«Жолда жүре білеміз бе?» - балаларға арналған ойын-сауық бағдарламасы

Атырау облысы
Жылыой ауданы
Құлсары қаласы
Қондыбаева Гүлсім Жаңабайқызы
КМҚК «Айгөлек» ясли бақшасының
І - ші санатты тәрбиешісі

«Жолда жүре білеміз бе?»
Мақсаты: Жолда жүру ережесі туралы түсінік беру. Балаларды жолда
жүру ережелеріне сәйкес бағдаршамның атқаратын
қызметімен таныстыра отырып, балаларды аңғарымпаздыққа,
байқағыштыққа тәрбиелеу. Көше, жол, жаяу адам жүретін жол
мен көліктер туралы түсініктерін жетілдіру.

Жүргізуші: Қымбатты, балалар, қонақтар жолда жүру ережелеріне
арналған бүгінгі ойын ертеңгілігімізді бастаймыз. Балалар
бүгін бізде ерекше күн. Біз қазір орманға саяхатқа шығамыз.
Жол қашық сондықтан, көлікпен баруымыз керек. Мен жұмбақ
айтамын, соның шешуін тапсаңдар біз сол көлікпен саяхатқа
шығамыз.

Бұл тұлпар су ішпейді, жем жемейді,
Ескіріп ешбір адам емдемейді.
Жүк емес жануарға жүз адам да,
Киіп ап төрт дөңгелек дөңгелейді.
Жүргізуші: Енді жол ережелерін есімізге түсірейік. Өйткені жолда түрлі
жол белгілері кездеседі.(Кеуделеріне белгі ілген 5бала шығады)
1. Бағдаршам
2. Ескерту
3. Тыйым
4. Анықтама
5. Көрсеткіш

1. Жанаргүл: Арманға алда күткен асығармыз,
Біз қалай толқын атпай басылармыз.
Жол жүру ережесін жақсы біліп,
Сақтыққа тұра алатынг жас ұланбыз.

2. Нұрай: Жалғайтын достарым бар елменен,
Жолдардан тұрады ғой әлем деген.
Бүгінгі бізге келген қонақтарға
Ойынымыз басталсын сәілемменен.

3. Бағдаршам: Қызыл көзін ашқанда,
_{(Бақдаулет)}Сынық сүйем баспа алға.
Сары көзін ащқанда,
Қарап қалма аспанға.
Жасыл көзін ашқанда,
Өте бергін жасқанба.

4.Ескерту белгісі: Қызыл шеңбер ішінде,
_(Айяна) Үшбұрыш боп тұрамын.
Қателеспес үшін де,
Көз сал маған, шырағым.
Құрар үйде сауықты,
Жолдан аман келсе адам.
Жолда күткен қауіпті
Ескертемін мен оған.

5. Тыйым салу белгісі: Қызылмен боялған шеңберлі аумақпын,
_(Ерхан) Тыйымшыл белгімін, қаталмын, салмақпын.
Мен тұрған жерлерден қақың жоқ жүруге,
Қауіп бар бағдарла, көз салып жан-жаққа.

6. Анықтама белгісі: Белгімін көрсетер жылдамдық бағытты,
_(Әли) Міндетті бұрылыс, әйтпесе қауіпті.
Барлығын анықтап, тұрамын жолында,
Абай бол, шартымды, міндетті орында.

7. Көрсеткіш белгісі: Баратын жеріңнің
_{(Толғанай)} Бағытын, тұрағын
Үн-түнсіз жол сілтеп,
Жол нұсқап тұрамын.
Күндіз де, түнде де
От болып жанады.
Көк түске боялған,
4 бұрыш шырағым.

8. Арнұр: Шофер біткен бүгінде
Жол тәртібін біледі.
Бағдаршамның түбінде
Ережемен жүреді.

Жүргізуші: Ал, балалар, қане, автобусқа жайғасайық. Ал қозғалдық, сәт
сапар.Біз қазір қаланың көшесімен келе жатырмыз. Көше
қиылысында бағдаршам тұр екен.
Ашса кезек үш көзін
Айтты деп ұқ үш сөзін
-Тоқта
- Сақтан
- Жол ашық.
Жүрме жолға таласып.

Бағдаршамның қай түсі жанғанда біздің автобусымыз жүру
керек?

Жүргізуші: Бұл «Абайла» «жануарлар» деген белгі. Жүргізуші байқап
жүрмесе жануарды басып кетуі мүмкін..

