Тәуелсіз Қазақстаным!
«Тәуелсіз Қазақстаным!» атты оқиғаларды топтастырған мерекелік салтанат Қазақстанның көп ұлтты мемлекет екендігіне, азаматтардың тыңнан туған патриоттық сезімдері мен Отанға деген махаббатына назар аударады. Шара барысында балалар салтанатты түрде залға кіреді, қолдарында ту ұстап, елімізге деген құрметтерін көрсетеді.
Мерекелік бағдарламаның модераторы ұлттың болашағына сеніммен қарап, балаларға Қазақстан Республикасының Тәуелсіздігін тойлаудың маңыздылығын түсіндіреді. Оларшы балалар өз туын көтеріп, ұлттық әнұранды орындап, барлық көрермендерге шынайы қуаныш сыйлайды.
Осы мерекелік кеште балалар еліміздің рәміздері жайлы, Президент туралы, халқымыздың ұлы тұлғалары мен тарихымыздағы маңызды кезеңдер туралы айтып, ой бөліседі. Бұл тек қана мереке емес, сонымен қатар, патриотизмнің, елді сүюдің, қазақ елінің бай мәдениетін ұлықтаудың көрсеткіші.
Келесі кезекте, балалардың орындауындағы тақпақтар мен билер Қазақстанымыздың түрлі этникалық топтарының бірлігін, ынтымағын, және халықтың рухани байлығын көрсетеді. Жас жеткіншектер тек ғана ұлттық мәдениетпен емес, әлемдік мәдениетпен де таныса отырып, жаңа мүмкіндіктер аясында дамуға, ұрпағын тәрбиелеуге дайын болуға ұмтылады.
Шараның аяқталысымен, балалардың нық сенімі мен азаматтық жауапкершілігі еліміздің болашағы жарқын екендігін көрсетті. «Болашақ» тобының әрбір қатысушысы біздің еліміздің келешектегі жетістіктерінің символы. Тәуелсіздік күніне арналған бұл ерекше кешті өткізудің мақсаты – көп ұлтты елімізді қолдау, оны дәріптеу, және халқымыздың бірлігін, татулығын, ынтымағын нығайтуға бағытталған.
«Тәуелсіз Қазақстаным!»
Мақсаты:Қазақстанның көп ұлтты мемлекет екендігін түсіндіру.
Балаларды елін, жерін сүюге тәрбиелеу. Отансүйгіштік, Отаны үшін мақтаныш сенімдерін қалыптастыру және тәрбиелеу.
Мерекеге байланысты безендірілген зал әдемі сазды әуенмен балалар (қолдарында ту ) залға кіріп, орындықтарына жайғасады.
Жүргізуші: Армысыздар, құрметті ата – аналар, бүлдіршендер және қадірменді қонақтар! Бүгінгі «Болашақ» тобының Тәуелсіздігіміздің 24 жылдығына арналған «Тәуелсіз Қазақстаным!» атты мерекелік ертеңгілігімізге қош келдіңіздер!
Жүргізуші: Шайқалмасын ешкімнің шаңырағы
Бақыт көрсін Отанның сан ұланы.
Енді ағайын, көгінде қалықтасын.
Қазағымның қастерлі – Әнұраны!
Әнұран: «Алтын күн аспаны» орындалады.
Жүргізуші: Балалар біз қандай елде тұрамыз?(Қазақстанда)
Жүргізуші:Қазақстан қандай ел? (Тәуелсіз, бейбіт ел).
Жүргізуші:Балалар, Отан деген не? (Отан – біздің еліміз, жеріміз, туған – туыс бауырымыз, ауыл – қаламыз, туып – өскен жеріміз)
Жүргізуші: Балалар, сендер тамаша жауап бердіңдер.
Жүргізуші: ҚР Президенті кім? (Н.Ә.Назарбаев)
Жүргізуші: ҚР бас қаласы қай қала? (Астана)
Ал, енді қадірменді қонақтар, ата – аналар балаларыңыздың Тәуелсіздік күніне арнап жаттаған тақпақтарын ұсынамыз. Қабыл алыңыздар!
1.Абаева Елдана
2.Байркенова Жанель
3.Бекназарова Карина
4.Дәулетұлы Нұртуған
5.Жуматаева Алина
6.Ербол Ерасыл
7.Ержомарт Ерке
8.Қанатұлы Әбілсейіт
9.Қайырбаева Аружан
10.Қапақ Айша
11. Тұрар Нұрболат
12.Қауая Нұрай
13.Қарқынұлы Қайрат
14.Серікқызы Альмира
15. Мәндетқызы Ділнар
16.Жақсыбай Барысбай
17.Мукашева Еркежан
Жүргізуші: Қазақстан Республикасының рәміздерін айтыңдаршы, нелер? (Ту, Елтаңба, Әнұран)
Жүргізуші: Жарайсыңдар, балалар!
