Көктемнің шуағы – аналарымыздың мейірімі
Аналар – өмірдің мәні, шыдамдылықтың, мейірімділіктің символы. «Ару Көктем, Аналар!» атты мерекемізде біз аналарымызға деген шексіз сүйіспеншілігімізді білдіреміз. Көктемнің алғашқы шуақтары салқын қарды ерітіп, бәйшешек гүлдерімен бірге біздің сүйікті аналарымызды атап өтетін күн келді. Бұл ерекше күнде аналарды құттықтап, балалардың дайындаған өнерлері арқылы оларға деген жылы сезімдерімізді білдіреміз.
Көктем мен аналардың байланысы ешқашан үзілмейді. Бәйшешек сияқты, аналарымыз да қиындықтарға қарамастан, мықты әрі төзімді. Көңіліміздегі сыйластық пен құрметті атап өту біз үшін үлкен мәртебе. Әр бала үшін анасының құшағы – ең қауіпсіз, ең жылы орын. Бүгінгі мерекеде біз аналарымызға олардың көрсеткен мейірімдері мен сүйіспеншіліктері үшін алғыс білдіреміз.
Мерекеміз барысында балаларымыз өнер көрсету, өлеңдер айту, ән айту сияқты түрлі бағдарламалар дайындады. Көктем аруының әні мен бигі бүгінгі шараның ажарын ашады. Көктемнің жарығы мен қуанышын, аналарымыздың мейірімін біріктіре отырып, бұл балалардың «Анашым» атты әні ерекше әсерлі болатынына сенімдіміз. Біз бірлесе отырып, аналарымызға деген сүйіспеншілігімізді көрсетеміз.
Тақырыбы: Ару Көктем, Аналар!
Жүргізуші: Құрметті асыл аналар, қыздар, ұстаздар! Бәйшешек бой көтергенде көктемнің алғашқы хабаршысы болып аналар мерекесі келді. Бәйшешек соншалықты нәзіктігіне қарамастан қалың қар астынан бүршік жарады. Біздің аналарымыз да, бәйшешектей қиындыққа төзімді. Аналар, көктемгі гүл мерекелеріңіз құтты болсын!
Әлемнің жарығын сыйладың сен маған,
Даланың әр гүлін жинадың сен маған, - деп өлең жолдарында айтылғандай бүгінгі күн бізге махаббаты мен бар жақсылығы сыйлаған ардақты аналарға арналады.
Сіздерде өскен балалар
Батырлар мен даналар.
Құттықтаймыз мейраммен
Құрметті әжелер мен аналар.
Бүгінгі ертеңгілігімізді ашу үшін сөз кезегі «Қыр бөбегі» шағын орталығының меңгерушісі Арзы Бақытгүл апайға беріледі.
Жүргізуші: Армысың ауылымның асылдары,
Жайнасын көңілдердің жасыл бағы
Сіздер үшін ән ме күй, өлең мен би
Сіздер үшін мереке шашулары.
Бүгінгі мерекеміз аналар құрметіне арналады.
Ән: «Құттықтаймын мама» (Барлығы қосылып айтады)
Жүргізуші: Таңдай қағар тамсана
Тіршіліктің басы – ана,
Қыздырайық тойды біз,
Тақпақ айтып бәріміз.
1-бала:Қолын қатты тигізбей
Кірлі көйлек кигізбей
Жұпар исін аңқытқан
Бұл кім балалар? (Ана)
2-бала:Үн қатасың бал тілмен,
Еркелеймін әр күн мен
Құттықтаймын анашым
Сегізінші наурызбен.
3-бала:Достықты біз ойлаймыз
Бірге күліп ойнаймыз.
Қыздарды да құттықтап
Мерекесін тойлаймыз.
Ән «Анашым»
Ғажайып сәт
Есік қағылып, ішке музыка ырғағымен көк көйлек киген Көктем аруы келді. Құшағында бір құшақ гүлі бар.
