Аналар – асыл қазынам!
Әрбір адам өмірінде ананың маңызы ерекше. 8 наурыз халықаралық аналар мерекесі - бұл күн бала мен ана арасындағы ерекше байланысты нығайтуға, ихтиластыгы мен сыйластықты арттыруға арналған. Мереке, ең алдымен, аналарымызға деген махаббатымызды, оларға деген құрметімізді көрсету үшін туындаған. Бүгінгі мерекенің басты мақсаты балаларға аналарын ешқашан ренжітпеуді және оларды қолдауды үйрету. Осындай күндерде біз аналарымыздың тәрбиесін, олардың бізге беретін шексіз махаббаттарын еске аламыз.
Балалардың өз анасына деген сүйіспеншілігі мен құрметі, олардың өміріне келген сәтінен бастап қалыптаса бастайды. «Ана» деген сөздің өзі жылу мен мейірімділікті, қамқорлық пен сүйіспеншілікті білдіреді. Әрбір бала үшін анасы - оның үлгісі, әрі алғашқы ұстазы. Аналарымыз бүгінгі күні өздерінің сәбилерінің арқасында өмір сүреді. Олар үшін балаларын жақсы тәрбиелеп, өмірде бақытты ету - басты мақсат. Мерекелік шаралар барысында балалар аналарын құттықтап, оларға деген жақсы тілектерін жеткізеді.
Мереке ағымында балалар тақпақтар айтып, әндер шырқайды, би билеп, аналарын қуантуды мақсат етеді. Көктемнің алғашқы күні, баршаға қуаныш әкеліп, жақсы көңіл-күй сыйлайды. Біз тек аналарды емес, сонымен қатар әжелерді де ұмытпауымыз керек, себебі олар біздің өміріміздің бір бөлшегі. Әже - баланың ең жақын досы, анасын қолдаушы, аларына бақыттың алтын кілті. 8 наурыз - аналар мен әжелерімізге құрмет көрсету, оларға деген шексіз сүйіспеншілігімізді білдіру уақыты.
Тақырыбы:Аналар – асыл қазынам!
Мақсаты: Балаларға 8 - наурыз халықаралық мейрамы екенің ұғындыра отырып, аналарын ешқашан ренжітпеуге, қолғанат болуға, әрқашан құрметтей білуге тәрбиелеу.
Жүргізуші: Қымбатты балалар, сүйікті апалар, құрметті әріптестер! Бүгін біз көктемнің алғашқы мерекесі күні әсем залға 8 - наурыз аналар мерекесін тойлауға жиналып отырмыз. Мерекелеріңіз кұтты болсын!
Бала, бала, бала деп,
Түнде шошып оянған
Түн үйқысын төрт бөліп,
Түнде бесік таянған.
Бұл кім?
Балалар: Ана, ана, ана!
Жүргізуші: Құрметті апалар, қадамдарыңа гүл бітсін, сіздерге арналған мерекемізді бастаймыз.
Бүгін наурыздің 8 - і
Сүлулықтың негізі
Әдемі сөз адамның
Анаға айтар лебізі.
Тақпақтар:
1-бала: Таң қалғандай ғалам
Кім сұлу адам
2-бала: Анам менің сүйіктім
Тек өзіңе табынам.
3-бала: Мен анамды сүйемін
Құшағына енемін.
4-бала: «Боташым» дер саған
Кім сүйікті адам
Ол - менің анам.
5-бала: Құтты болсын, анашым,
Құтты болсын мерекең!
6-бала: Анам менің «Күнім» дейді
Мен қуансам күлімдейді.
7-бала: Ақ анашым, аппағым,
Өзің жайлы тақпағым,
Өзің жайлы әнім де,
Арнадым саған бәрін де.
8-бала: Анам менің «Айым»дейді
Мен мұңайсам «уайым» жейді.
Би: Көбелек.
Жүргізуші: Бүгінгі мереке күні әжелерімізді де мерекелеріңізбен құттықтаймыз. «Қариясы бар үйдің, қазынасы бар» деп бекер айтылмаған. Келесі құттықтауларымыз сіздерге арналады құрметті әжелер.
Тақпақтар:
1-бала: Мені жақсы көреді,
Күндей күліп жүреді,
Көп ертегі біледі,
Маған айтып береді.
2-бала: Әлпештеген аялаған
Ақ сүт берген апатайым.
Сәлем жазып бүгін саған,
Мейрамын мен құттықтаймын.
3-бала: Менің әжем мейірбан,
Мені жақсы көреді.
Қажетіне жарасам,
Жас балаша күледі.