Жүргізуші: Олай болса, балалар, қонақтарымызға «Көк тудың желбірегені» атты өлеңімізді тарту етейік!
Ән: «Көк тудың желбірегені»
Жүргізуші: Мың бұралып билеген,
Аруды кім сүймеген.
Күміс көмей аруларға,
Кімдер басын имеген-дей отырып келесі кезекте «Болашақ» тобының ару қыздары Бекназарова Карина мен Байркенова Жанельдің орындауында «шығыс» биін тамашалаңыздар.
Би: «Шығыс»
Жүргізуші: Күміс күй мен әнге толып тұла бой,
Қуанышқа кенелтеді асыл ой.
Шаттандырған баласы мен бабасын,
Тәуелсіздік күні бүгін ұлы той!
Шырқар әсем әні бар,
Сүйкімді нұр – сәні бар.
Бойында ақыл, ары бар.
Ізетті де, инабатты,
Білгір де, талантты.
Ұлдарыңыз Қанатұлы Әбілсейітті «сарбаздар» әнімен бір топ қыздардың биін тамашалаңыздар!
Ән; би: «Сарбаздар; қазақ биі»
Жүргізуші: Құтты бақ төрінде той бүгін,
Құттықтап құшағын жайды күн.
Ақтарып, туған жер байлығын,
Мақтан ғып тойлаймыз біз бүгін!
Алдарыңызға «Болашақ» тобының арулары Абаева Едана мен Қапақ Айшаның орындауында «Өзбек биін» қабыл алыңыздар!
Би: «Өзбек биі»
Жүргізуші: Төле би, Ер Қазыбек, өткір тілді Әйтеке,
Алатау Қазығұрттай биік еді.
Бірі күн, бірі жұлдыз, бірі айдай.
Заманға сәйкесімен келіп еді.
Олай болса, ортаға Төле би, Қазыбек би, Әйтеке биді шақырамыз.
Қазыбек би: Уа, халайық!
Аттың күші атқарған тірлігінде,
Ағайынның күші топтасқан бірлігінде.
Төртеу түгел болса – төбедегі келеді,
Алтау ала болса – ауыздағы кетеді.
Төле би: Уа, халайық!
Өркеннің өссін десең кекшіл болма,
Кесапаты тиер еліңе.
Елім өссін десең өршіл болма,
Өскеніңді өшірерсің.
Әйтеке би: Уа, халайық!
Атадан жақсы ұл туса,
Еліңнің туы болар.
Атадан жаман ұл туса,
Көшіңнің соңы болар.
Жүргізуші:Балалар, ал енді мен мақал-мәтелдерді бастаймын, ал сендер аяқтайсыңдар. Мұқият тыңдаймыз!
1)Жері байдың –елі бай;
2)Отан – оттан да ыстық;
3) Отансыз адам – ормансыз бұлбұл;
4) Отан- елдің анасы, ел ердің-анасы;
Тәуелсіз еліміз болашаққа айқын бағдар түзеп, өркениетті елдер қатарында келеді. Еліміздің осы 24 жылда қол жеткізген табыстары біздерді жігерлендіреді.
Аға ұрпақ бастаған тарихи жолды жалғастыратын да бүгінгі бүлдіршіндер, келешек жастар.
Азаматтық орнағалы жерімізде,
24 жыл Тәуелсіздік төрімізде.
Салиқалы саясат арқасында,
Татулық тұрақтапты елімізде.
Тәуелсіздік күнін біз тойлап,
Шаттанамыз бәріміз.
Өлең де әзір, ән де әзір,
Би де әзір, бәрі әзір – дей келе «Болашақ» тобының арыстандай ұлдарының орындауында «Біздің жігіттер» биін тамашалаңыздар!
Би: «Біздің жігіттер»
Жүргізуші: Құрметті ата - аналар, балалар, қадірменді қонақтар «Болашақ» тобының «Тәуелсіздік күніне» арналған ертеңгілігімізді назар қойып тыңдағандарыңызға көп рахмет!
Демеңіз біз өнерді аяп қалды,
Мезгіл де біраз жерге таяп қалды.
Қош болып тұрыңыздар көріскенше,
Осымен ертеңгілігіміз аяқталды!!!
Қазақстан Республикасының Ғылым және Білім министірлігі
«Тәуелсіз Қазақстаным!»
ертеңгілік
Өткізген: Касымова С. Қ
Бозанбай ауылы 2015 – 2016 оқу жылы
