. ( Жусан иісі. С.Мұратбеков)
2-топ
-Иә,Қызыл Жебе,Сахалин тым-тым алыс.Әрі десе,міне, біздің жылы жаққа да қыс түсейін деді. Ал, Сахалинде қазір қақаған аяз. Ондағылар ит жеккен шана мініп жүреді.- Ол қайтадан картаның алдына барды.( Шерхан Мұртаза. Бала Тұрар.)
3-тапсырма
«Айшықты сөздер»
Бұл тапсырмада бірнеше тұрақты сөз тіркестері беріледі.Бұл сөздермен ана тілі
пәнінен шығармаларда танысқанбыз. Әр топқа 3 сөз тіркесі беріледі.
Ойланып,мағынасын айтуларың керек.
1.Қабағынан қар жауды (ашуланды)
2.Бетінен оты шықты(ұялу)
3.Ит өлген жер (алыс)
1.Төбе шашы тік тұрды (қорықты)
2.Көзді ашып-жұмғанша (тез,лезде)
3.Таяқ сілтем жер (жақын)
III-тур « Кім жылдам ? »
1 тапсырма. "Сиқырлы сандар"
1 топқа. Сөйлемдегі сөздерге дыбыстық талдау жаса.
Ұлының ақылды сөзіне көңілі толған ана елжіреп,оның маңдайынан сүйеді.
2 топқа. Сызба байынша сөйлем құрап,қыстырма сөзді тап.
Қорытынды. Жеңімпаз топты анықтау. Дипломдармен мадақтау.
Тауды биік деме сен,
Талаптансаң шығарсың.
Қарсылас мықты деме сен,
Білімді болсаң шығарсың- дей келе сайысымызды аяқтаймыз.