Ару Көктем:
Мен көңілді, көктеммін,
Былтыр келіп кеткенмін.
Көзін ашып бұлақтың,
Түбіне тал еккенмін.
Гүл боп қырда егілем,
Дән боп жерге себілем.
Жаңбыр боп жауамын да,
Нұр боп көктен төгілем.
Шуағын төгіп әлемге,
Жылуын күннің әкелем.
Табиғаттың төсіне
Тіршілігін сыйлаймын.
Жүргізуші: Амансың ба? Ару көктем! Ұлан байтақ елімізге Қош келіпсің! Шуағыңмен шаттандырып, нұрыңды мол төге бер.
Көктем аруы: «Мынау менің құшағым толы қыр гүлін, гүлдей жайнаған қыздарға сыйлағым келіп отыр» - деп гүлді таратады. Аяулы аналар, әжелер мерекелеріңіз құтты болсын!
Жүргізуші: Ал, Ару көктем, біздің балаларымыздың дайындаған өлең – тақпақтарын қабыл алыңыз.
4-бала:Өмірдің қызығы,
Өзіңсіз өтпейді.
Мен үшін анама,
Ешкімде жетпейді.
5-бала:Жанымызды жайнатқан,
Сіздерсіз ғой аналар.
Зор денсаулық, мол бақыт
Тілейміз біз аналар.
6-бала:Бәрімізге анасың
Біз үшін күн боп жанасың.
Құтты болсын мейрамың
Құттықтаймын анашым!
Би: «Қара жорға»
Жүргізуші: Ананың әрбір сөзі жылылыққа толы. Ааның көз нұры, мейірімі тастай мұзды да жібітеді. Сүйікті аналар, сіздерге деген балаларыңыздың жылы лебіздерін қабыл алыңыздар.
Ән: «Шіркін сурет сабағы»
7-бала:Ардақтап аялап,
Мәпелеп қсірген
Апамдай жан бар ма?
Қатемді кешірген.
8-бала:Көгімде күн болып,
Жұлдыздай жанасың.
Аман бол әрдайым
Аяулы анашым.
9-бала:Мен гүлдерді жұлмаймын,
Торғайларды қумаймын.
Айтқан сөзді тыңдаймын.
Апашымды сыйлаймын.
Ән: «Алға Қазақстан»
Ойын: «Кім тез гүл тереді»
Ойын шарты: ортаға ата – аналар шығып, жерде қызыл-жасылды жайылып, шашылып жатқан гүлдерді жинап шығады. Кім тез, көп гүл терсе, сол адам жеңімпаз болады.
10-бала:Кір түсірмей жағама,
Шашымды да тарайсың,
Бақшаға да барарда
Мейірлене қарайсың
Бал бөбегін баптаған,
Мамам үшін мақтанам.
11-бала:Ардақтап аялап,
Мәпелеп қсірген
Апамдай жан бар ма?
Қатемді кешірген.
12-бала:Таусылмайды өлеңі
Күнде айтып береді.
Барған сайын бір жаққа,
Кәмпит алып келеді.
Әжем мені өйткені,
Өте жақсы көреді.
Ән: «Қошақан»
13-бала:Ұл-қызыңа ерген,
Немереңбіз әже.
Немереңнен өрген,
Шөбереңбіз әже.
14-бала:Армысыңдар, халайық,
Бармысыңдар, халайық.
Аналардың мейрамын,
Бірге қарсы алайық.
Ойын: «Анам мені қалай еркелетеді»
Ойын шарты: 2-бала өздерінің аналарымен шығады. Әр гүлді басқан сайын анасы жылы сөз айтып баласын жету керек. Қағаз сыртына аяғы шықпау керек.
Ән: «Жау – жау жаңбыр»
Жүргізуші: Бүгінгі мереке күні аналарымызды мерекелерімен құттықтаймыз. Келесі құттықтауларымыз сіздерге арналады, құрметті аналар.
Хор: «Анашым»