4-бала: Әр сөзімді жаттаған,
Жүрегімде сақтаған,
Анашым деп мақтанам,
Айналайын ақ мамам.
6-бала: Ақ қабақты анашым,
Күн сәулелі анашым.
Әлпештеген баласын,
Айналайын анашым.
7-бала: Әже деген көп шығар,
Әжемдей жоқ шығар.
Мейірімді бұл кісі,
Қандай ғажап күлкісі.
8-бала: Менің әжем жыр әжем,
Шуағы мол, нұр әжем.
Есік қағылып көк көйлек киген Ару көктем кіріп келеді.
Ару көктем:
Мен көңілді көктеммін,
Былтыр келіп кеткенмін.
Көзін ашып бұлақтын,
Түбіне тал екенмін.
Гүл боп қырда егілем,
Дән боп жерге себілем.
Жаңбыр болып жауам да,
Нұр боп көктен төгілем.
Шуағын төгіп әлемге.
Жылуын күннің әкелем.
Табиғаттың төсіне тіршілігін сыйлаймын.
Жүргізуші. Амансың ба, Ару көктем? Ұлан - байтақ жерімізге қош келдіңіз. Шуағыңды шаттандырып, нұрыңды мол төгебер.
Көктем: Мынау менің құшағым толы қыр гүлін, гүлдей жайнаған қыздарға сыйлағым келіп отыр.- деп гүлдерді таратады. Осы гүлдей, құлпыра беріңдер, аяулы аналар, әжелер, мерекелеріңіз құтты болсын!
Ойын:»Кім тез гүл тереді?»
Жүргізуші: Ал, Ару көктем біздің балаларымыздың өзіңе арналған өлеңдерін қабыл ал.
Тақпақтар:
1-бала: О, Алақай балалар
Шақырады далалар
Көктем келді гүл алып
Құстар келді жыр алып.
2-бала: Келді көктем күнің,
Күлімдейді гүлің -
Алтын ойлы Анам,
Мерекеңіз бүгін!
3-бала: Біз доспыз гүлдермен,
Текке оны жұлмаймыз
Той күні бір - бірден
Аналарға сыйлаймыз.
Ән: «Ақ мама»
Жүргізуші: Ананың әрбір сөзі жылылыққа толы. Ананың көз нұры, мейірімі тастай мұзды да жібітеді. Сүйікті аналар, сіздерге деген балаларымыздың жылы лебіздерін қабыл алыңыздар.
Тақпақтар:
1-бала: Анамды мен жақсы көрем,
Айтқан тілін алып жүрем.
Қасымда анам жүргенде
Шаттанып ойнап күлем.
2-бала: Қуанышы баланың
Бізді өсірген анашым.
3-бала: Сенен өскен балалар,
Батырлар мен даналар
Құттықтаймыз мейраммен
Құрметті аналар.
4-бала: Шашымды өріп тараған,
Қабағыма қараған
Үлкен кіші демейді,
Сыйлайды оны бар адам.
Музыка шығады:
Тәрбиеші: Балалар бүгін біздің мерекеге тағы бір қонақ келе жатқан сияқты.
Көңілді музыка ырғағымен Сайқымазақ кіріп келеді.
Сайқымазақ: Жан - жағыма қарасам,
Қонақтар өте көп екен.
Ұлдар да көп, қыздар да көп
Апайларда мұнда көп
Мен сайқымазақпын,
Ақылыма көркім сай.
Ұнаймын жұрттың бәріне
Үлкенге де, кішіге.
Келіп қалдым мен бүгін,
Құттықтауға сіздерді.
Аналарды, қыздарды
Сүйікті әжелерді.
Тәрбиеші: Рахмет, саған Сайқымазақ!
Сайқымазақ: Мен билегенді жақсы көремін. Кім менімен билейді?
(Балаларды билету) Би: «Аяқпенен топ, топ, топ»
Ойын «Кір жаю»
Шарты: Балалар шелектен жуылған бет орамалдарды алып беріп тұрады, ал әкелер жіпке іледі. Бірінші болған топ шелектерін қолдарына алып орындыққа отырады.
Ән «Қошақаным»
Ата - аналарға құттықтау сөз кезегін беру
Тәрбиеші: Сүйкімді ғой балалар
Өнерлі ғой баршасы
Міне, осындай қойылым
Көрсетті «Бүлдіршін» тобы.
Құрметті аналар мен әжелер! Сіздерді «Бүлдіршін» тобының бүлдіршіндері атынан шын жүректен құттықтаймыз. Аяулы аналарымыз, ардақты әжелеріміз, сүйкімді балаларымыз әрқашан аман болсын!