Жүргізуші: Ендеше, «Жануарлар» деген ескерту белгісі тұрса, біз орманға
да келіп қалған болдық қой. Ұмытпасам бұл үйшік
Шипагер (Айболит) атайдың үйі болса керек.
Балалар,ойын ертеңгілікке Айболит,яғни, Шипагер атай
қатысып отыр.
Кішіге, үлкенге, жасыңа,кәріңе, жан сая қиналған жандардың
бәріне Шипагер ата көмектесуге әзір.

Балалар құрметпен қол соғады. Осы кезде басы ақ шүберекпен оралған Аю өкіріп кіреді.

Жүргізуші: Ататай қараңыз мына бір сұмдықты,
Маймаққа не болған, кім оны қынжылтты.

Шипагер: Маймағым не болды, жасымай айтшы өзің,
Неліктен көкпеңбек ісінген бас-көзің.
(Аюдың басын таңып дәрі жаққан болады)

Аю: Айтайын жасырмай шынымды
_{( Ерсін)} Сақтаңыз шыбындай жанымды.
Жармасып бал тасыр машина қадаққа
Домалап түстімде, тап болдым азапқа.

Шипагер: Бір сәтті қарының,
Тоятын күн үшін
Жол жүру ереже
Тәртібін бұзыпсың.

Аю: Шипагер ата, енді қайтіп машинаға жармаспаймын. Жолда
жүру ережесін бұзбаймын.

Жүргізуші: Біз тоқтап Аюға бағдаршам жоқ жерде жолдан қалай өту керек
екенін түсіндірейік. Бағдаршам жоқ кезде мынадай белгі
салынған жерден өту керек. Бұны «Зебра» яғни, жолақты белгі
салынған жер дейді.

Зере: Әуелі жолдан өтерде сол жағыңа қарайсың. Жолдың ортасына
келгесін оң жаққа қарайсың. Бұндай белгі бар жерде машина
жаяуға жол береді.

Аю: Рахмет, енді түсіндім.

Бір-бірімен дауласқан күйі Түлкі мен Қоян келеді.

Түлкі: Мына қыли қоянның кесірі.
Мені велигіне отырғызып,
_{(Мұратбек)} алдымыздан машина шыға келгенде рульді
бұра алмай, құлатып тастады.

Қоян: Ой, суайт! Қалай өтірік айтасың. Өзің емес пе, «мен күшті
_(Айда) тебем, мен күшті тебем» деп мақтанып рульге отырған. Неге
маған бәле жабасың?

Жүргізуші: Жарайды дауласпаңдар.Кел автобусқа отыра қойыңдар. Жолда
сендерді Шипагерге апарамыз. Балалар байқадыңдар ма мына
жерде қандай белгі тұр?
Балалар: «Велосипед тебуге болмайды» деген белгі.

Жүргізуші: Мына қасқырға не болған, бұл неге жылап келе жатыр?
Ау, қасеке саған не болған, бетің көгеріп, аяқ-қолың жара
болыпты біреу ренжітті ме?
Қасқыр: Жоқ, мені кім ренжітуші еді. Бір машина үстіне қой мен ешкі
_{(Нұртілек)} тиеп кетіп бара жатыр екен, соның біреуін алып қалайыншы
деп, машинаның артына жабысып едім, құлап түсіп,
аяқ-қолымды жаралап алдым
Жүргізуші: Балалар жүріп бара жатқан машинаға жабысу дұрыс па?
Жарайды, қасеке, автобусқа кіріп, түлкі мен қоянның жанына
отыр, Шипагерге(Айболитке) барасың.
Жүргізуші: Шипагер ата, тез мыналарды ауруханаға жеткізіңіз. Балалар,
көрдіңіздер ме, жолда ойнағанның кесірі. Мына сотқарлар жол
жүру ережесін бұзғандықтан осындай халге душар болып отыр.

1. Көшенің жаяулар өтетін жол белгіленбейтін жерлерден өтуге
а) Болмайды
2. Жақындап қалған транспорт алдынан өтуге
б) Болмайды
3. Жолда коньки тебуге
в) Болмайды
4. Жолда доп ойнауға
г) Болмайды
5. Жолда велосипед тебуге
д) Болмайды
Жүргізуші: «Байқа! балалар!» белгісі көрінеді. Мынау не белгі балалар?
Балалар: «Байқа, бұл жермен балалар жүреді» деген белгі.
Жүргізуші: Біздер бақшағада келіп қалдық. Саяхат ұнады ма?
Бүкіл саяхат барысында қанша жол ережесін есімізге түсірдік,
білімімізді толықтырдық.
Шуақты өміріміз күндей күліп,
Жүректе бүршік атып, гүлдейді үміт.
Арманға сапар тарту мүмкін емес.
Жол жүру ережесін білмей тұрып.